ໄຂກອງປະຊຸມສູນກາງພັກກອມມູນິດຈີນ ຄັ້ງທີ 5 ຊຸດທີ 19
(VOVWORLD) -ຕອນເຊົ້າວັນທີ 26 ຕຸລາ, ກອງປະຊຸມຄົບຄະນະ ຂອງ ຄະນະບໍລິຫານງານສູນກາງພັກກອມມູນິດຈີນ ຄັ້ງທີ 5 ຊຸດທີ 19 ໄດ້ໄຂຂຶ້ນຢູ່ນະຄອນຫຼວງປັກກິ່ງໂດຍມີການເຂົ້າຮ່ວມຂອງ ທ່ານ ສີຈິ້ນຜິງ ເລຂາທິການໃຫຍ່, ປະທານປະເທດ ຈີນ.
 ທ່ານ ສິຈິ້ນຜິງ ເລຂາທິການໃຫຍ່, ປະທານປະເທດ ຈີນ (ພາບ: ຊີນຫວາ) |
ທີ່ວາລະໄຂກອງປະຊຸມ, ທ່ານ ສິຈິ້ນຜິງ ເລຂາທິການໃຫຍ່, ປະທານປະເທດ ຈີນ ໄດ້ສະໜີບົດລາຍງາການປະຕິບັດງານ ຕໍ່ໜ້າກອງປະຊຸມ, ພ້ອມທັງອະທິປາຍ “ຂໍ້ສະເໜີແນະຂອງ ສູນກາງພັກກອມມູນິດ ຈີນ ກ່ຽວກັບການສ້າງການວາງແຜນກຳນົດການພັດທະນາເສດຖະກິດ ສັງຄົມ ໄລຍະ 5 ປີ ຄັ້ງທີ 14 ແລະ ບັນດາເປົ້າໝາຍຮອດປີ 2035”.
ກອງປະຊຸມສູນກາງ ຄັ້ງທີ 5 ຂອງພັກກອມມູນິດ ຈີນ ຊຸດທີ 19 ຈະດຳເນີນໃນລະຫວ່າງ ວັນທີ 26 – 29 ຕຸລາ, ນອກຈາກພິຈາລະນາ ແລະ ຮັບຮອງເອົາການວາງແຜນກຳນົດພັດທະນາເສດຖະກິດ ສັງຄົມ ໄລຍະ 5 ປີ ຄັ້ງທີ 14 (2021 - 2025) ແລະ ບັນດາເປົ້າໝາຍຮອດປີ 2035, ກອງປະຊຸມຄັ້ງນີ້ກໍ່ຈະພິຈາລະນາ “ກົດລະບຽບການປະຕິບັດງານຂອງກຳມະການສູນກາງພັກນກອມມູນິດ ຈີນ”.