(vovworld)- ຢູ່ໃນຄວາມສູງ 1050 ແມັດ ເມື່ອທຽບໃສ່ຫນ້ານ້ຳທະເລ, ດ້ວຍທົ່ງຫຍ້າກວ້າງກວ່າ 1600 ເຮັກຕາ, ເຂດພູພຽງ ມົກເຈົາ ໄດ້ຮັບການຂະຫນານນາມວ່າ ແມ່ນ ດາລາດ ຂອງເຂດ ໄຕບັກ ເຂດທາງທິດຕາເວັນຕົກສ່ຽງເຫນືອ ຫວຽດນາມ. ນີ້ແມ່ນເຂດໂດຍທຳມະຊາດດົນບັນດານໃຫ້, ອາກາດເຢັນສະບາຍຕະຫລອດປີ, ແມ່ນສະຖານທີ່ມີຊັບພະຍາທ່ອງທ່ຽວຫລາຍທີ່ສຸດຢູ່ເຂດທາງທິດຕາເວັນຕົກສຽງເຫນືອ ຫວຽດນາມ. ໃນຊຸມປີມໍ່ໆມານີ້, ເຂດພູພຽງ ມົກເຈົາ ໄດ້ກາຍເປັນສະຖານທີ່ດຶງດູດນັກທ່ອງທ່ຽວທັງຢູ່ພາຍໃນ ແລະ ຕ່າງປະເທດ ມາຢ້ຽມຢາມເປັນຈຳນວນຫລວງຫລາຍ. ບົດຂຽນຂອງນັກຂ່າວ ລານແອງ.
ຊາຢູ່ ມົກເຈົາ |
ເສັ້ນທາງຈາກ ຮ່າໂນ້ຍ ໄປເຖິງ ມົກເຈົາ ມີຄວາມຍາວເກືອບ 200 ກິໂລແມັດ ປະຈຸບັນໄດ້ຮັບການເປີດກວ້າງ, ຫນ້າທາງຮາບພຽງ ໄປມາສະດວກສະບາຍ. ມົກເຈົາ ແມ່ນດິນແດນທີ່ສະຫງົບງຽບ, ອາກາດເຢັນສະບາຍຕະຫລອດປີ ພ້ອມກັບຄວາມງາມທຳມະຊາດໄດ້ດຶງດູດນັກທ່ອງທ່ຽວມາຢ້ຽມຢາມໃນໂອກາດທ້າຍສັບປະດາເປັນຈຳນວນຫລວງຫລາຍ. ທ່ານນາງ ຟຸ່ງທິລືວລີ, ຮອງຫົວຫນ້າພະແນກວັດທະນະທຳ ເມືອງ ມົກເຈົາ ໃຫ້ຮູ້ວ່າ: ໃນມື້ພັກການທ້າຍສັບປະດາ ກໍຄືໂອກາດບຸນເຕັດ, ວັນບຸນອື່ນ, ນັກທ່ອງທ່ຽວພາກັນໄປທ່ອງທ່ຽວ ມົກເຈົາ ເປັນຈຳນວນຫລວງຫລາຍ.
“ອາກາດຢູ່ ມົກເຈົາ ແມ່ນແຕກຕ່າງກັບບັນດາທ້ອງຖິ່ນອື່ນ. ມົກເຈົາ ມີ 4 ລະດູຄື: ລະດູບານໃຫມ່, ລະດູຫນາວ, ລະດູແລ້ງ, ລະດູໃບໄມ້ຫລົ່ນ. ໃນມື້ຫນຶ່ງ, ອາກາດດີສຸດ ແມ່ນ 18-22 ອົງສາ C ເຢັນພໍດີ. ມົກເຈົາ ແມ່ນຫນຶ່ງໃນບັນດາສະຖານທີ່ທ່ອງທ່ຽວຈຸດສຸມ. ໃນ 3-5 ປີມານີ້, ນັກທ່ອງທ່ຽວມາຢ້ຽມຢາມ ມົກເຈົາຫລາຍກວ່າ. ຫນຶ່ງໃນບັນດາທ່າໄດ້ປຽບຂອງ ມົກເຈົາ ນັ້ນແມ່ນຄວາມສາມາດບົ່ມຊ້ອນດ້ານທ່ອງທ່ຽວ.”
