ບັນດາຜູ້ແທນເຂົ້າຮ່ວມກອງປະຊຸມ
(ພາບປະກອບ)
|
(vovworld) – ບັນດາເຈົ້າໜ້າທີ່ການເງິນ ແລະ ບັນດານັກວາງແຜນ ນະໂຍບາຍເຂົ້າຮ່ວມກອງປະຊຸມລັດຖະມົນຕີກຸ່ມບັນດາພື້ນຖານເສດຖະ ກິດຫາກໍ່ພົ້ນເດັ່ນ G-20 ໄດ້ຕັກເຕື່ອນການເຕີບໂຕທີ່ອ່ອນດ້ອຍ ແລະ ບັນດານະໂຍບາຍເງິນຕາທີ່ຝືນກັນໃນຈຳນວນບັນດາພື້ນຖານເສດຖະກິດອັນດັບໜຶ່ງທີ່ສາມາດເຮັດໃຫ້ປີ 2015 ກາຍເປັນປີທີ່ຫຍຸ້ງຍາກໃຫ້ແກ່ ພື້ນຖານເສດຖະກິດທົ່ວໂລກ. ກ່າວຄຳເຫັນຕໍ່ໜ້າບັນດາເຈົ້າໜ້າທີ່ການເງິນ ແລະ ບັນດາການນຳທະນາຄານທີ່ມາຈາກກ່ວາ 40 ປະເທດທີ່ເຂົ້າຮ່ວມກອງປະຊຸມລັດຖະມົນຕີຄັ້ງທຳອິດຂອງ G-20 ໃນອາຍຸການເປັນປະທານຂອງຕວກກີ, ທ່ານລັດຖະມົນຕີຊ່ວຍວ່າການກະຊວງການເງິນຈີນ ຈູກວາງຢ້າວ ໄດ້ຊີ້ແຈ້ງບັນດາໄພພິບັດສຳລັບພື້ນຖານເສດຖະກິດໂລກ ແລະ ຮຽກ ຮ້ອງພ້ອມກັນມານະພະຍາຍາມຮັບມືກັບສິ່ງທ້າທາຍຫຼາຍຢ່າງນີ້.ການເຕີບໂຕເສດຖະກິດຢ່າງຊັກຊ້າຢູ່ເອີລົບ ກໍ່ແມ່ນໄພພິບັດສຳລັບເສດຖະກິດທົ່ວໂລກເມື່ອ ເກັຼກ ກໍ່ຄວາມຂາດສະຖຽນລະພາບຕື່ມອີກໃຫ້ແກ່ພາກພື້ນທີ່ນຳໃຊ້ເງິນ ເອີໂຣ. ກອງທຶນເງິນຕາສາກົນ (IMF) ໄດ້ຫລຸດລະດັບການເຕີບໂຕເສດຖະກິດທົ່ວໂລກໃນເດືອນ 1 ຈາກ 3,8% ລົງ 3,5%. ບັນດານະໂຍບາຍເງິນຕາທີ່ຂັດແຍ່ງກັນ ແລະ ລາຄານ້ຳມັນຫລຸດລົງຢ່າງແຮງ ກໍ່ແມ່ນບັນດາໄພພິບັດທີ່ກໍ່ຄວາມຂາດສະຖຽນລະພາບໃຫ້ເສດຖະກິດທົ່ວໂລກ.