(vovworld) – ປະຕິບັດແຜນການສັງລວມວຽກງານປັກຫຼັກໝາຍຖີ່ ແລະ ບູລະນະລະບົບຫຼັກໝາຍຊາຍແດນຫວຽດນາມ - ລາວ, ແຕ່ຕົ້ນປີມາຮອດປະຈຸບັນ, ໃນທົ່ວລະບົບເສັ້ນຊາຍແດນ ລ້າງເຊີນ - ຫົວພັນ - ຫຼວງພະບາງ ໄດ້ດຳເນີນການສຳຫຼວດລະຫວ່າງ 2 ຝ່າຍ, ເປັນເອກະພາບກັນກ່ຽວກັບ 17 ຫຼັກໝາຍ, ກໍ່ສ້າງສຳເລັດ 28 ເສົາຫຼັກໝາຍ, ອັນໄດ້ເພີ່ມຍອດຈຳນວນຫຼັກໝາຍໄດ້ຮັບການກໍ່ສ້າງສຳເລັດຂຶ້ນເຖິງ 85 ຫຼັກໝາຍ ໃນຍອດຈຳນວນ 125 ຫຼັກໝາຍແຫ່ງຊາດ. ແຂວງ ເຊີນລາ ສືບຕໍ່ເພີ່ມທະວີການສົມທົບກັນລະຫວ່າງບັນດາກຳລັງເຂົ້າຮ່ວມການປັກຫຼັກໝາຍປະຕິບັດວຽກງານຮັບປະກັນຄວາມສະຫງົບປອດໄພ, ຄວາມເປັນລະບຽບຮຽບຮ້ອຍ, ປະຕິບັດການສຳຫຼວດກຳນົດຫຼັກໝາຍເປັນຢ່າງດີ. ແຂວງ ເຊີນລາ ສູ້ຊົນປະຕິບັດສຳເລັດວຽກງານນີ້ໃນທ້າຍປີນີ້. ທ່ານ Cam Van Phuong, ຫົວໜ້າພະແນກພົວພັນກັບພາຍນອກ ແຂວງ ເຊີນລາ ໃຫ້ຮູ້ວ່າ:
“ສືບຕໍ່ປະຕິບັດວຽກງານໂຄສະນາກ່ຽວກັບວຽກງານປັກຫຼັກໝາຍຖີ່ ແລະ ບູລະນະຫຼັກໝາຍຊາຍແດນເຖິງພະນັກງານ, ນັກຮົບ, ປະຊາຊົນ ພິເສດແມ່ນປະຊາຊົນເຂດຊາຍແດນ. ທີ່ 2 ແມ່ນຍາດແຍງການຊ່ວຍເຫຼືອ, ແນະນຳ ກ່ຽວກັບວິຊາຊີບ ແລະ ສ້າງເງື່ອນໄຂຂອງກະຊວງການຕ່າງປະເທດ ແລະ ບັນດາຂະແໜງການທີ່ກ່ຽວຂ້ອງ. ທີ່ 3 ແມ່ນສ້າງເງື່ອນໄຂທີ່ດີທີ່ສຸດ ກ່ຽວກັບຍານພາຫະນະ, ອຸປະກອນເຄື່ອງຈັກ ແລະ ບັນດາສິ່ງທີ່ຈຳເປັນໃຫ້ແກ່ບັນດາກຳລັງເຂົ້າຮ່ວມປັກຫຼັກໝາຍ ກໍຄື ເພີ່ມທະວີວຽກງານຊີ້ນຳນຳພາ, ການປະຕິບັດວຽກງານປັກຫຼັກໝາຍຊາຍແດນຂອງແຂວງຢ່າງມີປະສິດທິຜົນດີກ່ວາອີກ.”