ທ່ານປະທານາທິບໍດີ ລັດເຊຍ Vladimir Putin
(ພາບ: EPA/TTXVN)
(vovworld) – ທ່ານປະທານາທິບໍດີ ລັດເຊຍ Vladimir Putin ຖະແຫຼງວ່າ ວັນທີ 26/12 ລັດເຊຍ ຈັດຕັ້ງພິທີໄວ້ທຸກລະດັບຊາດໃຫ້ບັນດາຜູ້ປະສົບເຄາະຮ້າຍໃນເຫດການເຮືອບິນການທະຫານ Tu – 154 ຖືກຕົກຢູ່ທະເລດຳໃນຕອນເຊົ້າວັນທີ 25/12. ຖະແຫຼງການດັ່ງກ່າວໄດ້ຍົກອອກພາຍຫລັງກະຊວງປ້ອງກັນປະເທດ ລັດເຊຍ ຮັບຮູ້ວ່າ ບໍ່ມີໃຜລອດຊີວິດໃນເຫດການ ດັ່ງກ່າວ. ກ່າວຄຳເຫັນຕໍ່ວົງການນັກຂ່າວ, ທ່ານປະທານາທິບໍດີ Putin ກໍ່ຢືນຢັນສາຍເຫດທີ່ພາໃຫ້ເຮືອບິນຕົກ ແມ່ນຈະໄດ້ສຳຫລວດກວດກາລະອຽດ, ຍາດຕິພີ່ນ້ອງຂອງບັນດາຜູ້ປະສົບເຄາະຮ້າຍຈະໄດ້ຮັບການໜູນຊ່ວຍ.
ກະຊວງປ້ອງກັນປະເທດ ລັດເຊຍ ໃຫ້ຮູ້ວ່າ ເຮືອບິນບັນທຸກຜູ້ໂດຍສານ 92 ຄົນ ແລະ ປະຈຸບັນໄດ້ຊອກເຫັນຊາກສົບ 7 ຄົນແລ້ວ.
ເຮືອບິນ Tu – 154 ຂອງ ລັດເຊຍ ຖືກຕົກບົນທະເລດຳໃນວັນທີ 25/12, ການນຳຫລາຍປະເທດໄດ້ແບ່ງປັນຄວາມເສົ້າສະຫລົດໃຈ ລັດເຊຍ, ໃນນັ້ນມີກະຊວງການຕ່າງປະເທດ, ກະຊວງປ້ອງກັນປະເທດ ຕວກກີ, ປະທານາທິບໍດີ Armenia, ຄະນະເລຂາອົງການຮ່ວມມື ຊຽງໄຮ່.