(vovworld) - ຮອດຍາມທ້າຍປີ, ກໍ່ແມ່ນຈຸດເວລາທີ່ຊາວດ່າລາດ ເອົາໃຈໃສ່ເຖິງວຽກງານປູກດອກໄມ້ທີ່ຮັບໃຊ້ໃຫ້ບຸນປີໃໝ່. ເພື່ອສ້າງຄວາມສະດວກໃຫ້ວຽກງານບົວລະບັດ, ຊາວກະສີກອນຫຼາຍຄົນຕ້ອງແຮມຄືນໃນເຮືອນສວນຕະຫຼອດປີ, ທ່ານ ຫວູຍ່ວນ ແມ່ນໜຶ່ງໃນຈຳນວນດັ່ງກ່າວ. ບໍ່ພຽງແຕ່ສ້າງຄວາມຮັ່ງມີຈາກການປູກດອກໄມ້ເທົ່ານັ້ນ, ທ່ານຍັງຊ່ວຍເຫຼືອຊາວກະສີກອນຫຼາຍຄົນໃນໝູ່ບ້ານຮ່າດົງ ປູກດອກໄມ້ ດ້ວຍເຕັກໂນໂລຢີສູງອີກດ້ວຍ, ນຳມາເຊິ່ງລາຍຮັບເປັນປົກກະຕິໃຫ້ແກ່ເຂົາເຈົ້າ.
ທ່ານຫວູຍ່ວນໃນສວນເບ້ຍໄມ້
ດອກກຸຫຼາບ, ດອກ ly ດ້ວຍສີຫຼາຍຫຼາກຖືກຕັ້ງເດຍລະດາດຢູ່ເຕັມເຮືອນຂອງທ່ານ ຫວູທ່ວນ. ທ່ານບອກວ່າ, ນັ້ນແມ່ນດອກໄມ້ທີ່ທ່ານພວມປູກທົດລອງເພື່ອຄົ້ນຄ້ວາກ່ຽວກັບເວລາຍືນຍົງຂອງມັນ. ສ່ວນຢູ່ອ້ອມເຮືອນຂອງທ່ານຖືກປົກຄຸມດ້ວຍຮົ້ວດອກໄມ້ສີບົວ. ຕະຫຼອດຊີວິດຕິດພັນກັບສວນດອກໄມ້, ເວລານອນຫຼັບທ່ານກໍ່ຝັນເຫັນວຽກງານປູກດອກໄມ້. ບໍ່ພຽງແຕ່ປູກດອກໄມ້ຕາມວິທີທີ່ເປັນມູນເຊື້ອເທົ່ານັ້ນ, ທ່ານ ຫວູຍ່ວນ ຍັງປາຖະໜາວ່າ, ດອກໄມ້ທີ່ປູກມາໄດ້ນັ້ນຕ້ອງນຳມາເຊິ່ງຜົນປະໂຫຍດໃຫ້ຫຼາຍທົບ 4 ເຖິງ 5 ເທົ່າ.
“ໃນຂົງເຂດປູກດອກໄມ້ດ້ວຍເຕັກໂນໂລຢີສູງ. ປີ 1992, ຂ້າພະເຈົ້າແມ່ນຜູ້ທຳທີ່ປູກດອກໄມ້ທົກລອງໃນເຮືອນແກ້ວ, ຫຼັງຈາກນັ້ນເມື່ອເຫັນມີປະສິດທິຜົນ, ປະຊາຊົນກໍ່ຮ່ຳຮຽນເອົາ ແລະ ຮອດປີ 2000, ເຂົາເຈົ້າຈຶ່ງສຸມໃສ່ປູກດອກໄມ້ປະສົມພັນດ້ວຍເຕັກໂນໂລຢີສູງ. ປະຈຸບັນຢູ່ທີ່ນີ້ເຂົາເຈົ້າໄດ້ປູກດອກເປັນຈະມາດ, ເພາະວ່າດອກໄມ້ຊະນິດນີ້ໃຫ້ປະສິດທິຜົນສູງ. ໃນເນື້ອທີ່ 1000 ຕາລາງແມັດ ສາມາດຫາລາຍຮັບໄດ້ແຕ່ 200 – 300 ລ້ານດົ່ງ/ປີ. ອັນໄດ້ນຳມາເຊິ່ງແຫຼ່ງລາຍຮັບເພື່ອໃຫ້ເຂົາເຈົ້າລ້ຽງລູກ, ປຸກເຮືອນ, ຊື້ອຸປະກອນ, ເຄື່ອງໃຊ້ພາຍໃນຄອບຄົວ”.
ບ້ານປູກດອກໄມ້ຮ່າດົງ ເລີ່ມມີມານັບແຕ່ປີ 1938 ໂດຍຊາວບ້ານ ກວາງບ໋າ ງີຕ່າມ, ໄຕຕື້ວ, ງອກຮ່າ (ນະຄອນ ຮ່າໂນ້ຍ) ສ້າງຂື້ນ. ນັບແຕ່ນັ້ນມາຮອດປະຈຸບັນ, ປະຊາຊົນຜູ້ປູກດອກໄມ້ຂອງໝູ່ບ້ານຮ່າດົງ ໄດ້ສ້າງເປັນເຄື່ອງໝາຍການຄ້າສະເພາະໃຫ້ແກ່ຕົນເທື່ອລະກ້າວ ແລະ ລຸ້ນຄົນຄືທ່ານ ຫວູຍ່ວນ ສາມາດພິສູດໄດ້ສິ່ງດັ່ງກ່າວ.
