(VOVWORLD) -ໂດຍສືບຕໍ່ໂຄງການກອງປະຊຸມສະມັດຊາໃຫຍ່ AIPA 42 ທາງອອນລາຍ, ຕອນເຊົ້າວັນທີ 24 ສິງຫາ, ໄດ້ດຳເນີນກອງປະຊຸມກຳມະທິການການເມືອງ. ສະພາແຫ່ງຊາດ/ລັດຖະສະພາບັນດາປະເທດໄດ້ປຶກສາຫາລືກ່ຽວກັບ 5 ຫົວເລື່ອງທີ່ກ່ຽວຂ້ອງ.
 ຄະນະຜູ້ແທນສະພາແຫ່ງຊາດ ຫວຽດນາມ ເຂົ້າຮ່ວມກອງປະຊຸມກຳມາທິການການເມືອງ (ພາບ: qdnd.vn)
|
ດ້ວຍຫົວເລື່ອງເພີ່ມທະວີຄວາມໝັ້ນຄົງທາງເຄືອຂ່າຍອິນເຕີແນັດ ແລະ ຮັກສາຂໍ້ມູນມຸ່ງໄປເຖິງທິດອິນເຕີແນັດ ສ້າງຄວາມເຂັ້ມແຂງດ້ວຍຕົນເອງໃນອາຊຽນ, ຄະນະຜູ້ແທນສະພາແຫ່ງຊາດຫວຽດນາມ ໄດ້ສະໜັບສະໜູນຮ່າງມະຕິ ແລະ ຖືວ່າ: ກົດໝາຍ ຂອງ ຫວຽດນາມ ວ່າດ້ວຍຄວາມໝັ້ນຄົງທາງເຄືອຂ່າຍອິນເຕີແນັດ ແມ່ນຖືເປັນສຳຄັນການປົກປ້ອງສິດສ່ວນຕົວທາງອິນເຕີແນັດ ຜ່ານໂຄງການຫັນເປັນດີຈີຕອນແຫ່ງຊາດ ຮອດປີ 2025, ການກຳນົດທິດຮອດປີ 2030 ແລະ ສ້າງລັດຖະບານເອເລັກໂຕນິກ, ຖືການຮ່ວມມືສາກົນກ່ຽວກັບຄວາມໝັ້ນຄົງທາງເຄືອຂ່າຍອິນເຕີແນັດໃນອາຊຽນເປັນສຳຄັນ. ທ່ານ ຫງວຽນມິງດຶກ, ສະມາຊິກຄະນະສະພາແຫ່ງຊາດ ຫວຽດນາມ ຢັ້ງຢືນວ່າ:
ຫວຽດນາມສະເໜີສ້າງບັນດາກົນໄກຮ່ວມມືໃນພາກພື້ນຜ່ານຊ່ອງທາງລັດຖະສະພາ, ແບ່ງປັນບົດຮຽນປະສົບການໃນການປະຕິສັດນະໂຍບາຍໃຫ້ສຳເລັດຜົນ, ຕິດຕາມກວດກາການຜັນຂະຫຍາຍຢ່າງປອດໄພ, ມີຄວາມໝັ້ນຄົງທາງເຄືອຂ່າຍອິນເຕີແນັດ ແລະ ນຳມາເຊິ່ງບັນດາມາດຕະການເຕັກນິກເພື່ອໜູນຊ່ວຍການສະກັດກັ້ນໂລກລະບາດໂຄວິດ - 19. ທີ 2 ສືບຕໍ່ຮັກສາການຮ່ວມມືສາກົນ ດ້ວຍຈິດໃຈເຫັນດີເປັນເອກະພາບ, ຄວາມຮັບຮູ້ລວມ ແລະ ການກະທຳຂອງປະຊາຄົມອາຊຽນ ຕໍ່ຄວາມໝັ້ນຄົງທາງເຄືອຂ່າຍອິນເຕີແນັດ ແລະ ມຸ່ງໄປເຖິງຂອບເຂດຂອງການຮ່ວມມືໃນພາກພື້ນ ເພື່ອສ້າງຄວາມສະດວກໃຫ້ແກ່ການສົມທົບ ແລະ ຮັບປະກັນຄວາມໝັ້ນຄົງທາງເຄືອຂ່າຍອິນເຕີແນັດ.
ສຳລັບຫົວເລື່ອງຊຸກຍູ້ຄວາມໝັ້ນຄົງໃຫ້ແກ່ມະນຸດໃນຂົງເຂດດີຈີຕອນ ກວມລວມ ໃຫ້ ອາຊຽນ, ຄະນະຜູ້ແທນສະພາແຫ່ງຊາດ ຫວຽດນາມ ໄດ້ສະເໜີໃຫ້ບັນດາລັດຖະສະພາ AIPA ຊຸກຍູ້ການແບ່ງປັນຂໍ້ມູນ, ບົດຮຽນປະສົບການກ່ຽວກັບການປ້ອງກັນ, ຕ້ານໂລກລະບາດໂຄວິດ - 19, ຄວບຄຸມການແຜ່ລະບາດຂອງໂລກລະບາດໂຄວິດ - 19.
ກ່ຽວກັບຫົວເລື່ອງເພີ່ມທະວີການທູດລັດຖະສະພາມຸ່ງໄປເຖິງປະຊາຄົມອາຊຽນ. ຄະນະຜູ້ແທນສະພາແຫ່ງຊາດ ຫວຽດນາມ ໄດ້ສົ່ງເສີມການທູດ ລັດຖະສະພາຕ້ອງປະກອບສ່ວນເຂົ້າໃນການຊຸກຍູ້ການພົວພັນຕ່າງປະເທດ ລະຫວ່າງບັນດາປະເທດ, ພ້ອມທັງສະໜັບສະໜັບບັນດາລັດຖະບານບັນດາປະເທດ ອາຊຽນ ຍູ້ແຮງການເຊື່ອມໂຍງໃນພາກພື້ນ, ສ້າງປະຊາຄົມ ອາຊຽນ ທີ່ເຄົາລົບກົດໝາຍ, ຖືປະຊາຊົນເປັນໃຈກາງ, ມຸ່ງໄປເຖິງປະຊາຊົນ, ພ້ອມກັນຮັບມືກັບບັນດາສິ່ງທ້າທາຍທົ່ວໂລກຄື ໂລກລະບາດໂຄວິດ - 19.
ແລະກໍ່ໃນຕອນບ່າຍວັນທີ 24 ສິງຫາ, ໂດຍສືບຕໍ່ໂຄງການເຄື່ອນໄຫວຂອງສະມັດຊາໃຫຍ່ AIPA – 42 ທາງໄກ, ຄະນະຜູ້ແທນຫວຽດນາມ ໄດ້ສະໜັບສະໜູນການຊຸກຍູ້ການຫັນເປັນດີຈີຕອນ ເພື່ອແນໃສ່ຍົກສູງກຳລັງຄວາມສາມາດໃຫ້ແກ່ຈຸນລະວິສາຫະກິດ, ວິສາຫະກິດຂະໜາດກາງແລະ ໜ້ອຍ, ປະຕິບັດຍຸດທະສາດຫັນເປັນດີຈີຕອນ ກວມລວມ ທີ່ຂຶ້ນກັບກອບຟື້ນຟູສັງລວມ ອາຊຽນຢ່າງມີປະສິດທິຜົນ ແລະ ຍູ້ໄວການສ້າງຍຸດທະສາດທີ່ເໝາະສົມທີ່ສຸດກັບການປະຕິວັດອຸດສາຫະກຳ ຄັ້ງທີ 4 ໃຫ້ແກ່ ອາຊຽນ.