ທ່ານ ໂງດຶກແມ້ງ ເອກອັກຄະລັດຖະທູດຫວຽດານມ ປະຈຳລັດເຊຍ (ພາບ: TTXVN)

ທີ່ກອງປະຊຸມ, ທ່ານ ໂງດຶກແມ້ງ ປະທານ AMC 2020 ໄດ້ແບ່ງປັນ, ອັບເດດຂໍ້ມູນຂ່າວສານກ່ຽວກັບສະພາບການປ້ອງກັນ, ສະກັດກັ້ນໂລກລະບາດ Covid – 19 ຢູ່ຫວຽດນາມ ແລະ ບັນດາການເຄື່ອນໄຫວຂອງຫວຽດນາມໃນຖານະຕຳແໜ່ງເປັນປະທານອາຊຽນ ປີ 2020 ແລະ ສະເໜີບາງມາດຕະການເພີ່ມທະວີການສົມທົບໃນຂອບເຂດ AMC ກັບຄູ່ຮ່ວມມືລັດເຊຍ.

        ທ່ານເອກອັກຄະລັດຖະທູດ 10 ປະເທດອາຊຽນ ໄດ້ຕີລາຄາສູງຕໍ່ບົດບາດ ແລະ ຄວາມມານະພະຍາຍາມຂອງຫວຽດານໃນຖານະຕຳແໜ່ງເປັນປະທານອາຊຽນທີ່ມີການເຄື່ອນໄຫວຫຼາຍຢ່າງເພື່ອນຳພາປະຕິບັດໂຄງການດຳເນີນງານ, ພິເສດແມ່ນຈັດຕັ້ງກອງປະຊຸມສຸດຍອດອາຊຽນ ຄັ້ງທີ 36ທາງອອນລາຍສຳເລັດຜົນໃນສະພາບການທີ່ໂລກລະບາດ Covid – 19 ຍັງຄົງສືບຕໍ່ຜັນແປຢ່າງສັບສົນ.

        ບັນດາເອກອັກຄະລັດຖະທູດລ້ວນແຕ່ໃຫ້ຂໍ້ສັງເກດລວມວ່າ: ໂລກລະບາດ Covid – 19 ແມ່ນໂລກລະບາດທີ່ບໍ່ເຄີຍເກີດຂຶ້ນມາກ່ອນ, ສົ່ງຜົນສະທ້ອນຢ່າງຮ້າຍແຮງຕໍ່ສຸຂະພາບຂອງປະຊາຊົນ, ຕໍ່ລະບົບສາທາລະນະສຸກ ແລະ ກໍ່ຜົນເສຍຫາຍຢ່າງມະຫາສານທາງດ້ານເສດຖະກິດ, ມີຜົນກະທົບຫຍໍ້ທໍ້ຫຼາຍດ້ານຕໍ່ສັງຄົມໃຫ້ທຸກໆປະເທດຢູ່ໃນໂລກເວົ້າລວມ ແລະ ອາຊຽນເວົ້າສະເພາະ. ບົນເນື້ອໃນຈິດໃຈດັ່ງກ່າວນັ້ນ, ບັນດາເອກອັກຄະລັດຖະທູດໄດ້ຕີລາຄາສູງຕໍ່ຄວາມມານະພະຍາຍາມຂອງອຳນາດການປົກຄອງລັດເຊຍທີ່ສາມາດຄວບຄຸມໂລກລະບາດ Covid – 19 ໄດ້ເປັນຢ່າງດີ, ກໍ່ຄືໜູນຊ່ວຍບັນດາອົງການທູຕານຸທູດຂອງບັນດາປະເທດອາຊຽນໃນການປ້ອງກັນ, ສະກັດກັ້ນໂລກລະບາດນີ້.