ປະຕູໂຂງເຂົ້າບ້ານ ສີເທົາຈ໋າຍ

      ບ້ານ ສີເທົາຈ໋າຍ ໃນປັດຈຸບັນມີ 62 ຄອບຄົວ ດ້ວຍພົນລະເມືອງ 308 ຄົນ ເຊິ່ງລ້ວນແຕ່ແມ່ນຊາວເຜົ່າ ຢ້າວ. ປີ 2016 ບ້ານ ສີເທົາຈ໋າຍ ຖືກແຂວງ ລາຍເຈົາຮັບຮອງແມ່ນບ້ານທ່ອງທ່ຽວຊຸມຊົນ. ປີ 2017 ຊາວບ້ານໄດ້ເລີ່ມເປີດທິດ ພັດທະນາການທ່ອງທ່ຽວຊຸມຊົນ ແລະ ໄດ້ກາຍເປັນສະຖານທີ່ທ່ອງທ່ຽວທີ່ດູດດື່ມ ອັນໄດ້ດຶງດູດແຂກທ່ອງທ່ຽວມາທ່ຽວຢ່າງຫຼວງຫຼາຍ. ອ້າຍ ຟ່ານອາປ່າວ  ເຈົ້າຂອງໂຮມສະເຕຢູ່ບ້ານ ສີເທົາຈ໋າຍ ໃຫ້ຮູ້ວ່າ:

   “ໃນບ້ານກໍ່ມີ12 ຄອບຄົວເປີດໂຮມສະເຕ ພ້ອມແລ້ວຈະຕ້ອນຮັບແຂກທ່ອງທ່ຽວ. ປັດຈຸບັນມີ 6 ຄອບຄົວຕື່ມອີກ ພວມສືບຕໍ່ເຮັດໂຮມສະເຕ. ຂ້າພະເຈົ້າເປີດໂຮມສະເຕ ແຕ່ປີ 2018 ປັດຈຸບັນໄດ້ເປີດກວ້າງຕື່ມອີກ ຍ້ອນມີແຂກທ່ອງທ່ຽວຫຼາຍຂະນະມາຕ້ອງການມີບ່ອນນອນພັກຜ່ອນ.  ກ່ອນໜ້ານັ້ນເຮືອນຂອງຂ້າພະເຈົ້າສາມາດຕ້ອນຮັບແຂກທ່ອງທ່ຽວໄດ້ 10 ຄົນເທົ່ານັ້ນ ແຕ່ປັດຈຸບັນໄດ້ເປີດກວ້າງສາມາດຕ້ອນຮັບແຂກທ່ອງທ່ຽວ 50 ຄົນໄດ້ແລ້ວ. ບ້ານກໍ່ມີການບໍລິການໂດດຈ້ອງເວີ່ນ. ແຂກທ່ອງທ່ຽວໄດ້ເລີ່ມມາທ່ຽວແຕ່ເດືອນ 3 ໄລ່ຕາມຈັນທະປະຕິທິນ ແຂກທ່ອງທ່ຽວຕ່າງປະເທດສ່ວນຫຼາຍແມ່ນ ອັງກິດ ແລະ ສ ເກົາຫຼີ”.

  ຄວາມປະທັບໃຈສຳລັບແຂກທ່ອງທ່ຽວ ທີ່ເປັນຄັ້ງທຳອິດມານີ້ ກໍ່ແມ່ນບັນຍາກາດທີ່ສະຫງົບງຽບ ທິວທັດທຳມະຊາດຂຽວສົດງົດງາມ ດ້ວຍດອກກຸຫຼາບ, ດອກກ້ວຍໄມ້ ແລະ ຕົ້ນໄມ້ກິນໝາກຫຼາຍປະເພດຄືຕົ້ນໝາກຄາຍ, ໝາກໝັ້ນ ປູກຕາມສອງຝາກທາງ, ປູກໃນສວນ ແລະ ຢູ່ຕາມເນີນພູ. ເສັ້ນທາງເຂົ້າໝຼ່ບ້ານຖືກປູດ້ວຍຫີນສອງຝາກທາງກໍ່ມີຝາຫີນ, ມີບາງບ່ອນກໍ່ເຮັດຮູບປັ້ນຄົນ ແລະ ສັດປະເພດຕ່າງໆ. ນາງ ຫງວຽນເຫວະຈີ ແຂກທ່ອງທ່ຽວມາຈາກ ຮ້າໂນ້ຍ ເປີດເຜີຍວ່າ:

   “ບ້ານທ່ອງທ່ຽວ ສີເທົາຈ໋າຍ ງາມທີ່ສຸດ ປະຊາຊົນກໍ່ມີຈິດໃຈຮັກແພງແຂກ, ຢູ່ແຫ່ງນີ້ກໍ່ມີສິນພິເສດຫຼາຍຢ່າງ, ຂ້າພະເຈົ້າມີຄວາມປະທັບໃຈນັ້ນແມ່ນບັນດາໂຮມສະເຕຢູ່ທີ່ນີ້ ຖືກປຸກສ້າງຢ່າງງາມຕາມີການບໍລິການດີທີ່ສຸດ.   ຂ້າພະເຈົ້າເພິ່ງພໍໃຈເມື່ອມາທ່ຽວຢູ່ທີ່ນີ້”.

