ທ່ານພົນໂທ ຟານວັນຢາງ , ຮອງລັດຖະມົນຕີກະຊວງປ້ອງກັນປະເທດຫວຽດນາມ (ພາບ: baoquocte.vn)

ດ້ວຍຫົວຂໍ້: “ການຮ່ວມມືດ້ານການທະຫານເພື່ອ ອາຊຽນ ສະຫນິດຕິດພັນ ແລະເປັນເຈົ້າການຮັບມື”, ກອງປະຊຸມ ACDFM -17 ໄດ້ສຸມໃສ່ເຂົ້າໃນບາງເນື້ອໃນຕົ້ນຕໍຄື: ລາຍງານໝາກຜົນກອງປະຊຸມ AMIM -17 ແລະ ໝາກຜົນກອງປະຊຸມ AMOM – 10, ແລກປ່ຽນທັດສະນະ ກ່ຽວກັບບັນດາສິ່ງທ້າທາຍຄວາມໝັ້ນຄົງຢູ່ພາກພື້ນ ຊື່ງຕ່າງຝ່າຍຕ່າງມີຄວາມສົນໃຈ, ປຶກສາຫາລືມາດຕະການຊຸກຍູ້ການຮ່ວມມືແທ້ຈິງເພື່ອແນໃສ່ເພີ່ມທະວີການຕິດພັນພາຍໃນກຸ່ມ.

ຕາງຫນ້າຜູ້ບັນຊາການປ້ອງກັນຊາດບັນດາປະເທດ ອາຊຽນ ໄດ້ຕີລາຄາສູງຄວາມມານະພະຍາຍາມຂອງຫວຽດນາມ ເຖິງວ່າໂລກລະບາດໂຄວິດ 19 ຜັນແປໄປສັບສົນ ແຕ່ຫວຽດນາມໄດ້ຕັ້ງຫນ້າຜັນຂະຫຍາຍບັນດາບຸລິມະສິດ, ຂໍ້ລິເລີ່ມໄດ້ວາງອອກໃນປີເປັນປະທານ ອາຊຽນ 2020 ຢ່າງມີປະສິດທິຜົນ, ໃນນັ້ນຈັດຕັ້ງສຳເລັດຜົນບັນດາກອງປະຊຸມ ການທະຫານ ປ້ອງກັນຊາດ ອາຊຽນໃນໄລຍະຜ່ານມາ, ສະເຫນີປະຕິດບັດຫລາຍຂໍ້ລິເລີ່ມໃນການປ້ອງກັນສະກັດກັ້ນໂລກລະບາດຢ່າງທັນການກໍ່ຄືຜັນຂະຫຍາຍບັນດາການເຄື່ອນໄຫວຮ່ວມມືໃນຂອບເຂດການຮ່ວມມືປ້ອງກັນຊາດ ການທະຫານ ອາຊຽນ.

ກ່າວຄຳເຫັນທີ່ກອງປະຊຸມ ທ່ານພົນໂທ ຟານວັນຢາງ , ຮອງລັດຖະມົນຕີກະຊວງປ້ອງກັນປະເທດຫວຽດນາມແບ່ງປັນບັນດາການປະກອບສ່ວນຂອງກອງທັບປະຊາຊົນຫວຽດນາມໃນການປ້ອງກັນສະກັດກັ້ນໂລກລະບາດໂຄວິດ 19.

ເນື່ອງໃນໂອກາດນີ້ ຫວຽດນາມໄດ້ປະຕິບັດການມອບຮັບຕຳແຫນ່ງປະທານ ACDFM ໃຫ້ແກ່ປະເທດ ບຣູໄນ.