ພິທີແນະນຳພາກສ່ວນໜູນຊ່ວຍວິສາຫະກິດຍີ່ປຸ່ນ
(vovworld) - ຕອນເຊົ້າວັນທີ 21/11, ຢູ່ຮ່າໂນ້ຍ. ກົມລົງທຶນຕ່າງປະເທດ, ກະຊວງແຜນການ ແລະ ການລົງທຶນຈັດຕັ້ງພິທີແນະນຳພາກສ່ວນໜູນຊ່ວຍວິສາຫະກິດຍີ່ປຸ່ນ ເພື່ອແນໃສ່ໜູນຊ່ວຍບັນດາວິສາຫະກິດຍີ່ປຸ່ນມາຊອກຫາກາລະໂອກາດລົງທຶນດຳເນີນທຸລະກິດຢູ່ຫວຽດນາມ.
ກ່າວຄຳເຫັນຢູ່ທີ່ນີ້, ທ່ານ ໂດເຍິດຮ່ວາງ, ຫົວໜ້າກົມລົງທຶນຕ່າງປະເທດ. ກະຊວງແຜນການ ແລະ ລົງທຶນຫວຽດນາມ, ເນັ້ນໜັກວ່າ:
“ພວກຂ້າພະເຈົ້າຈະໜູນຊ່ວຍບັນດາວິສາຫະກິດຍີ່ປຸ່ນຂໍ້ມູນກ່ຽວກັບນະໂຍບາຍ, ກ່ຽວກັບສະພາບແວດລ້ອມແຫ່ງການລົງທຶນຢູ່ຫວຽດນາມກໍ່ຄືຄູ່ຮ່ວມມືຢູ່ຫວຽດນາມ. ໜູນຊ່ວຍ, ເຊື່ອມຕໍ່ກັບບັນດາກະຊວງ, ຂະແໜງການ ແລະ ທ້ອງຖີ່ນຕ່າງໆຂອງຫວຽດນາມ. ນອກນັ້ນພວກຂ້າພະເຈົ້າຍັງໜູນຊ່ວຍບັນດາວິສາຫະກິດຍີ່ປຸ່ນພົບປະກັບບັນດາວິສາຫະກິດ, ບັນດານັກລົງທຶນ, ບັນດາບໍລິສັດໂຄງລ່າງຂອງຫວຽດນາມ. ເພື່ອໃຫ້ບັນດານັກລົງທຶນມີຂໍ້ມູນຢ່າງຄົບຖ້ວນ ເພື່ອສາມາດຕົກລົງກ່ຽວກັບການລົງທຶນຂອງຕົນ“.
ປະຈຸບັນ, ຍີ່ປຸ່ນແມ່ນຄູ່ຮ່ວມມືລົງທຶນໃຫຍ່ກວ່າໝູ່ຂອງຫວຽດນາມ. ເງິນລົງທຶນໂດຍກົງຂອງຕ່າງປະເທດ ແລະ ແຫຼ່ງທຶນໜູນຊ່ວຍພັດທະນາຢ່າງເປັນທາງການຂອງຍີ່ປຸ່ນ ໄດ້ປະກອບສ່ວນຢ່າງມີປະສິດທິຜົນໃຫ້ແກ່ເສດຖະກິດສັງຄົມຂອງຫວຽດນາມໃນຫຼາຍປີຜ່ານມາ.