   ມາທ່ຽວຢູ່ບ້ານ ສີເທົາຈ໋າຍ ແຂກທ່ອງທ່ຽວຈະມີໂອກາດຢ້ຽມຊົມທັດສະນະສຶກສາ ແລະ ຄົ້ນຫາບັນດາມໍລະດົກວັດທະນະທຳເປັນວັດຖຸ ຄື ເຮືອນບູຮານທີ່ເຮັດດ້ວຍດິນ ມຸງຫຍ້າຍຂອງຊາວເຜົ່າ ຢ້າວ ແຂກທ່ອງທ່ຽວຍັງຈະໄດ້ເຊື່ອມຕົວເຂົ້າກັບບັນຍາກາດງານບຸນ, ພິທີປະດັບຍົດ, ພິທີເຕັ້ນອ້ອມກອງໄຟ ຫຼື ຢ້ຽມຊົມໝູ່ບ້ານຕ່ຳແຜ່ນແພພື້ນເມືອງ, ປະກອບອາຊີບຕີເຫຼັກ. ສຳລັບ ແຂກທ່ອງທ່ຽວມັກທ່ອງທ່ຽວພະຈົນໄພ ຈະໄດ້ຂີ່ລົດໄປຢ້ຽມຊົມຕົວຈິງ, ປີນພູ ຫຼື ໂດດຈ້ອງເວີ່ນຢ້ຽມຊົມທັດຊະນີຍະພາບທັງໝົດ ຢູ່ຮ່ອມພູ ຕາມເດື່ອງ. ອ້າຍ ລູ່ວັນປ໊າວ  ເຈົ້າຂອງໂຮມສະເຕຢູ່ບ້ານ ສີເທົາຈ໋າຍ ໃຫ້ຮູ້ວ່າ:

“ມາທ່ຽວຢູ່ບ້ານນີ້, ແຂກທ່ອງທ່ຽວຈະໄດ້ເຂົ້າເຖິງທາງດ້ານວັດທະນະທຳ, ອາຫານການກິນພ້ອມກັບພໍ່ແມ່ພີ່ນ້ອງ  ຄົ້ນຫາການດຳລົງຊີວິດຂອງຊາວທ້ອງຖິ່ນ. ແຂກບາງຄົນກໍ່ມານີ້ຊື້ນ້ຳເຜິ້ງ, ກອງສິລະປະກອນຂອງໝູ່ບ້ານ ພ້ອມແລ້ວທີ່ຈະທຳການສະແດງຮັບໃຊ້ແຂກທ່ອງທ່ຽວ ບັນດາລາຍການຟ້ອນ ຂັບລຳທຳເພງ ມ່ວນຊື່ນອ້ອມກອງໄຟ”.

ແຕ່ປີ 2015 ເມືອງ ຕາມເດື່ອງ ໄດ້ລົງທຶນເປີດກວ້າງ ຍົກລະດັບ ແລະ ປູຢາງເສັ້ນທາງໄປຍັງບ້ານ ສີເທົາຈ໋າຍ ອັນໄດ້ສ້າງເງື່ອນໄຂສະດວກໃນການສັນຈອນໄປມາ. ອຳນາດການປົກຄອງທ້ອງຖິ່ນ ໄດ້ເອົາໃຈໃສ່ເປັນພິເສດ ແລະ ສົ່ງເສີມຊາວບ້ານ ພັດທະນາການທ່ອງທ່ຽວ. ນາງ ເຕິ໊ນທິເຍິ໊ນ ຮອງປະທານຄະນະກຳມະການປະຊາຊົນຕາແສງ ໂຮ່ເທົ່າ ໃຫ້ຮູ້ວ່າ:

 “ໃນການເຄື່ອນໄຫວທ່ອງທ່ຽວພວກຂ້າພະເຈົ້າກໍ່ໄດ້ມີການຈັດແບ່ງວຽກງານ ໃຫ້ບັນດາພະນັກງານບ້ານເປັນຜູ້ປະສານງານ. ທາງຕາແສງກໍ່ໄດ້ໜູນຊ່ວຍເຮັດໂຮມສະເຕ ເປັນຈຳນວນເງິນ 15 ລ້ານດົ່ງຕໍ່ຄອບຄົວ,ສ່ວນທາງເມືອງກໍ່ໜູນຊ່ວຍແຕ່ລະຄອບຄົວເຮັດໂຮມສະເຕ 50 ລ້ານດົ່ງ. ນອກຈາກນັ້ນກໍ່ຍັງໜູນຊ່ວຍການປູກຕົ້ນໄມ້ກິນໝາກ ເຂດຊົນຮ້ອນຄື ໝາກຄາຍ ໝາກໝັ້ນ...”

ປັດຈຸບັນເມືອງ ຕາມເດື່ອງ ພວມເພີ່ມທະວີການຮ່ວມສຳພັນກັບບັນດາສະໂມສອນຈ້ອງເວີ່ນ ເພື່ອຈັດງານແຂ່ງຂັນໂດດຈ້ອງເວີ່ນສາກົນຢູ່ບ້ານ ສີເທົາຈ໋າຍ ໃນໂອກາດຈັດງານບຸນຢູ່ທ້ອງຖິ່ນ.  ຜ່ານນັ້ນກໍ່ເປັນການໂຄສະນາເຜີຍແຜ່ພາບພົດກ່ຽວກັບປະເທດຊາດ ທິວທັດທຳມະຊາດສີສັນວັດທະນະທຳພື້ນເມືອງ ຂອງຊາວເຜົ່າ ຢ້າວ ຢູ່ບ້ານ ສີເທົາຈ໋າຍ. ບ້ານ ສີເທົາຈ໋າຍ ແມ່ນສະຖານທີ່ທ່ອງທ່ຽວຊຸມຊົນ ປະສານສົມທົບກັບທ່ອງທ່ຽວທຳມະຊາດ ແລະ ນັບມື້ນັບມີຄວາມດູດດື່ມສຳລັບແຂກທ່ອງທ່ຽວທັງຢູ່ໃກ້ ແລະ ໄກ.