ໄຂງານວາງສະແດງ“ ບັນດາເສັ້ນທາງຍາມລະດູບານໃໝ່ ”
(VOVWORLD) -ເພື່ອຂ່ຳນັບຊົມເຊີຍເຫດການສະເຫຼີມສະຫຼອງ 89 ປີແຫ່ງວັນສ້າງຕັ້ງພັກກອມມູນິດຫວຽດນາມ (ວັນທີ 3 ກຸມພາ ປີ 1930 - ວັນທີ 3 ກຸມພາປີ 2019) ແລະ ຂ່ຳນັບຮັບຕ້ອນລະດູບານໃໝ່ ປີ ກຸນ 2019, ຫໍພິພິທະພັນວິຈິດຕະກຳຫວຽດນາມ ໄດ້ຈັດງານວາງສະແດງ “ ບັນດາເສັ້ນທາງຍາມລະດູບານໃໝ່ ”
 ພິທີໄຂງານວາງສະແດງ “ ບັນດາເສັ້ນທາງຍາມລະດູບານໃໝ່ ” |
ງານວາງສະແດງ ຖືກໄຂຂຶ້ນໃນຕອນເຊົ້າວັນທີ 30 ມັງກອນ ຊຶ່ງໄດ້ວາງສະແດງຮູບຖ່າຍ 40 ກ່ວາແຜ່ນ ຊຶ່ງໄດ້ຮັບການເລືອກເຟັ້ນໃນຊຸດສະສົມຂອງ ຫໍພິພິທະພັນວິຈິດຕະກຳຫວຽດນາມ ກ່ຽວກັບຫົວເລື່ອງລະດູບານໃໝ່, ສ່ອງແສງສີສັນລະດູບານໃໝ່ຢູ່ທຸກແຖບຖິ່ນຂອງປະເທດຊາດ. ພ້ອມກັນນັ້ນ, ກໍຍັງມີຮູບຖ່າຍກ່ຽວກັບງານບຸນລະດູບານໃໝ່, ຕະຫຼາດບຸນເຕັດ, ບັນດາຍາກາດອອກແຮງງານ, ທຳການຜະລິດຍາມຕົ້ນປີ ແລະ ພິເສດແມ່ນຮູບຖ່າຍກ່ຽວກັບປະທານໂຮ່ຈິມິນພວມຂີ່ມ້າໃນທ່າມກາງ ສີສັນລະດູບານໃໝ່.
ງານວາງສະແດງ“ ບັນດາເສັ້ນທາງຍາມລະດູບານໃໝ່ ” ຈະດຳເນີນຢູ່ຮ່າໂນ້ຍ ຈົນຮອດວັນທີ 20 ກຸມພາປີ 2019 ຈຶ່ງຈະອັດລົງ.