(vovworld) – ວັນທີ 24/02, ກ່າວຄຳເຫັນທີ່ການປະຊຸມຂ່າວໂດຍກົງຜ່ານເຄືອຂ່າຍອີນເຕີແນັດຢູ່ ຈາກາຕາ, ປະເທດອິນໂດເນເຊຍ, ທ່ານນາງເອກອັກຄະລັດຖະທູດອາເມລິກາ ປະຈຳອາຊຽນ Nina Hachigian ໄດ້ສະແດງຄວາມວິຕົກກັງວົນຕໍ່ເລື່ອງຈີນ ຈັດສົ່ງເຮືອບິນສູ້ຮົບເຖິງເກາະ ຟຸ໋ເລີມ, ຂຶ້ນກັບໝູ່ເກາະຮ່ວາງຊາ ຂອງຫວຽດນາມ, ເຊິ່ງແມ່ນແຫ່ງທີ່ຈີນ ຫາກໍຜັນຂະຫຍາຍການຕິດຕັ້ງລູກສອນໄຟໜ້າດິນຕ້ານເທິງອາກາດ HQ – 9. ທ່ານນາງ Nina Hachigian ຊີ້ແຈ້ງວ່າ “ພວກຂ້າພະເຈົ້າມີຄວາມວິຕົກກັງວົນວ່າແມ່ນບັນດາການກະທຳດັ່ງກ່າວໄດ້ເຮັດໃຫ້ຄວາມເຄັ່ງຕຶງໃນພາກພື້ນເພີ່ມຂຶ້ນ ແລະ ກໍ່ຜົນສະທ້ອນບໍ່ດີອີກ”.
ກ່ອນໜ້ານັ້ນ, ຕອນຄ່ຳວັນທີ 23/02, ວົງການເຈົ້າໜ້າທີ່ອາເມລິກາ ຢູ່ວໍຊິງຕັນ ໃຫ້ຮູ້ວ່່່າ, ເຮືອບິນສູ້ຮົບຈຸໜຶ່ງເກືອບ 10 ລຳຂອງຈີນ ໄດ້ມີໜ້າຢູ່ເກາະ ຟຸ໋ເລີມ. ໃນຂະນະນັ້ນ, ບັນດານັກໄຈ້ແຍກກໍສະແດງຄວາມວິຕົກກັງວົນຕໍ່ເລື່ອງຈີນ ພວມກໍ່ສ້າງຮາກຖານຣາດາຄວາມຖີ່ສູງຢູ່ເກາະຟຸ໋ເລີມ, ພ້ອມກັບບັນດາລານບິນ ແລະ ບັນດາຮາກຖານອື່ນໆໃນເກາະແຫ່ງຕ່າງໆເຊິ່ງຈີນ ກໍ່ສ້າງຢ່າງຜິດກົດໝາຍຢູ່ໝູ່ເກາະເຈື່ອງຊາ ຂອງຫວຽດນາມ.