(ພາບ: ອິນເຕີແນດ)
(vovworld) - ຕອນບ່າຍວັນທີ 5/11, (ຕາມເວລາ ຫວຽດນາມ), 12 ປະເທດສະມາຊິກ, ໃນນັ້ນມີຫວຽດນາມ ໄດ້້ປະກາດເນື້ອໃນທັງໝົດຂອງເອກະສານສັນຍາຄູ່ຮ່ວມມືຂ້າມປາຊິຟິກ (TPP) ດ້ວຍພາສາອັງກິດ. . ການປະກາດເນື້ອໃນທັງໝົດຂອງສັນຍາ TPP ດຳເນີນພາຍຫຼັງວິວັດການເຈລະຈາສັນຍາສິ້ນສຸດເປັນເວລາ 1 ເດືອນ. ເອກະສານລວມມີຂໍ້ມູນລາຍລະອຽດກ່ຽວກັບຄຳໝັ້ນສັນຍາ ແລະ ບັນດາຂໍ້ມາດຕາ ທີ່ນຳໃຊ້ໃນທຸກປະເທດສະມາຊິກ. ພາຍຫຼັງປະກາດເນື້ອໃນທັງໝົດຂອງສັນຍາ, ແຕ່ລະປະເທດຈະສະຫງວນເວລາແຕ່ 60-90 ວັນເພື່ອໃຫ້ປະຊາຊົນຄົ້ນຄ້ວາສັນຍາກ່ອນທີ່ຈະລົງນາມ. ຫຼັງຈາກນັ້ນບັນດາປະເທດສະມາຊິກ TPP ຈະດຳເນີນການລົງນາມຢ່າງເປັນທາງການ, ແລະ ດຳເນີນລະບຽບການໃຫ້ສັດຕະຍາບັນສັນຍາຕາມຂໍ້ກຳນົດຂອງກົດໝາຍປະເທດຕົນ.
TPP ໄດ້ສຳເລັດການເຈລະຈາຢ່າງເປັນທາງການໃນວັນທີ 5/11/2015 ແລະ ໄດ້ຮັບຖືວ່າແມ່ນສັນຍາການຄ້າສະຕະວັດ, ທີ່ມີລັກສະນະປະຫວັດສາດ, ໃຫຍ່ກວ່າໝູ່ໃນຮອບເວລາ 20 ປີຜ່ານມາ. TPP ມີການເຂົ້າຮ່ວມຂອງ 12 ປະເທດເຊັ່ນ: ອົດສະຕາລີ, ບຮູໄນ, ການາດາ, ຈີເລ, ຍີ່ປຸ່ນ, ມາເລເຊຍ, ເມກຊິກໂກ, ນິວຊີແລນ, ເປຣູ, ສິງຄະໂປ, ອາເມລິກາ ແລະ ຫວຽດນາມ. ບັນດາປະເທດນີ້ກໍ່ຫວັງວ່າຂໍ້ຕົກລົງນີ້ຈະຊ່ວຍຍົກລະດັບຄອງຊີບຂອງປະຊາຊົນຂຶ້ນ, ຫຼຸດຜ່ອນຄວາມທຸກຍາກ, ສົ່ງເສີມຄວາມໂປ່ງໃສ, ປະສິດທິຜົນໃນການບໍລິຫານ ກໍ່ຄືປົກປ້ອງຜູ້ອອກແຮງງານ, ສິ່ງແວດລ້ອມກວ່າອີກ. ສັນຍານີ້ກໍ່ໄດ້ຮັບຖືວ່າ ແມ່ນບາດກ້າວສຳຄັນໃນການຫຍັບໝໍ່ໃກ້ກັບຄາດໝາຍຊຸກຍູ້ການຄ້າເສລີໃນພາກພື້ນອາຊີ - ປາຊີຟິກ.