WEF Davos 2019: ປັບປຸງສະພາບແວດລ້ອມສາກົນໃຫ້ມີຄວາມສະດວກຮັບໃຊ້ການພັດທະນາປະເທດຊາດ
(VOVWORLD) - ໂດຍໄດ້ຮັບຄຳເຊີນຂອງທ່ານ Klaus Schwab ປະທານກໍ່ຕັ້ງ ແລະ ບໍລິຫານເວທີປາໄສເສດຖະກິດໂລກ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ຈະນຳໜ້າຄະນະຜູ້ແທນຂັ້ນສູງ ຫວຽດນາມ ເຂົ້າຮ່ວມກອງປະຊຸມປະຈຳປີເວທີປາໄສເສດຖະກິດໂລກຢູ່ Davos, ປະເທດ ສະວິດ ແຕ່ວັນທີ 22 – 25 ມັງກອນ 2019.
 ທ່ານນາຍົກລັດຖະມົນຕີ ຫງວຽນຊວນຟຸກ ກ່າວຄຳເຫັນທີ່ກອງປະຊຸມເວທີປາໄສເສດຖະກິດໂລກກ່ຽວກັບ ອາຊຽນ ຄັ້ງທີ 26 ຢູ່ ກຳປູເຈຍ (ພາບ: qdnd.vn) |
ກອງປະຊຸມ WEF Davos 2019 ມີຫົວຂໍ້ວ່າ: “ໂລກາພິວັດ 4.0: ສ້າງໂຄງປະກອບທົ່ວໂລກໃນຍຸກການປະຕິວັດອຸດສາຫະກຳຄັ້ງທີ 4 ໃຫ້ເປັນຮູບປະທຳ”.
ບັນດາຫຼັກນຳມາປຶກສາຫາລືຢູ່ກອງປະຊຸມ WEF Davos 2019 ແມ່ນເພື່ອແນໃສ່ຕີລາຄາຜົນກະທົບ, ແງ່ຫວັງ ແລະ ປຶກສາຫາລືການຮ່ວມມື, ພົບປະເຈລະຈາເພື່ອແກ້ໄຂບັນດາບັນຫາພູມສາດການເມືອງ…ເລື່ອງທ່ານນາຍົກລັດຖະມົນຕີ ຫງວຽນຊວນຟຸກ ເຂົ້າຮ່ວມ WEF Davos 2019 ຈະເປັນການໂຄສະນາຜົນງານການພັດທະນາເສດຖະກິດ - ສັງຄົມ ແລະ ການເຊື່ອມໂຍງເຂົ້າກັບສາກົນຂອງ ຫວຽດນາມ ໃນປີ 2018, ສົ່ງສານກ່ຽວກັບແນວທາງ, ການກຳນົດທິດທາງ, ນະໂຍບາຍຂອງລັດຖະບານ ຫວຽດນາມ ກ່ຽວກັບການພັດທະນາເສດຖະກິດ - ສັງຄົມປີ 2019.