ກ່າວຄຳເຫັນນະທີ່ນີ້, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ, ປະທານປະເທດ ຫງວຽນຟຸຈ້ອງ ຢືນຢັນວ່າ, ສຳລັບປະເທດ ແລະ ຊາດຫວຽດນາມ, ພໍ່ແມ່ປະຊາຊົນຊາວຫວຽດນາມ ອາໄສຢູ່ຕ່າງປະເທດ ເຖິງວ່າດຳລົງຊີວິດຢູ່ແຫ່ງຫົນໃດກໍ່ຕາມ, ຍາມໃດກໍ່ແມ່ນພາກສ່ວນໜຶ່ງທີ່ບໍ່ອາດຕັດແຍກອອກຈາກປະຊາຄົມຊາວຫວຽດນາມ ໄດ້.

        “ບັນດາການປະກອບສ່ວນທີ່ໜ້າເຄົາລົບ ແລະ ເຕັມໄປດ້ວຍຄວາມເອກອ້າງທະນົງໃຈຂອງພໍ່ແມ່ຊາວຫວຽດນາມ ອາໄສຢູ່ຕ່າງປະເທດສຳລັບບ້ານເກີດເມືອງນອນ, ປະເທດຊາດ ໂດຍເລີ່ມມາຈາກຄວາມຮັກຕໍ່ປະເທດຊາດຂອງແຕ່ລະຄົນ, ແມ່ນມູນເຊື້ອອັນລ້ຳຄ່າຂອງຊາດຫວຽດນາມ. ພັກ, ລັດ ແລະ ປະຊາຊົນຫວຽດນາມ ຍາມໃດກໍ່ມີຄວາມເຂົ້າໃຈ, ແບ່ງປັນກັບພໍ່ແມ່ປະຊາຊົນທີ່ຫ່າງໄກກັບບ້ານເກີດເມືອງນອນ, ແບ່ງເບົາບັນດາຄວາມຫຍຸ້ງຍາກ, ລຳບາກເມື່ອອາໄສຢູ່ຕ່າງປະເທດ, ພ້ອມທັງກໍ່ເຊື່ອໝັ້ນວ່າ, ຊາວຫວຽດນາມ ເຖິງວ່າອາໄສຢູ່ແຫ່ງໃດ, ເຮັດວຽກງານຫຍັງ, ຍາມໃດກໍ່ຄວນຮັກສາ ແລະ ສືບທອດໃຫ້ຄົນຫຼັງຕ້ອງອວ່າຍໜ້າເມືອຫາກົກເຄົ້າເຫງົ້າກໍ່.”

        ແລະກໍ່ໃນຕອນບ່າຍວັນດຽວກັນ, ທ່ານນາຍົກລັດຖະມົນຕີ ຫງວຽນຊວນຟຸກ ກໍໄດ້ພົບປະກັບຊາວຫວຽດນາມ ອາໄສຢູ່ຕ່າງປະເທດ 100 ຄົນ ທີ່ຕາງໜ້າໃຫ້ຊາວຫວຽດນາມ ອາໄສຢູ່ຕ່າງປະເທດ 4,5 ລ້ານຄົນ ກັບເມືອປະເທດເຂົ້າຮ່ວມລາຍການລະດູບານໃໝ່ຢູ່ບ້ານເກີດເມືອງນອນ 2019. ທີ່ການພົບປະ, ທ່ານນາຍົກລັດຖະມົນຕີ ປາດຖະໜາວ່າ, ຈະມີນັກລົງທຶນຊາວຫວຽດນາມ ອາໄສຢູ່ຕ່າງປະເທດ ຫຼາຍຄົນກັບເມືອລົງທຶນຢູ່ຫວຽດນາມ, ໂດຍສະເພາະແມ່ນເລື່ອງຫວຽດນາມ ໄດ້ເຂົ້າຮ່ວມສັນຍາການຄ້າເສລີ 12 ສະບັບ. ກາລະໂອກາດໃຫ້ບັນດານັກລົງທຶນແມ່ນໃຫຍ່ຫຼວງ ບໍ່ພຽງແຕ່ຢູ່ຫວຽດນາມ ເທົ່ານັ້ນ, ຫາກຍັງຢູ່ບັນດາຕະຫຼາດເຊິ່ງຫວຽດນາມ ໄດ້ເຂົ້າຮ່ວມການລົງນາມໃນສັນຍາການຄ້າເສລີອີກດ້ວຍ.