“ປະຈຸບັນ, ທັງນະຄອນດ່າລາດ ບ່ອນໃດກໍ່ມີດອກເປັນຈະມາດ, ແຕ່ດອກເປັນຈະມາດງາມທີ່ສຸດນັ້ນແມ່ນຂອງໝູ່ບ້ານປູກດອກໄມ້ຮ່າດົງ. ບັນດາຜູ້ເກັບຊື້ດອກໄມ້ເຄີຍເວົ້າວ່າ, ດອກເປັນຈະມາດຢູ່ບ້ານຮ່າດົງ ແມ່ນງາມກວ່າໝູ່”.
ເພື່ອສ້າງໃຫ້ມີຜະລິດຕະພັນສະເພາະໃຫ້ແກ່ຕົນ, ທ່ານ ຫວູຍ່ວນ ໄດ້ລົງທຶນຄົ້ນຄ້ວາລັກສະນະພິເສດຂອງດອກໄມ້ແຕ່ລະຊະນິດ, ໃນນັ້ນມີດອກເປັນຈະມາດ. ປະຈຸບັນ, ດອກເປັນຈະມາດຂອງໝູ່ບ້ານຮ່າດົງ ໄດ້ຮັບການຈຳໜ່າຍຢູ່ດ່າລາດ, ໄຊງ່ອນ ແລະ ບັນດາແຂວງຢູ່ອ້ອມຂ້າງ. ເຖິງວ່າສົ້ນອອກໃຫ້ແກ່ດອກໄມ້ຊະນິດນີ້ແມ່ນໄດ້ຮັບປະກັນແລ້ວກໍ່ຕາມ, ແຕ່ຜົນກຳໄລພັດບໍ່ເທົ່າທີ່ຄວນ. ຍ້ອນເຫດນັ້ນ, ທ່ານ ຫວູຍ່ວນ ຈຶ່ງແນະນຳທິດເດີນໃໝ່ໃຫ້ແກ່ຜູ້ປູກດອກໄມ້ຢູ່ໝູ່ບ້ານ ຮ່າດົງ
“ປະຈຸບັນ, ບັນຫາສັດຕູພືດສຳລັບດອກເປັນຈະມາດ, ບັນຫາທີ່ດິນ, ຝູ່ນເຄມີ, ເຕັກນິກ…ຍັງບໍ່ທັນແກ້ໄຂໄດ້, ດັ່ງນັ້ນຂ້າພະເຈົ້າຢາກຖ່າຍທອດເຕັກໂນໂລຢີ ເຕັກນິກສູງໃຫ້ແກ່ຊາວກະສີກອນ. ເພື່ອໃຫ້ຄຸນນະພາບດອກໄມ້ສະໝ່ຳສະເໝີກັນ ຈຶ່ງສາມາດສົ່ງອອກຕ່າງປະເທດໄດ້..
ຫ້ອງທົດລອງຂອງທ່ານ ຫວູຍ່ວນ ມີອຸປະກອນ, ກົນຈັກຢ່າງຄົບຖ້ວນຄື: ຫ້ອງທົດລອງຂອງບັນດາຮາກຖານຄົ້ນຄ້ວາດອກໄມ້ດ້ວຍຂອບຂະໜາດໃຫຍ່. ທ່ານເວົ້າວ່າ, ຍ້ອນຂາດອຸປະກອນ, ເຄື່ອງຈັກທີ່ທັນສະໄໝ, ປະຊາຊົນຈຶ່ງປະສົບກັບຄວາມຫຍູ້ງຍາກໃນການບົວລະບັດດອກໄມ້. ທ່ານຍັງສະໝັກໃຈຊ່ວຍເຫຼືອບັນດາຜູ້ປູກດອກໄມ້ໃນໝູ່ບ້ານຮ່າດົງ ຕາມວິທີໃໝ່ ແລະ ໃນເບື້ອງຕົ້ນໄດ້ນຳມາເຊິ່ງໝາກຜົນທີ່ດີໂດຍບັງເອີນ.
ປະຈຸບັນ, ທ່ານຍ່ວນ ບໍ່ພຽງແຕ່ຕິດເຄືອງກັບວຽກງານບົວລະບັດສວນດອກໄມ້ຂອງຄອບຄົວເທົ່ານັ້ນ, ຫາກທ່ານຍັງພ້ອມກັບປະຊາຊົນຜູ້ອື່ນໆໃນໝູ່ບ້ານດຳເນີນການຄົ້ນຄ້ວາ ເພື່ອປູກດອກໄມ້ໃຫ້ງາມທີ່ສຸດ, ແນໃສ່ຮັບໃຊ້ບຸນປີໃໝ່ປະຈຳຊາດ. ທ່ານຫວັງວ່າ, ດອກໄມ້ຂອງໝູ່ບ້ານຮ່າດົງສາມາດສົ່ງໄປຂາຍຢູ່ຍີ່ປຸ່ນ, ໄທໄດ້, ຫາກບໍ່ພຽງແຕ່ຈຳໜ່າຍຢູ່ພາຍໃນປະເທດຄືປະຈຸບັນເທົ່ານັ້ນ.