(VOVWORLD) - ໂດຍປະຕິບັດຕາມໂຄງການພົບປະກັບຜູ້ມີສິດເລືອກຕັ້ງກ່ອນດຳເນີນກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດ ຫວຽດນາມ ທີ XV, ຕອນເຊົ້າວັນທີ 12 ພຶດສະພາ, ທ່ານເລຂາທິການໃຫຍ່ ຫງວຽນຝູຈ້ອງ ພ້ອມກັບສະມາຊິກຄະນະສະມາຊິກສະພາແຫ່ງຊາດນະຄອນຮ່າໂນ້ຍ, ເຂດເລືອກຕັ້ງເລກ 1, ໄດ້ດຳເນີນການພົບປະກັບຜູ້ມີສິດເລືອກຕັ້ງບັນດາເມືອງ: ດົງດາ, ບາດິ່ງ, ຮາຍບ່າຈຶງ. ກອງປະຊຸມໄດ້ປະຕິບັດດ້ວຍຮູບການເຊິ່ງໜ້າ ແລະ ທາງໄກ.
 ທ່ານເລຂາທິການໃຫຍ່ ຫງວຽນຝູຈ້ອງ ກ່າວຄຳເຫັນທີ່ການພົບປະ (ພາບ: VOV) |
ກ່າວຄຳເຫັນນະທີ່ນີ້, ທ່ານ ຫງວຽນຝູຈ້ອງ ໄດ້ຮັບເອົາຄຳເຫັນຂອງຜູ້ມີສິດເລືອກຕັ້ງ ເພື່ອຍົກສູງຄຸນນະພາບ ການເຄື່ອນໄຫວຂອງຄະນະສະມາຊິກສະພາແຫ່ງຊາດ ນະຄອນຮ່າໂນ້ຍ ແລະ ສະພາແຫ່ງຊາດຊຸດທີ XV.
ເມື່ອເຕື້ອງເຖິງວຽກງານປ້ອງກັນ, ຕ້ານການສໍ້ລາດບັງຫຼວງ, ໄພຫຍໍ້ທໍ້, ທ່ານເລຂາທິການໃຫຍ່ ຫງວຽນຝູຈ້ອງ ໃຫ້ຮູ້ວ່າ ຢູ່ກອງປະຊຸມສູນກາງພັກຄັ້ງທີ 5 ຫາກໍ່ສິ້ນສຸດລົງຫວ່າງມໍ່ໆມານີ້, ສູນກາງພັກໄດ້ເຫັນດີເປັນເອກະພາບຢ່າງສູງຕໍ່ການສ້າງຕັ້ງຄະນະຊີ້ນຳຂັ້ນແຂວງກ່ຽວກັບການປ້ອງກັນ, ຕ້ານການສໍ້ລາດບັງຫຼວງ, ໄພຫຍໍ້ທໍ້ ເພື່ອສືບຕໍ່ເສີມຂະຫຍາຍບັນດາໝາກຜົນທີ່ບັນລຸໄດ້ໃນ 10 ປີຜ່ານມາ ສ້າງຄວາມເປັນເອກະພາບໃຫ້ລຸລ່ວງ ຈົນຮອດ 63 ແຂວງ, ນະຄອນໃນທົ່ວປະເທດ, ປະກອບສ່ວນສະກັດກັ້ນ, ປ້ອງກັນ, ຄົ້ນພົບບັນດາກໍລະນີສໍ້ລາດບັງຫຼວງ, ໄພຫຍໍ້ທໍ້, ຟຸມເຟືອຍ.
 ທ່ານປະທານປະເທດ ຫວຽດນາມ ຫງວຽນຊວັນຟຸກ |
ແລະ ກໍ່ໃນຕອນເຊົ້າວັນທີ 12 ພຶດສະພາ, ທ່ານປະທານປະເທດ ຫວຽດນາມ ຫງວຽນຊວັນຟຸກ ແລະ ສະມາຊິກສະພາແຫ່ງຊາດເຂດເລືອກຕັ້ງເລກ 3 ນະຄອນ ໂຮ່ຈີມິນ ໄດ້ມີການພົບປະກັບຜູ້ມີສິດເລືອກຕັ້ງເມືອງ 5, 8 ແລະ 11. ກ່າວຄຳເຫັນທີ່ກອງປະຊຸມ, ທ່ານປະທານປະເທດ ຫງວຽນຊວັນຟຸກ ໄດ້ຢັ້ງຢືນວ່າ ປະທານປະເທດ, ບັນດາສະມາຊິກສະພາແຫ່ງຊາດ ແລະ ການນຳ ນະຄອນໂຮ່ຈີມິນ ພ້ອມແລ້ວທີ່ຈະຮັບຟັງ, ອະທິບາຍ ແລະ ຮັບເອົາບັນດາຄຳເຫັນ, ຄວາມມຸ່ງມາດປາດຖະໜາຂອງຜູ້ມີສິດເລືອກຕັ້ງ.
ທ່ານກໍ່ເນັ້ນໜັກວ່າ, ໜຶ່ງໃນບັນດາໜ້າທີ່ສຳຄັນຂອງສະມາຊິກສະພາແຫ່ງຊາດນັ້ນແມ່ນ ສະຫຼະເວລາເພື່ອຮັບຟັງຄຳເຫັນຂອງຜູ້ມີສິດເລືອກຕັ້ງ ແລະ ຕີລາຄາສູງຕໍ່ຜູ້ມີສິດເລືອກຕັ້ງເມືອງ 5,8 ແລະ 11 ທີ່ມາເຂົ້າຮ່ວມການພົບປະເປັນຈຳນວນຫຼາຍ, ໃນນັ້ນມີຜູ້ມີສິດເລືອກຕັ້ງຫຼາຍຄົນໄດ້ເປັນຕົວແທນໃຫ້ແກ່ສາສະໜາ, ຊົນເຜົ່າ.