ໄຂວັນບຸນການທ່ອງທ່ຽວນະຄອນໂຮ່ຈີມິນ ຄັ້ງທີ 16 - ປີ 2020
(VOVWORLD) -ຕອນຄ່ຳວັນທີ 16 ກໍລະກົດ, ພະແນກການທ່ອງທ່ຽວ ແລະ ສະຫະສະມາຄົມການທ່ອງທ່ຽວນະຄອນໂຮ່ຈີມິນ ໄດ້ສົມທົບກັນຈັດຕັ້ງ ພິທີໄຂວັນບຸນການທ່ອງທ່ຽວນະຄອນໂຮ່ຈີມິນ ຄັ້ງທີ 16 - ປີ 2020 ຢູ່ສວນສາທາລະນະ ເລວັນຕ໊າມ, ເມືອງ 1.
 ພິທີໄຂວັນບຸນການທ່ອງທ່ຽວນະຄອນໂຮ່ຈີມິນ ຄັ້ງທີ 16 - ປີ 2020 (ພາບ: baotintuc.vn) |
ດ້ວຍຫົວຂໍ້ “ໄຊງ່ອນ - ນະຄອນໂຮ່ຈີມິນ ເຂົ້າຮ່ວມພຶດຕິກຳຕົວຈິງຢ່າງມີຊີວິດຊີວາ”. ວັນບຸນປີນີ້ໄດ້ຈັດຕັ້ງຂຶ້ນໂດຍມີການສົມທົບໃສ່ກັບງານມະໂຫລານ ອາຫານການກິນຂອງບັນດາປະເທດ ເຊິ່ງຈະດຳເນີນໄປຮອດວັນທີ 19 ກໍລະກົດ. ນີ້ແມ່ນເຫດການທ່ອງທ່ຽວທີ່ມີການເຂົ້າຮ່ວມຂອງຮ້ານວາງສະແດງຂາຍສິນຄ້າກ່ວາ 230 ຮ້ານຂອງ 26 ຫົວໜ່ວຍທີ່ມາຈາກ 50 ແຂວງ, ນະຄອນໃນທົ່ວປະເທດ.
ສືບຕໍ່ລາຍການກະຕຸ້ນການທ່ອງທ່ຽວພາຍໃນປະເທດ, ວັນບຸນການທ່ອງທ່ຽວນະຄອນໂຮ່ຈີມິນຄັ້ງທີ 16 - ປີ 2020 ແມ່ນເຫດການສຳຄັນ, ເພື່ອແນໃສ່ເປົ້າໝາຍຍູ້ແຮງການກະຕຸ້ນການທ່ອງທ່ຽວພາຍໃນປະເທດ, ພ້ອມທັງແມ່ນບ່ອນສ້າງເງື່ອນໄຂໃຫ້ແກ່ວິສາຫະກິດທ່ອງທ່ຽວ, ບໍລິສັດທ່ອງທ່ຽວຟື້ນຟູຕະຫຼາດ, ສຳຜັດກັບລູກຄ້າ ແລະ ນຳເອົາກາລະໂອກາດຄົ້ນຫາບັນດາທັດສະນີຍະພາບ ທົ່ວທຸກແຖບຖິ່ນໃນທົ່ວປະເທດມາໃຫ້ປະຊາຊົນ.