ILO ຫວຽດນາມ ພ້ອມແລ້ວທີ່ຈະໜູນຊ່ວຍ ລັດຖະບານ, ຜູ້ນຳໃຊ້ແຮງງານ ແລະ ຜູ້ອອກແຮງງານ
(VOVWORLD) - ເມື່ອໃຫ້ຂໍ້ສັງເກດກ່ຽວກັບການປ້ອງກັນ, ສະກັດກັ້ນໂລກລະບາດ Covid – 19 ຢູ່ຫວຽດນາມ, ທ່ານ Chang-Hee Lee ຜູ້ອຳນວຍການອົງການແຮງງານສາກົນ (ILO) ປະຈຳ ຫວຽດນາມ ໃຫ້ຮູ້ວ່າ ຫວຽດນາມ ໄດ້ປະຕິບັດວຽກງານປ້ອງກັນ, ຄວບຄຸມໂລກລະບາດ Covid – 19 ໄດ້ເປັນຢ່າງດີທີ່ສຸດ.
 ທ່ານ Chang-Hee Lee ຜູ້ອຳນວຍການອົງການແຮງງານສາກົນ (ILO) ປະຈຳ ຫວຽດນາມ (ພາບ: TTXVN) |
ດ້ວຍຄວາມຕັດສິນໃຈ ໄດ້ສະແດງອອກໃຫ້ເຫັນຢ່າງຈະແຈ້ງຜ່ານບັນດາສານຂອງ ນາຍົກລັດຖະມົນຕີທີ່ວ່າ ລັດຖະບານຍອມ ເສຍຜົນຜົນປະໂຫຍດທາງດ້ານເສດຖະກິດເພື່ອປົກປ້ອງຊີວິດອິນຊີ ແລະ ສຸຂະພາບຂອງ ປະຊາຊົນ.ທ່ານ Chang-Hee Lee ໃຫ້ຂໍ້ສັງເກດວ່າ ໃນສະພາບການຄືໃນປັດຈຸບັນ, ເລື່ອງຈຳເປັນແມ່ນຕ້ອງຫຼຸດຜ່ອນບັນດາຜົນກະທົບທາງລົບຂອງໂລກລະບາດ Covid – 19 ຕໍ່ວິສາຫະກິດ, ວຽກເຮັດງານທຳ ແລະ ລາຍຮັບຂອງຜູ້ອອກແຮງງານ, ລວມມີທັງເຂດເສດຖະກິດບໍ່ເປັນທາງການ. ທ່ານ Chang-Hee Lee ຢັ້ງຢືນວ່າ ILO ຫວຽດນາມ ພ້ອມແລ້ວທີ່ຈະໜູນຊ່ວຍລັດຖະບານ, ຜູ້ນຳໃຊ້ແຮງງານ ແລະ ຜູ້ແຮງງານ ຕໍ່ສູ້ ເພື່ອວຽກເຮັດງານທຳທີ່ສົມເຫດສົມຜົນ ຢູ່ໃນໄລຍະທີ່ເກີດວິກິດທົ່ວໂລກ ຢ່າງຮ້າຍແຮງ ກ່ຽວກັບ ສຸຂະພາບ ແລະ ຕະຫຼາດແຮງງານ ກໍ່ຄືເສດຖະກິດ ໃນປັດຈຸບັນ.