(VOVWORLD) -ຕອນຄ່ຳວັນທີ 20 ທັນວາ, ຢູ່ນະຄອນດ່າລາດ ແຂວງເລິມດົ່ງ ໄດ້ໄຂງານ Festival ດອກໄມ້ດ່າລາດ ຄັ້ງທີ VIII - ປີ 2019, ເປີກສາກໃຫ້ແກ່ການເຄື່ອນໄຫວງານບຸນດອກໄມ້ ດ້ວຍຫົວຂໍ້ວ່າ “ດ່າລາດ ແລະ ດອກໄມ້”.
 ງານບຸນດອກໄມ້ດ່າລາດປີນີ້ ມີ 12 ລາຍການໃຫຍ່ |
ກ່ຽວກັບຈຸດໂດດເດັ່ນໃໝ່ໃນງານບຸນດອກໄມ້ຄັ້ງນີ້, ທ່ານ ໂຕນທ້ຽນຊານ ປະທານຄະນະກຳມະການປະຊາຊົນ ນະຄອນດ່າລາດ ໃຫ້ຮູ້ວ່າ:
“ງານບຸນດອກໄມ້ປີນີ້ ມີຫຼາຍອັນໃໝ່ ນັ້ນແມ່ນຂອບເຂດການຈັດຕັ້ງ, ວິທີການຈັດຕັ້ງ ແລະ ຈະມີເນື້ອໃນໃໝ່ຫຼາຍຢ່າງ ເພື່ອໃຫ້ແຂກທ່ອງທ່ຽວໄດ້ຮັບຊົມ ຄືງານວາງສະແດງດອກໄມ້ສາກົນ ດ້ວຍການເຂົ້າຮ່ວມຂອງວິສາຫະກິດ ທີ່ມາຈາກປະເທດຍີ່ປຸ່ນ, ສາທາລະນະລັດ ເກົາຫຼີ,…”
ງານບຸນດອກໄມ້ດ່າລາດປີນີ້ ມີ 12 ລາຍການໃຫຍ່ ແລະ ລາຍການຕອບສະໜອງອື່ນໆອີກ ກວ່າ 30 ລາຍການ ເຊິ່ງຈະໄດ້ດຳເນີນໃນຕະຫຼອດໄລຍະຈັດຕັ້ງງານບຸນ. ພ້ອມກັນນັ້ນ ກໍ່ແມ່ນການເຄື່ອນໄຫວ ເພື່ອແນໃສ່ເຊີດຊູ, ໂຄສະນາບັນດາຄຸນຄ່າທີ່ສູງສົ່ງຂອງດອກໄມ້ ແລະ ຂະແໜງດອກໄມ້ ດ່າລາດ.