(ພາບປະກອບ)(vovworld) - ວັນທີ 11/9, ຜູ້ມີສິດເລືອກຕັ້ງ Croatia ປະມານ 3,8 ລ້ານຄົນເລີ່ມຕົ້ນເຂົ້າຮ່ວມການປ່ອນບັດເລືອກຕັ້ງກ່ອນກຳນົດເວລາຢູ່ປະເທດນີ້, ໃນນັ້ນການຄາດຄະເນຜົນການເລືອກຕັ້ງລ່ວງໜ້າແມ່ນຍາກທີ່ສຸດ ແລະ ສະພາບຂາດສະຖຽນລະພາບດ້ານການເມືອງຢູ່ປະເທດນີ້ອາດຈະຖືກແກ່ຍາວຕື່ມອີກ. ໝາກຜົນເບື້ອງຕົ້ນຂອງການເລືອກຕັ້ງຈະປະກາດໃນຕອນຄຳ່ວັນທີ 11/9.
ການເລືອກຕັ້ງຢູ່ Croatia ດຳເນີນພາຍຫຼັງສະພາແຫ່ງຊາດປະເທດນີ້ປ່ອນບັດເຫັນດີຍຸບເລີກເອງ. ຕາມການຢັ່ງຫາງສຽງກ່ອນການເລືອກຕັ້ງ, ພັກ SDP ຂອງອະດີດນາຍົກລັດຖະມົນຕີ Zoran Milanovic ໄດ້ຮັບການສະໜັບສະໜູນດ້ວຍລະດັບສູງກວ່າ ພັກ HDZ ໃນພັນທະມິດກຳອຳນາດ, ແຕ່ຍັງບໍ່ທັນບັນລຸອັດຕາການສະໜັບສະໜູນສູງກວ່າເຄິ່ງໜຶ່ງ ເພື່ອສາມາດສ້າງຕັ້ງລັດຖະບານໃໝ່ດ້ວຍຕົນເອງໄດ້.