ເລື່ອງສຳເລັດການຈັດແບ່ງເສັ້ນຊາຍແດນ ແລະ ປັກຫຼັກໝາຍຊາຍແດນສ້າງເງື່ອນໄຂສະດວກໃຫ້ແກ່ການພັດທະນາເສດຖະກິດ - ສັງຄົມ
(VOVWORLD) -ຕອນບ່າຍວັນທີ 11 ຕຸລາ, ຄະນະກຳມະການປະຊາຊົນ ແຂວງລ້າງເຊີນ ໄດ້ຈັດຕັ້ງກອງປະຊຸມສະຫຼຸບວຽກງານຄຸ້ມຄອງຊາຍແດນພາຍຫຼັງ 10 ປີແຫ່ງການສຳເລັດວຽກງານຈັດແບ່ງເສັ້ນຊາຍແດນ ແລະ ປັກຫຼັກໝາຊາຍແດນ ແລະ ປະຕິບັດ ເອກະສານນິຕິກຳ 3 ສະບັບວ່າດ້ວຍຊາຍແດນທາງບົກລະຫວ່າງ ຫວຽດນາມ - ຈີນ.
ບັນດາບຸກຄົນ, ໜູ່ຄະນະທີ່ມີການປະກອບສ່ວນເຂົ້າການປະຕິບັດ ເອກະສານນິຕິກຳວ່າດ້ວຍຊາຍແດນ 3 ສະບັບ |
ແຂວງລ້າງເຊີນມີ ເສັ້ນຊາຍແດນຕິດກັບເຂດປົກຄອງດ້ວຍຕົນເອງຂອງເຜົ່າ ຈວາງ ແຂວງກ໋ວາງຊີ (ຈີນ) ກ່ວາ 230 ກິໂລແມັດ. ພາຍຫຼັງ 10 ປີແຫ່ງການປະຕິບັດສຳເລັດວຽກງານຈັດແບ່ງເສັ້ນຊາຍແດນ, ປັກຫຼັກໝາຍຊາຍແດນ ແລະ ຜັນຂະຫຍາຍ ເອກະສານນິຕິກຳ 3 ສະບັບກ່ຽວກັບເສັ້ນຊາຍທາງບົກດິນລະຫວ່າງ ຫວຽດນາມ - ຈີນ, ສະພາບການຢູ່ເຂດຊາຍແດນແຂວງລ້າງເຊີນ ສະຖຽນລະພາບໂດຍພື້ນຖານ, ເສັ້ນຊາຍແດນ, ຫຼັກໝາຍຊາຍແດນໄດ້ຮັກສາໄວ້ຢ່າງໝັ້ນຄົງ, ສ້າງເງື່ອນໄຂສະດວກໃຫ້ແກ່ການພັດທະນາເສດຖະກິດ - ສັງຄົມ ໃນຂົງເຂດລະຫວ່າງສອງຝ່າຍ ແລະ ສ້າງເສັ້ນຊາຍແດນແຫ່ງສັນຕິພາບ, ມິດຕະພາບ, ການຮ່ວມມື ແລະ ພັດທະນາ. ບັນດາການເຄື່ອນໄຫວນຳເຂົ້າ, ສົ່ງອອກ, ຂົນສົ່ງສິນຄ້າຜ່ານແດນຍາມໃດກໍ່ຮັບປະກັນການຈະລາຈອນ. ວຽກງານຮັບປະກັນ, ຄວາມເປັນລະບຽບຮຽບຮ້ອຍ, ຄວາມປອດໄພ, ວຽກງານສົມທົບກັນຄຸ້ມຄອງດ່ານຊາຍແດນລະຫວ່າງສອງຝ່າຍຍັງໄດ້ຮັບປະກັນ. ຊີວິດການເປັນຢູ່ຂອງປະຊາຊົນຢູ່ບັນດາຕາແສງເຂດຊາຍແດນນັບມື້ນັບມີສະຖຽນລະພາບ, ພັດທະນາ, ສາມັກຄີກັນປົກປັກຮັກສາເສັ້ນຊາຍແດນ…