ມົກເຈົາ ແມ່ນສະຖານທີ່ທ່ອງທ່ຽວມີຊື່ສຽງ ດ້ວຍດອກໄມ້ຫລາຍຊະນິດ. ໃນລະດູບານໃຫມ່, ດອກຄາຍ, ດອກໝາກໝັ້ນ ຢູ່ທີ່ນີ້ໄດ້ເບັ່ງບານເປັນສີຂາວທີ່ງາມຕາໄປທົ່ວປ່າ, ພິເສດໃນມື້ທ້າຍປີເກົ່າ ຕົ້ນປີໃຫມ່ຮູບພາບດອກໝາກໝັ້ນຢູ່ ມົກເຈົາ ໄດ້ກາຍເປັນສິ່ງທີ່ດຶງດູດນັກທ່ອງທ່ຽວມາຢ້ຽມຊົມ ແລະ ຖ່າຍຮູບ. ທຳມະຊາດ ຢູ່ ມົກເຈົາທັງ 4 ລະດູລ້ວນແຕ່ສວຍງາມ ແລະ ແຕ່ລະລະດູແມ່ນໄດ້ຕິດພັນກັບດອກໄມ້ຊະນິດຫນຶ່ງທີ່ເປັນເອກະລັກສະເພາະ. ອ້າຍ ຟ້າມມີຈຽນ, ຜູ້ນຳທ່ຽວ ຂອງບໍລິສັດທ່ອງທ່ຽວ ແຄງຊີງ ແບ່ງປັນວ່າ:
“ຂ້າພະເຈົ້າເຫັນວ່າ ມົກເຈົາ ມີຄວາມງາມຕະຫລອດ 4 ລະດູ. ລະດູຫນາວ ແມ່ນລະດູຂອງດອກໄມ້ປ່າໄດ້ເບັ່ງບານປົກຄຸມໄປທົ່ວໂນນພູຂອງ ມົກເຈົາແມ່ນປົກຄຸມໄປດ້ວຍສີເຫລືອງງາມທີ່ສຸດ. ລະດູບານໃຫມ່ ແມ່ນລະດູຂອງດອກໝາກໝັ້ນ, ດອກຄາຍ. ເດືອນ 3 ແມ່ນລະດູຂອງດອກບານ. ຮອດລະດູຮ້ອນ ແມ່ນລະດູຂອງໝາກໄມ້. ເມື່ອມາຢ້ຽມຢາມບັນດາບ້ານຂອງຊາວເຜົ່າມົ້ງເມື່ອຍ່າງໄປເລາະຫລິ້ນຢູ່ອ້ອມແອ້ມບ້ານ ທ່ານທັງຊົມທິວທັດທຳມະຊາດທີ່ສວຍງາມ ທັງເດັດເອົາໝາກໄມ້ມາກິນ. ສ່ວນລະດູໃບໄມ້ຫລົ່ນ ແມ່ນລະດູທີ່ຊາວຊົນເຜົ່າຕ້ອນຮັບບຸນເຕັດ. ຊາວເຜົ່າມົ້ງຢູ່ທີ່ນີ້ ຖືວັນທີ 2/9 (ວັນຊາດຂອງຫວຽດນາມ) ແມ່ນບຸນເຕັດໃຫຍ່ກວ່າໝູ່, ຖັດມາແມ່ນບຸນເຕັດປະເພນີ ຊື່ງຖືດຈັດຂຶ້ນໃນເດືອນ 11 ໄລ່ຕາມຈັນທະປະຕິທິນ ແລະ ແກ່ຍາວກວ່າ 1 ເດືອນ.”
