ໂຮງງານ Alumin ຢູ່ແຂວງເລີມດົ່ງ
(ພາບ: nguyentandung.org)
(vovworld)- ຕອນເຊົ້າວັນທີ 16/5, ກຸ່ມບໍລິສັດອຸດສາຫະກຳຖ່ານຫີນ-ໂລຫະຫວຽດນາມ (Vinacomin) ໄດ້ຈັດການປະຊຸມຂ່າວກ່ຽວກັບສະພາບການປະຕິບັດ 2 ໂຄງການ Bauxit-Alumin ຊື່ງກຸ່ມບໍລິສັດນີ້ພວມລົງທຶນຢູ່ບັນດາແຂວງເລີມດົ່ງ ແລະ ດັກນົງ. ດຣ ຫງວຽນຕຽນຈິງ, ຫົວໜ້າພະແນກວິທະຍາສາດ-ເຕັກໂນໂລຊີ, ກຸ່ມບໍລິສັດອຸດສາຫະກຳຖ່ານຫີນ-ໂລຫະຫວຽດນາມ ໃຫ້ຮູ້ວ່າ: ລັດຖະບານອະນຸຍາດໃຫ້ກຸ່ມບໍລິສັດດັ່ງກ່າວລົງທຶນທົດລອງ 2 ໂຄງການ Bauxit-Alumin. ປະຈຸບັນ, ກຸ່ມບໍລິສັດອຸດສາຫະກຳຖ່ານຫີນ-ໂລຫະຫວຽດນາມ ໄດ້ຈ້າງທີ່ປຶກສາກວດກາຍອດລະດັບການລົງທຶນ ແລະ ປະສິດທິຜົນດ້ານເສດຖະກິດສັງຄົມ. ຕາມນັ້ນແລ້ວ, 2 ໂຄງການຈະມີປະສິດທິຜົນໃນໄລຍະຍາວນານ. ໂຄງການໜ່ວຍປະສົມ Bauxit-Alumin ເລີມດົ່ງ ຈະປະກອບເຂົ້າງົບປະມານສະເລ່ຍປະມານ 640 ຕື້ດົ່ງ/ປີ ແລະ ໂຄງການກໍ່ສ້າງໂຮງງານຜະລິດ Alumin ເຍີນເກີ ປະກອບເຂົ້າງົບປະມານເກືອບ 400 ຕື້ດົ່ງ/ປີ. ທ່ານຫງວຽນຕຽນຈິງ ໃຫ້ຮູ້ວ່າ:
“ໂຄງການຂອງ Vinacomin ມີປະສິດທິຜົນດ້ານເສດຖະກິດໃນເວລາ 30 ປີ, ໃນນັ້ນ, ປະສິດທິຜົນດ້ານເສດຖະກິດກໍ່ຄິດໄລ່ເຖິງທຸກໆນະໂຍບາຍພາສີ. ປະສິດທິຜົນດ້ານການເງິນ, ວິສາຫະກິດ, ທ້ອງຖິ່ນແມ່ນຈະແຈ້ງທີ່ສຸດ“