(vovworld) – ຕອນບ່າຍວັນທີ 06/09, ກອງປະຊຸມສຸດຍອດອາຊຽນ ຄັ້ງທີ 28 – 29 ຖືກໄຂຂຶ້ນຢ່າງເປັນທາງການຢູ່ນະຄອນຫຼວງວຽງຈັນ, ປະເທດລາວ, ດ້ວຍຫົວຂໍ້“ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ”. ໃນສູນທອນພົດໄຂກອງປະຊຸມ, ທ່ານນາຍົກລັດຖະມົນຕີລາວ ທອງລຸນ ສີສຸລິດ ເນັ້ນໜັກວ່າ.
“ກອງປະຊຸມສຸດຍອດອາຊຽນຄັ້ງທີ 28 – 29 ຄັ້ງນີ້ ບໍ່ພຽງແຕ່ຖືກດຳເນີນໃນສະພາບການໃໝ່, ດ້ວຍກາລະໂອກາດ ແລະ ສິ່ງທ້າທາຍຫຼາຍຢ່າງສຳລັບອາຊຽນ, ເມື່ອປະຊາຄົມອາຊຽນ ສຸມໃສ່ຈັດຕັ້ງການປະຕິບັດວິໄສທັດປະຊາຄົມອາຊຽນ 2025 ແລະ ຮັດແໜ້ນການຮ່ວມມືກັບພາຍນອກເທົ່ານັ້ນ, ຫາກຍັງຖືກດຳເນີນໃນສະພາບພາກພື້ນ ແລະ ສາກົນພວມມີການຜັນແປສັບສົນຫຼາຍຢ່າງອີກດ້ວຍ. ສະນັ້ນ, ກອງປະຊຸມສຸດຍອດອາຊຽນ ແລະ ບັນດາກອງປະຊຸມທີ່ກ່ຽວຂ້ອງຄັ້ງນີ້ ແມ່ນກາລະໂອກາດເພື່ອໃຫ້ບັດດາການນຳອາຊຽນ ແລກປ່ຽນ, ປຶກສາຫາລື ແລະ ຍົກອອກການກຳນົດທິດໃຫ້ວິວັດທະນາການຜັນຈະຫຍາຍວິໄສທັດປະຊາຄົມອາຊຽນ 2025. ພ້ອມກັນນັ້ນ, ບັນດາການນຳອາຊຽນ ຍັງແລກປ່ຽນຄຳເຫັນກ່ຽວກັບບັນດາບັນຫາພາກພື້ນ ແລະ ສາກົນ ທີ່ຕ່າງຝ່າຍຕ່າງມີຄວາມສົນໃຈເພື່ອແນໃສ່ “ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ”
ກອງປະຊຸມສຸດຍອດຖືກດຳເນີນໃນວັນທີ 06 – 07/09, ດ້ວຍຫົວຂໍ້ຕົ້ນຕໍ່ແມ່ນບັນດາຄວາມມານະພະຍາຍາມກໍ່ສ້າງປະຊາຄົມອາຊຽນ. ວັນທີ 06/09, ບັນດາປະມູກລັດອາຊຽນ ໄດ້ເປັນສັກຂີພິຍານພິທີຜັນຂະຫຍາຍແຜນການສັງລວມກ່ຽວກັບການເຊື່ອມຕໍ່ອາຊຽນ 2025 ແລະ ຂໍ້ລິເລີມແຜນການວຽກງານເຊື່ອມໂຍງອາຊຽນ 3 ແລະ ໂຄສະນາກ່ຽວກັບສະພາທີ່ປຶກສາຫດຳເນີນທຸລະກິດອາຊຽນ.