(vovworld) – ໂດຍຫ່າງຈາກເຂດດິນຕໍ່ແຜ່ນ 250-350 ໄມທະເລ, ເຮືອນຮ້ານ DK1 ຫຼືເອີ້ນວ່າກຸ່ມເສດຖະກິດ, ວິທະຍາສາດ, ການບໍລິການຢູ່ກາງທະເລທີ່ຂຶ້ນກັບແຂວງບ່າເຮ້ຍວຸງເຕົ່າ ໄດ້ຮັບການກໍ່ສ້າງຂຶ້ນນັບແຕ່ປີ 1989. ເຮືອນຮ້ານແມ່ນແຫ່ງເພື່ອໃຫ້ບັນດາພະນັກງານ, ນັກຮົບເວນຍາມປົກປັກຮັກສາທະເລທ້ອງຟ້າຂອງປະເທດ ແລະ ຮັບໃຊ້ຂະແໜງເສດຖະກິດນຳ້ມັນອາຍແກດ…ເຮືອນຮ້ານ 18 ຫຼັງຖືກຂີດໝາຍແຕ່ DK1-2 ເຖິງ DK1-19. ເຮືອນຮ້ານແຕ່ລະຫຼັງມີຊື່ເອີ້ນທີ່ແຕກຕ່າງກັນເຊັ່ນ: ຟຸກເຕີ່ນ, ຮ່ວຽນເຈິນ, ເກວ໋ເດື່ອງ, ບາແກ່, ຕືຈິ໋ງ, ຟຸກງວຽນ ແລະ ບ້າຍກ້ານ - ກ່າເມົາ.
ເຮືອນຮ້ານ DK1 ຢູ່ກາງທະເລທີ່ຂຶ້ນກັບແຂວງບ່າເຮ້ຍວຸງເຕົ່າ
(ພາບ: ອິນເຕີແນດ)
ມັນເປັນສິ່ງທີ່ແປກປະຫຼາດແທ້ໆ, ເພາະວ່າຢູ່ກາງທະເລ, ແຕ່ເຂົາເຈົ້າພັດກໍ່ສ້າງບັນດາເຮືອນໄດ້ຄືດັ່ງກ່າວ. ນັ້ນແມ່ນຄວາມຮູ້ສຶກທຳອິດຂອງພວກຂ້າພະເຈົ້າເມື່ອໄດ້ພົບເຫັນເຮືອນຮ້ານ DK1. ເຮືອນຮ້ານລວມມີ 3 ຊັ້ນ, ແຕ່ລະຊັ້ນມີເນື້ອທີ່ປະມານ 100-240 ຕາລາງແມັດ, ເຊິ່ງຕັ້ງເທິງເສົາຄຳ້ 4 ຫຼັກທີ່ປັກລົງພື້ນທະເລຢ່າງໝັ້ນຄົງ. ຊັ້ນທີ 1 ແມ່ນສູງກວ່າໜ້ານຳ້ທະເລ 20 ແມັດ, ເປັນບ່ອນອາບນຳ້, ຫ້ອງນຳ້ ແລະ ວາງຖັງບັນຈຸເຊື້ອເພິງ, ນຳ້ຈືດ. ຊັ້ນ 2 ເປັນບ່ອນເຮັດວຽກ, ບ່ອນຢູ່ ແລະ ຊັ້ນ 3 ລວມບັນດາກິດຈະກຳສຳຮອງ, ສາມາດຮັບເອົານຳ້ຝົນ. ຍ້ອນເຫດນັ້ນ, ເຮືອນຮ້ານຈຶ່ງຖືກກໍ່ສ້າງຢູ່ເຂດທີ່ຫຍຸ້ງຍາກ, ອັນຕະລາຍກວ່າໝູ່ໃນເຂດທະເລທີ່ຂຶ້ນກັບໝູ່ເກາະເຈື່ອງຊາ.