ບໍ່ພຽງແຕ່ເທົ່ານັ້ນ ນັກທ່ອງທ່ຽວມາຢ້ຽມຢາມ ມົກເຈົາ ຍັງໄດ້ຄົ້ນຫາທິວທັດທຳມະຊາດສວຍງາມຫລາຍແຫ່ງຄື: ຖ້ຳ ເຊີນມົກເຮືອງ ຫລື ເອີ້ນວ່າ ຖ້ຳເຈຍ ຍັງຮັກສາຄວາມງາມແບບທຳມະຊາດໄວ້ ຄືດັ່ງຜະລິດຕະພັນສິລະປະເຮັດດ້ວຍຫີນ. ນອກນັ້ນ ຍັງມີນ້ຳຕົກຕາດ ບ້ານຫວັດ, ປ່າແປກ ບ້ານອາງທີ່ກວ້າງໃຫຍ່. ຄຽງຄູ່ກັນນັ້ນ ອາຫານການກິນ ຢູ່ ມົກເຈົາ ກໍແມ່ນສິ່ງທີ່ດຶງດູດນັກທ່ອງທ່ຽວ ດ້ວຍບັນດາເຍື່ອງອາຫານພິເສດຂອງທ້ອງຖິ່ນຄື: ຈືນຊີ້ນງົວນ້ອຍ ມີລົດຊາດຫວານຫອມຂອງຊີ້ນງົວນ້ອຍຈາກ ນິຄົມກະເສດລ້ຽງງົວນົມ ມົກເຈົາ, ເຍື່ອງອາຫານທີ່ປຸ້ງແຕ່ງຈາກຜັກກາດຂອງຊົນເຜົ່າມົ້ງ ຫລື ເຍື່ອງອາຫານແກງຊີ້ນໝູໃສ່ເຜືອກທີ່ມີກີ່ນຫອມແບບທຳມະຊາດ.
ດອກໝາກໝັ້ນ
|
ນັ້ນແມ່ນບັນດາຜະລິດຕະພັນໄດ້ຮັບການລ້ຽງ ປູກ ປຸ້ງແຕ່ງ ຢູ່ ມົກເຈົາ ຮັບປະກັນຫລັກອະນາໄມຄວາມປອດໄພ. ທ່າໄດ້ປຽບທັງໝົດເຫລົ່ານັ້ນ ໄດ້ເຮັດໃຫ້ ມົກເຈົາ ມີຈຸດທີ່ເປັນເອກະລັກສະເພາະ ດຶງດູດນັກທ່ອງທ່ຽວໃນໂອກາດທ້າຍສັບປະດາ ຫລືວັນບຸນອື່ນ. ທ່ານນາງ ຟຸ່ງທິລືວລີ, ຮອງຫົວຫນ້າພະແນກວັດທະນະທຳ ເມືອງ ມົກເຈົາ ໃຫ້ຮູ້ຕື່ມອີກວ່າ:
“ໃນຊຸມມື້ມໍ່ມານີ້ ມົກເຈົານອນໃນຍຸດທະສາດພັດທະນາການທອ່ງທ່ຽວຈຸດສຸມຂອງເຂດ ໄຕບັກ. ມົກເຈົາ ມີທ່າໄດ້ປຽບຄື: ຜະລິດຕະພັນຊາ, ນ້ຳນົມ ພິເສດ ໄດ້ຮັບການຮັບຮູ້ເປັນເຂດທ່ອງທ່ຽວແຫ່ງຊາດ ມົກເຈົາ. ສິ່ງສຳຄັນ ມົກເຈົາ ແມ່ນປະຕູຂອງແຂວງ ເຊີນລາ ທີ່ມີດິນຟ້າອາກາດເອື້ອອຳນວຍຄວາມສະດວກ ແລະ ກໍແມ່ນສະຖານທີ່ໃກ້ກັບ ຮ່າໂນ້ຍ. ມົກເຈົາ ແມ່ນສະຖານທີ່ດຶງດູດນັກທ່ອງທ່ຽວທັງຢູ່ ພາຍໃນ ແລະ ຕ່າງປະເທດ ແລະ ກໍແມ່ນສະຖານທີ່ຊີວະພາບອຸດົມສົມບູນ, ເຢັນສະບາຍຂອງເຂດພູພຽງ.”
ຊາວຊົນເຜົ່າພວມເກັບໝາກໝັ້ນ |
ມາຢ້ຽມຢາມ ມົກເຈົາ ນັກທ່ອງທ່ຽວໄດ້ສູບອາກາດທີ່ປອດໂປ່ງ, ໄດ້ຊົມທິວທັດທຳມະຊາດສວຍງາມ ພ້ອມກັບ ໄດ້ຮັບປະທານບັນດາເຍື່ອງອາຫານພິເສດຂອງທ້ອງຖິ່ນ ນັ້ນກໍແມ່ນສາຍເຫດທີ່ເຮັດໃຫ້ນັກທ່ອງທ່ຽວມາຢ້ຽມຢາມ ມົກເຈົາ ໃນມື້ພັກການນັບມື້ນັບຫລາຍ.