ໄຂສັບປະດາວັດທະນະທຳທ່ອງທ່ຽວແຫ່ງຊາດ 2015 - ແທງຮ່ວາ
ພິທີໄຂສັບປະດາວັດທະນະທຳທ່ອງທ່ຽວແຫ່ງຊາດ 2015 - ແທງຮ່ວາ
(ພາບ: danviet.vn)
(vovworld) - ພິທີໄຂສັບປະດາວັດທະນະທຳທ່ອງທ່ຽວແຫ່ງຊາດ 2015 - ແທງຮ່ວາໄດ້ດຳເນີນໃນຕອນຄຳ່ວັນທີ 3/4 , ຢູ່ນະຄອນແທງຮ່ວາ, ແຂວງແທງຮ໋ວາ, ດ້ວຍກົວຂໍ້ວ່າ: “ເຊື່ອມຕໍ່ບັນດາມໍລະດົກໂລກ“. ເຫດການໂດຍກະຊວງວັດທະນະທຳ ກິລາ ແລະທ່ອງທ່ຽວ, ສົມທົບກັບແຂວງແທງຮ່ວາຈັດຕັ້ງ. ກ່າວຄວາມເຫັນທີ່ພິທີ, ທ່ານຮອງນາຍົກລັດຖະມົນຕີ ຫວູດຶກດາມ ຕີລາຄາສູງຂໍ້ລິເລີ່ມ ແລະ ຄວາມມານະພະຍາຍາມຂອງແຂວງແທງຮ່ວາທີ່ໄດ້ພ້ອມກັບກະຊວງວັດທະນະທຳ, ກິລາ ແລະທ່ອງທ່ຽວ ປະກອບສ່ວນຢ່າງແທດຈິງເຂົ້າໃນການພັດທະນາວັດທະນະທຳທ່ອງທ່ຽວ, ກໍ່ຄືຈັດຕັ້ງເຫດການທີ່ມີຄວາມໝາຍນີ້. ທ່ານຮອງນາຍົກລັດຖະມົນຕີ ຫວູດຶກດາມ ເນັ້ນໜັກວ່າ:
“ຊາວແທງຮ່ວາກໍ່ຄືຊາວຫວຽດນາມແຕ່ລະຄົນ, ຕ່າງກໍ່ຮູ້ສຶກເອກອ້າງທະນົງໃຈຕໍ່ມູນເຊື້ອສ້າງສາ, ປົກປັກຮັກສາປະເທດຊາດ, ພື້ນຖານວັດທະນະທຳຂອງຊາດ, ຂອງບ້ານເກີດເມືອງນອນ, ຈາກນັ້ນມີຄວາມຕັດສິນໃຈຜ່ານຜ່າຄວາມຫຍຸ້ງຍາກ, ເພື່ອພ້ອມກັນປະກອບສ່ວນພັດທະນາປະເທດຊາດໃຫ້ຮັ່ງມີເຂັ້ມແຂງ, ເພື່ອໃຫ້ພື້ນຖານອະລິຍະທຳຫວຽດນາມຍືນຍົງຄົງຕົວຕະຫຼອດໄປ“.
ຜ່ານເຫດການຂອງປີທ່ອງທ່ຽວແຫ່ງຊາດ ເພື່ອສ້າງບັນດາຜະລິດຕະພັນທ່ອງທ່ຽວທີ່ມີລັກສະນະຮ່ວມສຳພັນ, ເປັນເອກະລັກສະເພາະ, ສ້າງຄວາມດຶງດູດນັກທ່ອງທ່ຽວ, ພິເສດແມ່ນນັກທ່ອງທ່ຽວສາກົນ, ປະກອບສ່ວນດຶງດູດການລົງທຶນ, ຂຸດຄົ້ນແຫຼ່ງກຳລັງທຳມະຊາດ, ສັງຄົມໃຫ້ແກ່ການພັດທະນາການທ່ອງທ່ຽວ…ເພື່ອຢືນຢັນວ່າແທງຮ່ວາ ແມ່ນໜຶ່ງໃນບັນດາສະຖານທີ່ທ່ອງທ່ຽວຈຸດສຸມແຫ່ງຊາດ.