ສິ່ງທີ່ສ້າງຄວາມປະທັບໃຈທຳອິດເມື່ອມາຢາມເຮືອນຮ້ານນັ້ນແມ່ນ ຄວາມເປັນລະບຽບຮຽບຮ້ອຍ ແລະ ຄວາມສະອາດນັບແຕ່ຫ້ອງນອນ, ຕະຫຼອດຮອດເຮືອນຄົວຂອງພະນັກງານ, ນັກຮົບ… ພິເສດ, ຢູ່ຊັ້ນໃດກໍ່ປູກຜັກຂຽວຫຼາຍປະເພດຄື: ຜັກກາດ, ຜັກບົ້ງ, ຜັກອີເລີດ, ຕົ້ນໝາກນາວ… ຄືດັ່ງສວນພັກໃນຄອບຄົວຢູ່ເຂດດິນຕໍ່ແຜ່ນ. ນອກນັ້ນ, ຢູ່ເຮືອນຮ້ານບາງແຫ່ງເຂົາເຈົ້າຍັງລ້ຽງໄກ່, ລ້ຽງໝູ ແລະ ໝາອີກ.
ຜັກທີ່, ພະນັກງານ, ນັກຮົບປູກໃນເຮືອນຮ້ານ
(ພາບ: ອິນເຕີແນດ) ຕ້ອນຮັບພວກຂ້າພະເຈົ້າຢູ່ເຮືອນຮ້ານ DK1, ຮ້ອຍຕີ ເຈິ່ນກວົກແທ່ງ, ປະຕິບັງານຢູ່ເຮືອນຮ້ານ DK1-8, ໃຫ້ຮູ້ວ່າ:
“ຮອດຍາມຝົນຕົກລົມແດງໃນເດືອນ 10, 11. ພິເສດເດືອນ 12 ລົມແຮງທີ່ສຸດ. ພະນັກງານ, ນັກຮົບໃນເຮືອນຮ້ານຕ້ອງແກ້ໄຂຄວາມຫຍຸ້ງຍາກທັງໝົດດ້ວຍຕົນເອງ. ມີຫຼາຍຄະນະຈາກເຂດດິນຕໍ່ແຜ່ນມາຢ້ຽມຢາມ, ແຕ່ກໍ່ບໍ່ສາມາດຂຶ້ນເຮືອນຮ້ານໄດ້ຍ້ອນຟອງໃຫຍ່ “.
ຢູ່ກາງທະເລມີຄວາມຫຍຸ້ງຍາກ, ລຳບາກຫຼາຍຢ່າງ, ແຕ່ບັນດາພະນັກງານ, ນັກຮົບຢູ່ທີ່ນີ້ຍັງຄົງຮັກສາການເຄື່ອນໄຫວ, ດຳເນີນຊີວິດເປັນປົກກະຕິຄືຢູ່ເຂດດິນຕໍ່ແຜ່ນ. ນອກຈາກຮຳ່ຮຽນ, ປະຕິບັດງານແລ້ວ, ພະນັກງານ, ນັກຮົບໃນເຮືອນຮ້ານຍັງປູກຜັກ, ຕຶກປາ…ອີກ. ຮ້ອຍຕີ ຫວູງອກແມ້ງ, ເຮືອນຮ້ານ DK1-8, ໃຫ້ຮູ້ວ່າ, ຕຶກປາທັງເປັນການປັບປຸງໃຫ້ຄາບເຂົ້າ, ທັງເປັນການລະຫຼິ້ນບັນເທິງ, ເມື່ອຕຶກປາໄດ້ກໍ່ຮູ້ສຶກດີໃຈຫຼາຍ. ອ້າຍນ້ອງນັກຮົບຢູ່ທີ່ນີ້ຕຶກປາໄດ້ຫຼາຍໂຕ, ມີບາງໂຕໜັກນັບສິບກິໂກຼລາມ.
