(vovworld) - ຕອນເຊົ້າວັນທີ 13/8, ຢູ່ຮ່າໂນ້ຍ, ຄະນະປະຈຳສະພາແຫ່ງຊາດຫວຽດນາມໄດ້ໄຂກອງປະຊຸມຄັ້ງທີ 10. ກ່າວຄຳເຫັນທີ່ພິທີໄຂກອງປະຊຸມ, ທ່ານປະທານສະພາແຫ່ງຊາດຫວຽດນາມ Nguyen Sinh Hung ໃຫ້ຮູ້ວ່າ, ທີ່ກອງປະຊຸມຄັ້ງນີ້, ຄະນະປະຈຳສະພາແຫ່ງຊາດຈະຕິດຕາມກວດກາການປະຕິບັດນະໂຍບາຍ, ກົດໝາຍກ່ຽວກັບການຄຸ້ມຄອງ, ຂຸດຄົ້ນແຮ່ທາດ ຕິດພັນກັບການປົກປັກຮັກສາສິ່ງແວດລ້ອມ. ກ່ຽວກັບວຽກງານນິຕິບັນຍັດ ຄະນະປະຈຳສະພາແຫ່ງຊາດຈະໃຫ້ຄຳຄິດຄຳເຫັນກ່ຽວກັບບາງເນື້ອໃນທີ່ສຳຄັນ, ຄຳຄິດຄຳເຫັນທີ່ຍັງແຕກຕ່າງກັນຂອງກົດໝາຍວ່າດວ້ຍການສະສົມແຫ່ງຊາດ, ກົດໝາຍວ່າດ້ວຍສະຫະກອນ (ສະບັບປັບປຸງ), ກົດໝາຍປັບປຸງ, ເພີ່ມເຕີມບາງຂໍ້ມາດຕາຂອງກົດໝາຍວ່າດ້ວຍທະນາຍຄວາມ, ກົດໝາຍວ່າດ້ວຍໄພຟ້າ, ກົດໝາຍວ່າດ້ວຍການຄຸ້ມຄອງສ່ວຍສາອາກອນ. ພ້ອມກັນນັ້ນ,ຄະນະປະຈຳສະພາແຫ່ງຊາດຈະໃຫ້ຄຳຄິດຄຳເຫັນກ່ຽວກັບຮ່າງກົດໝາຍອື່ນອີກ 5 ສະບັບ. ຄະນະປະຈຳສະພາແຫ່ງຊາດ ຈະຕັ້ງຄຳຊັກຖາມຜູ້ວ່າການທະນາຄານແຫ່ງລັດ Nguyen Van Binh, ຜູ້ອຳນວຍການໃຫຍ່ອົງການກວດກາລັດຖະບານ Huynh Phong Tranh ແລະ ລັດຖະມົນຕີກະຊວງແຮງງານ - ທະຫານເສຍອົງຄະ ແລະ ສັງຄົມ Pham Thi Hai Chuyen ກ່ຽວກັບບັນດາບັນຫາທີ່ຫາງສຽງມີຄວາມສົນໃຈ. ກອງປະຊຸມຄັ້ງທີ 10 ຂອງຄະນະປຳຈຳສະພາແຫ່ງຊາດຈະແກ່ຍາວຮອດວັນທີ 22/8. ໃນການເຮັດວຽກເມື່ອຕອນເຊົ້າວັນທີ 13/8, ຄະນະປະຈຳສະພາແຫ່ງຊາດ ກໍຮັບຟັງ ແລະ ໃຫ້ຄຳຄິດຄຳເຫັນກ່ຽວກັບບາງບັນຫາທີ່ສຳຄັນ, ບັນຫາຍັງມີຄວາມເຫັນແຕກຕ່າງກັນຂອງກົດໝາຍວ່າດ້ວຍການປັບປຸງ, ເພີ່ມເຕີມ ບາງຂໍ້ມາດຕາຂອງກົດໝາຍວ່າດ້ວຍທະນາຍຄວາມ; ໃຫ້ຄຳເຫັນກ່ຽວກັບການສ້າງຕັ້ງກົມແຂ່ງຂັນ, ມອບລາງວັນ ແລະ ວຽກງານການເມືອງຂອງສານປຊາຊົນສູງສຸດ.