UNHCR ຮຽກຮ້ອງໃຫ້ບັນດາປະເທດເປີດດ່ານຊາຍແດນ ໃຫ້ແກ່ຊາວອົບພະຍົບລີ້ໄພ ອາບການິດສະຖານ
(VOVWORLD) -ຕາມ UNHCR ແລ້ວ, ທຸກໆປະເທດພວມຕ້ອນຮັບ ຊາວອາບການິດສະຖານ ທີ່ຫາກໍ່ມາຮອດ ຄວນຮັກສາການເປີດດ່ານຊາຍແດນ ຕ້ອນຮັບເຂົາເຈົ້າ ຍ້ອນວ່າ ເຂົາເຈົ້າຕ້ອງໄດ້ຮັບການໜູນຊ່ວຍຈາກສາກົນ.
 ຊາວອົບພະຍົບລີ້ໄພ ອາບການິດສະຖານ (ພາບ: TTXVN) |
ວັນທີ 1 ທັນວາ, ຂ້າຫຼວງໃຫຍ່ ສປຊ ຮັບຜິດຊອບກ່ຽວກັບຊາວອົບພະຍົບລີ້ໄພ (UNHCR) ໃຫ້ຮູ້ວ່າ ຊາວອາບການິດສະຖານທີ່ພວມຊອກຫາວິທີລົບໜີ ໄປຍັງຕ່າງປະເທດ ຈະຕ້ອງປະເຊີນໜ້າກັບຄວາມສ່ຽງຫຼາຍຢ່າງ ຍ້ອນສະພາບການຢູ່ປະເທດນີ້ ພວມນັບມື້ນັບຊົ່ວຮ້າຍລົງ, ພ້ອມທັງຮຽກຮ້ອງໃຫ້ບັນດາປະເທດບ້ານໃກ້ເຮືອນຄຽງຂອງ ອາບການິດສະຖານ ເປີດດ່ານຊາຍແດນ ໃຫ້ຊາວອາບການິດສະຖານທີ່ບໍ່ມີເອກະສານຕິດຕົວໃນທັນທີ.
ຕາມ UNHCR ແລ້ວ, ທຸກໆປະເທດພວມຕ້ອນຮັບ ຊາວອາບການິດສະຖານ ທີ່ຫາກໍ່ມາຮອດ ຄວນຮັກສາການເປີດດ່ານຊາຍແດນ ຕ້ອນຮັບເຂົາເຈົ້າ ຍ້ອນວ່າ ເຂົາເຈົ້າຕ້ອງໄດ້ຮັບການໜູນຊ່ວຍຈາກສາກົນ.