“ຕຶກປາທັງຍາກ, ທັງງ່າຍ. ສຳລັບປາແຕ່ລະປະເພດ ຕ້ອງມີວິທີທີ່ແຕກຕ່າງກັນ, ມີປາບາງປະເພດກິນເຫຍື່ອ, ບາງປະເພດບໍ່ກິນ ພຽງແຕ່ກຳນົດທາງທີ່ປາລອຍຜ່ານ ກໍ່ສາມາດຕຶກປາໄດ້“
ພະນັກງານ, ນັກຮົບໃນເຮືອນຮ້ານຕືກປາໃຫຍ່ໄດ້ຫຼາຍໂຕ
(ພາບ: ອິນເຕີແນດ) ປະຈຸບັນ, ໂດຍໄດ້ຮັບຄວາມເອົາໃຈໃສ່ຈາກປະຊາຊົນໃນທົ່ວປະເທດ, ບັນດາເຮືອນຮ້ານມີຄວາມໝັ້ນຄົງ, ສູງກວ່າ ແລະ ກວ້າງກວ່າ, ເຮືອນຮ້ານທັງໝົດລ້ວນແຕ່ມີໄຟຟ້າພະລັງແສງຕາເວັນ ແລະ ພະລັງແຮງລົມ, ມີຄື້ນໂທລະສັບ, ໂທລະພາບ, ດັ່ງນັ້ນຄວາມຫ່າງກັນລະຫວ່າງເຮືອນຮ້ານກາງທະເລກັບເຂດດິນຕໍ່ແຜນກໍ່ຖືກຮັດແຄບລົງ. ຮ້ອຍຕີ ເຈິ່ນກວາງແທ່ງ ໄດ້ແບ່ງປັນວ່າ, ເຖິງວ່າຈະຖືກຫ່າງຈາກເຂດດິນຕໍ່ແຜ່ນ ແລະ ບ້ານເກີດກໍ່ຕາມ ເຖິງວ່າຈະຢູ່ໃນຖານະຕຳແໜ່ງວຽກງານໃດ, ນັກຮົບເຮືອນຮ້ານກໍ່ສືບທອດລຸ້ນພໍ່ລຸ້ນອ້າຍ ເພື່ອຮັກສາເຮືອນຮ້ານໃຫ້ໝັ້ນຄົງຕະຫຼອດໄປ.
“ພະນັກງານ, ນັກຮົບຢູ່ເຮືອນຮ້ານກາງທະເລ ພ້ອມກັນສາມັກຄີ ແກ້ໄຂຄວາມຫຍຸ້ງຍາກທັງໝົດ. ເມື່ອໄດ້ຮັບໜ້າທີ່ໄປປະຕິບັດງານຢູ່ທີ່ນີ້, ພວກເຮົາພຽງແຕ່ມີແນວຄິດໜຶ່ງດຽວນັ້ນແມ່ນຕ້ອງເຮັດແນວໃດປະຕິບັດສຳເລັດໜ້າທີ່ເຊິ່ງພັກ, ລັດ, ກອງທັບ ແລະ ປະຊາຊົນໄດ້ມອບໝາຍໃຫ້. ນັ້ນແມ່ນຄວາມສຸກຂອງພວກຂ້າພະເຈົ້າ“.
ມາຢ້ຽມຢາມບັນດາພະນັກງານ, ນັກຮົບຢູ່ເຮືອນຮ້ານ DK1 … ພວກຂ້າພະເຈົ້າຍິ່ງເຂົ້າໃຈໄດ້ການເສຍສະຫຼະຂອງເຂົາເຈົ້າຄືດັ່ງຄຳກ່ອນຂອງຮ້ອຍໂທ ເຢືອງວັນບັກ, ຜູ້ພວມປະຕິບັດງານຢູ່ເຮືອນຮ້ານ DK1-19 ໃນບົດກະວີທີ່ມີຫົວຂໍ້ວ່າ “ບັນດາຊາຍຄາບົນທະເລ“:
ບໍ່ແມ່ນດິນຕໍ່ແຜ່ນ, ບໍ່ແມ່ນເຈື່ອງຊາໃຫຍ່
ບໍ່ແມ່ນເຊີນກາ, ເກາະຟູ, ເກາະນຳ້ຖ້ວມ
ບັນດາເຮືອນຮ້ານເປັນເລືອດເນື້ອ
ຮັກສາອະທິປະໄຕປະເທດຊາດ
ເຮືອນຮ້ານຕັ້ງໝັ້ນບົນທະເລ
ສືບທອດມູນເຊື້ອນັບພັນປີ
ປ້ອງກັນຄວາມໝັ້ນຄົງຂອງປະເທດ.