ກ່າວຄຳເຫັນທີ່ກອງປະຊຸມຂອງສະພາຄວາມໝັ້ນຄົງ ສປຊ ໃນ ວັນທີ 15 ພຶດສະພາ, ທ່ານເອກອັກຄະລັດຖະທູດ ລັດເຊຍ Vasily Nebenzya ຖະແຫຼງວ່າ ບັນດາປະເທດຝ່າຍຕາເວັນຕົກ ຍອມຮັບວ່າ ໄດ້ເຂົ້າຮ່ວມການປະທະກັນຢູ່ ຢູແກຼນ ໂດຍກົງ. ເອກອັກຄະລັດຖະທູດ ລັດເຊຍ ຢ້ຳຄືນວ່າ ຫວ່າງມໍ່ໆມານີ້, ລັດຖະມົນຕີການຕ່າງປະເທດ ເຢຍລະມັນ Annalena Baerbock ໃຫ້ຮູ້ວ່າ ບັນດາປະເທດທີ 3 ທີ່ສະໜອງອາວຸດໃຫ້ແກ່ ລັດເຊຍ ແມ່ນສິ່ງທີ່ບໍ່ຮັບຮູ້ໄດ້ ເພາະວ່າ ອາດຈະຖືວ່າ ແມ່ນຝ່າຍເຂົ້າຮ່ວມການປະທະກັນ. ທ່ານເອກອັກຄະລັດຖະທູດ ລັດເຊຍ ໄດ້ຕັ້ງຄຳຖາມຄືນ ກ່ຽວກັບເລື່ອງທຸກອົງການການທະຫານຂອງບັນດາປະເທດຝ່າຍຕາເວັນຕົກ ພວມສະໜອງອາວຸດຍຸດທະພັນເປັນຈຳນວນຫຼາຍໃຫ້ແກ່ ຢູແກຼນ ເພື່ອສືບຕໍ່ການປະທະກັນ. ທ່ານເອກອັກຄະລັດຖະທູດ ລັດເຊຍ ຢັ້ງຢືນວ່າ ນັ້ນແມ່ນການຍອມຮັບຢ່າງຈະແຈ້ງກ່ຽວກັບການເຂົ້າຮ່ວມການປະທະກັນຢູ່ ຢູແກຼນໂດຍກົງຂອງ ຝ່າຍຕາເວັນຕົກ.