ການແລ່ນແມ່ນການເຄື່ອນໄຫວເລີ່ມຕົ້ນສັບປະດາການທູດສີຂຽວ EU - ASEAN. ພາບ:PV/VOV-Jakart

ວັນທີ 27 ຕຸລາ, ສັບປະດາການທູດສີຂຽວ EU -ອາຊຽນ ປີ 2024 ໄດ້ໄຂຂຶ້ນຢູ່ ຈາກາຕາ ປະເທດ ອິນໂດເນເຊຍ ດ້ວຍຫົວຂໍ້ “ການຫັນປ່ຽນສີຂຽວ EU -ອາຊຽນ ເພື່ອຫນ່ວຍໂລກຍືນຍົງ ແລະ ຜົນກະທົບຕັ້ງຫນ້າກວ່າ”. ມີປະມານ 500  ຄົນ ລວມທັງຜູ້ຕາງຫນ້າທີ່ມາຈາກບັນດາປະເທດ ອາຊຽນ, ສະຫະພາບເອີລົບ ແລະ ບັນດາປະເທດສະມາຊິກ, ຊາວຫນຸ່ມ, ເຍົາວະຊົນ ແລະ ຜູ້ມັກຮັກກິລາ ໄດ້ເຂົ້າຮ່ວມການແລ່ນ ຫລື ຍ່າງປະມານ 5 ກິໂລແມັດ ພ້ອມກັບບາງເຫດການອື່ນ “ການກະທຳສີຂຽວ” ເພື່ອເລີ່ມຕົ້ນສັບປະດາ.

ກ່າວຄຳເຫັນໄຂເຫດການ, ທ່ານ Sujiro Seam ເອກອັກຄະລັດຖະທູດ ຄະນະປະຕິບັດງານ ສະຫະພາບ ເອີລົບ ປະຈຳ ອາຊຽນ ໃຫ້ຮູ້ວ່າ: ສະຫະພາບເອີລົບ ໃຫ້ຄຳໝັ້ນສັນຍາຫນູນຊ່ວຍບັນດາຄູ່ຮ່ວມມື, ລວມທັງບັນດາປະເທດ ສະມາຊິກ ອາຊຽນ, ໃນວິວັດການຫັນປ່ຽນສີຂຽວ. ທ່ານ Sujiro Seam ເນັ້ນຫນັກວ່າ ເຫດການນີ້ແມ່ນສະແດງໃຫ້ເຫັນຄຳໝັ້ນສັນຍາຂອງ ອີຢູ ໃນການສືບຕໍ່ຮ່ວມມືກັບ ອາຊຽນ ມຸ່ງໄປເຖິງອະນາຄົດຂຽວກວ່າ, ຍືນຍົງ ແລະ ຮອບດ້ານກວ່າ.