ອາຊີ ແມ່ນພາກພື້ນທີ່ຖືກຜົນສະທ້ອນຢ່າງຮ້າຍແຮງທີ່ສຸດຈາກໂລກລະບາດໂຄວິດ - 19, ຖັດມາແມ່ນ ເອີຣົບ ແລະ ອາເມລິກາເໜືອ.

        ສະພາບການໂລກລະບາດຢູ່ພາກພື້ນ ເອີຣົບຕາເວັນອອກ ມີການຜັນແປຢ່າງສັບສົນ ດ້ວຍຈຳນວນຜູ້ເສຍຊີວິດເພີ່ມຂຶ້ນຢ່າງແຮງ ໃນຂະນະທີ່ອັດຕາຜູ້ໄດ້ຮັບການສັກວັກຊິນແມ່ນຍັງບໍ່ທັນສູງ. ວັນທີ 02 ພະຈິກ, ລັດເຊຍ ຢັ້ງຢືນມີຜູ້ຕິດເຊື້ອຕື່ມອີກກວ່າ 39.000 ຄົນ ແລະ ມີຜູ້ເສຍຊີວິດເກືອບ 1.180 ຄົນ ໃນ 24 ຊົ່ວໂມງຜ່ານມາ, ເຊິ່ງເປັນອັດຕາຜູ້ຕິດເຊື້ອພາຍໃນວັນສູງບັນລຸລະດັບສະຖິຕິຢູ່ປະເທດນີ້. ກໍໃນວັນດຽວກັນ, ວົງການສາທາລະນະສຸກ ໂຣມານີ ໃຫ້ຮູ້ວ່າ ປະເທດນີ້ຢັ້ງຢືນມີຜູ້ເສຍຊີວິດຍ້ອນໂລກລະບາດໂຄວິດ - 19 ຈຳນວນ 591 ຄົນ ແລະ ນີ້ແມ່ນກໍແມ່ນລະດັບສູງທີ່ໜ້າວິຕົກກັງວົນຢູ່ປະເທດນີ້. ປັດຈຸບັນ, ໂຣມາລີ ແມ່ນປະເທດທີ່ມີອັດຕາຜູ້ສັກວັກຊິນຕ່ຳອັນດັບທີ 2 ໃນ ສະຫະພາບເອີຣົບ. ຄ້າຍຄືກັນ, ກະຊວງສາທາລະນະສຸກ ບຸນກາຣີ ສືບຕໍ່ຢັ້ງຢືນມີຜູ້ເສຍຊີວິດຍ້ອນໂລກລະບາດໂຄວິດ - 19 ຈຳນວນ 310 ຄົນ ໃນຮອບເວລາ 24 ຊົ່ວໂມງຜ່ານມາ ເຊິ່ງແມ່ນລະດັບສູງສຸດ ນັບແຕ່ເກີດໂລກລະບາດມານີ້.