ໝາກຜົນໃນເບື້ອງຕົ້ນ ການເລືອກຕັ້ງສະພາ ແຫ່ງຊາດຢູແກຼນຊຸດ ທີ 8 ກ່ອນກຳນົດເວລາ
![ໝາກຜົນໃນເບື້ອງຕົ້ນ ການເລືອກຕັ້ງສະພາ ແຫ່ງຊາດຢູແກຼນຊຸດ ທີ 8 ກ່ອນກຳນົດເວລາ - ảnh 1](https://image.vovworld.vn/w730/uploaded/vovworld/bcgmbuiq/2014_10_27/bau_cu_kiev_2_copy_fqvl.jpg)
(ພາບ: VOV-Moscow )
(vovworld) – ວຽກງານກວດບັດໃນເບື້ອງຕົ້ນ ແລະ ສຳຫຼວດຢູ່ນອກຫ້ອງປ່ອນບັດ ພາຍຫລັງການເລືອກຕັ້ງສະພາແຫ່ງຊາດຢູແກຼນຊຸດທີ 8 ໄດ້ສິ້ນສຸດລົງ ສະແດງໃຫ້ເຫັນວ່າ ໝາກຜົນຂອງການເລືອກຕັ້ງຖືກຕ້ອງກັບການຄາດຄະເນ ແລະ ຂໍ້ສັງເກດກ່ອນການເລືອກຕັ້ງ. ເຖິງວ່າພັກ “ກຸ່ມ Proshenko“ ຂອງປະທານາທິບໍດີຢູແກຼນ ຄົນປະຈຸບັນ Petro Proshenko ນຳໜ້າໂດຍຊົ່ວຄາວ ແຕ່ຈຳນວນບັດຍາດໄດ້ໃນປະຈຸບັນພຽງແຕ່ແມ່ນ 23% ເທົ່ານັ້ນ, ຕຳກ່ວາລະດັບຄາດຄະເນ. ພັກ “ແນວໂຮມປະຊາຊົນ“ ຂອງທ່ານນາຍົກລັດຖະມົນຕີ Arseny Yatsennyuk ຢືນອັນດັບ 2 ໂດຍຊົ່ວຄາວ ກວມ 21,3% ຈຳນວນບັດ. ກ່າວຄຳເຫັນທາງໂທລະພາບ “112 ຢູແກຼນ“, ປະທານາທິບໍດີ Petro Proshenko ໃຫ້ຮູ້ວ່າ: ວຽກງານທາບ ທາມຄວາມເຫັນກ່ຽວກັບສຳພັນທະມິດໃໝ່ໃນສະພາແຫ່ງຊາດເລີ່ມຕົ້ນນັບແຕ່ວັນທີ 27/10 ແລະ ຕາມທ່ານແລ້ວ, 10 ວັນແມ່ນພຽງພໍເພື່ອສິ້ນສຸດການເຈລະຈາລະຫວ່າງບັນດາພັກການເມືອງກ່ຽວກັບຕຳແໜ່ງນາຍົກລັດຖະມົນຕີ, ປະທານສະພາແຫ່ງຊາດ ກໍ່ຄືການສ້າງຕັ້ງລັດຖະບານ./.