ເລຂາທິການໃຫຍ່ ພັກຄອມມູນິດ ອູຣູກວາຍ ຢັ້ງຢືນບົດບາດນຳພາຂອງພັກຄອມມູນິດ ຫວຽດນາມ
(VOVWORLD) - ວັນທີ 29 ມັງກອນ, ເມື່ອຕອບສຳພາດຕໍ່ນັກຂ່າວສຳນັກຂ່າວສານຫວຽດນາມ, ທ່ານ Juan Castillo, ທ່ານເລຂາທິການໃຫຍ່ພັກຄອມມູນິດ ອູຣູກວາຍ, ຢັ້ງຢືນວ່າ: ພັກຄອມມູນິດ ຫວຽດນາມ ສວມບົດບາດສຳຄັນຍິ່ງໃນການນຳພາຊາດ ຫວຽດນາມ ຍາດໄດ້ຜົນງານຫຼາຍຢ່າງໃນພາລະກິດປົກປັກຮັກສາ ແລະ ສ້າງສາປະເທດຢ່າງມີໄຊ.
 ທ່ານ Juan Castillo, ທ່ານເລຂາທິການໃຫຍ່ພັກຄອມມູນິດ ອູຣູກວາຍ (ພາບ: TTXVN) |
ປະທານ ໂຮ່ຈີມິນ - ຜູ້ກໍ່ຕັ້ງພັກຄອມມູນິດ ຫວຽດນາມ ພ້ອມກັບການນໍາຫວຽດນາມ ລຸ້ນຕ່າງໆ ໄດ້ນຳພາຊາດ ຫວຽດນາມ ສ້າງລັດທິສັງຄົມນິຍົມຢ່າງສຳເລັດຜົນ ແລະ ພວມບັນລຸໄດ້ຄວາມຄືບໜ້າຫຼາຍຢ່າງໃນກິດຈະການປ່ຽນແປງໃໝ່. ທ່ານເລຂາທິການໃຫຍ່ພັກຄອມມູນິດ ອູຣູກວາຍ Castillo ສະແດງຄວາມປາດຖະໜາຢາກເພີ່ມທະວີການພົວພັນຮ່ວມມືກັບ ພັກຄອມມູນິດ ຫວຽດນາມ ຫຼາຍກວ່າອີກ, ເພື່ອແບ່ງປັນບົດຮຽນ, ປະສົບການອັນລ້ຳຄ່າເຊິ່ງ ຫວຽດນາມໄດ້ປະຕິບັດຢ່າງສຳເລັດຜົນໃນພາລະກິດສ້າງສາ ແລະ ພັດທະນາປະເທດຊາດ, ເພື່ອຜັນປະໂຫຍດຂອງປະຊາຊົນໃນຊຸມປີມໍ່ໆມານີ້.
ທ່ານຕີລາຄາສູງເລື່ອງສອງປະເທດເພີ່ມທະວີການແລກປ່ຽນຄະນະຜູ້ແທນ, ທ່ານກໍໃຫ້ຮູ້ວ່າ ພ້ອມກັບອຳນາດການປົກຄອງ Montevideo, ພັກຄອມມູນິດ ອູຣູກວາຍ ພວມຊຸກຍູ້ການສ້າງ ສູນວັດທະນະທຳ ຫວຽດນາມ, ໃນນັ້ນ ມີຮູບປັ້ນປະທານ ໂຮ່ຈີມິນ ໄດ້ຕັ້ງຢູ່ສະຖານທີອັນດີງາມຂອງນະຄອນຫຼວງ ເພື່ອອາໄລຫາເພິ່ນ. ໃນໄລຍະເດີນທາງໄປຊອກຫາເສັ້ນທາງກູ້ຊາດ ກ່ອນນີ້ 112 ປີ, ປະທານ ໂຮ່ຈີມິນ ເຄີຍເຄື່ອນໄຫວຢູ່ທ່າກ່ຳປັ່ນທະເລ ອູຣູກວາຍ ແລະ ອາກຊັງຕິນ.