.jpg)
ພິທີສະເຫຼີມສະຫຼອງວັນສ້າງຕັ້ງບໍລິສັດ ຄົບຮອບ 5 ປີ
(vovworld)- ຕອນຄ່ຳ ວັນທີ 26/10 ຢູ່ນະຄອນຫຼວງວຽງຈັນ, ປະເທດລາວ, ບໍລິສັດສະມາຊິກ Petrolimex ລາວ ຈຳກັດ, ຫົວໜວ່ຍສະມາຊິກ ຂອງກຸ່ມບໍລິສັດນ້ຳມັນເຊື້ອໄຟຫວຽດນາມ ພວມເຄື່ອນໄຫວດຳເນີນທຸລະກິດ ຢູ່ລາວ, ໄດ້ຈັດຕັ້ງພິທີສະເຫຼີມສະຫຼອງວັນສ້າງຕັ້ງບໍລິສັດ ຄົບຮອບ 5 ປີ. ເຂົ້າຮ່ວມພິທີ ມີ ທ່ານ ຫງວຽນແມັງຮຸ່ງ ເອກອັກຄະລັດຖະທູດ ຫວຽດນາມ ປະຈຳລາວ; ທ່ານ ນາງ ໂຮ່ທິກີມທວາ ຮອງລັດຖະມົນຕີກະຊວງອຸດສາຫະກຳ-ການຄ້າຫວຽດນາມ; ທ່ານ ສົມຈິດອີນທະມິດ ຮອງລັດຖະມົນຕີກະຊວງອຸດສາຫະກຳ-ການຄ້າລາວ… ກ່າວຄວາມເຫັນທີ່ພິທີ, ທ່ານ ນາງ ໂຮ່ທິກີມຖາວ ຮອງລັດຖະມົນຕີກະຊວງອຸດສາຫະກຳ-ການຄ້າຫວຽດນາມ ຕີລາຄາສູງບັນດາຜົນງານທີ່ Petrolimex ລາວ ບັນລຸໄດ້ ໃນໄລຍະ 5 ປີ ຜ່ານມາ. ພ້ອມທັງສະເໜີ Petrolimex ລາວ ສືບຕໍ່ລົງທຶນເປີດກວ້າງລະບົບເຄືອຄ່າຍ, ນຳໃຊ້ວິທະຍາສາດ ເຕັກໂນໂລຊີ ການຄຸ້ມຄອງທີ່ທັນສະໄໝ ໃຫ້ຖືກຕາມທິດກຳນົດ ຂອງລັດຖະບານ ແລະ ກຸ່ມບໍລິສັດ ນ້ຳມັນເຊື້ອໄຟຫວຽດນາມ; ຮັບປະກັນການເຄື່ອນໄຫວ ດຳເນີນທຸລະກິດ ຂອງຫົວໜ່ວຍ ຍາມໃດກໍ່ມີຄວາມປອດໄພ ກ່ຽວກັບທຸກດ້ານ, ພັດທະນາເທື່ອລະກ້າວແບບຍືນຍົງ, ຮັບປະກັນ ຜົນປະໂຫຍດການດຳເນີນທຸລະກິດແບບກົມກຽວ ຂອງວິສາຫະກິດກັບພາລະໜ້າທີ່, ປະກອບສ່ວນເພີ່ມພູນຄູນສ້າງ ໃຫ້ແກ່ສາຍພົວພັນມິດຕະພາບທີເປັນມູນເຊື້ອອັນດີງາມ ລະຫວ່າງ ຫວຽດນາມ-ລາວ.