(vovowrld) - ປະຈຸບັນ, ໃນຂະນະທີ່ບັນດານັກຜະລິດພວມແນະນຳເຕັກໂນໂລຢີ ແລະ ເຕັກນິກການສຽງໃໝ່ນັ້ນ, ແຕ່ພັດມີບັນດາຜູ້ທີ່ພວມສະສົມຫົວຊີດີ, ລຳໂພງ, ທີ່ໄດ້ຮັບການຜະລິດແຕ່ຊຸມປີ 50, 70 ຂອງສະຕະວັດກ່ອນ ຫຼືແຜ່ນ, ສາຍເທບເກົ່າ ເພື່ອຮັບຟັງນ້ຳສຽງທີ່ກະຈາຍຈາກເຄື່ອງຈັກທີ່ເກົ່າແກ່, ໃນນັ້ນມີອ້າຍ Nguyen Huu Long. ເມື່ອເຫັນເຄື່ອງຈັກ, ສາຍເທບເຫຼົ່ານັ້ນ, ຜູ້ຄົນທັງຫຼາຍລ້ວນແຕ່ມີຄວາມນິຍົມຊົມຊອບຕໍ່ຄວາມອຸດົມສົມບູນ, ປະເພດ ແລະ ຈຳນວນເຄື່ອງຂອງດັ່ງກ່າວ.
(ພາບປະກອບ google.com.vn)
ນັບແຕ່ດົນນານມາແລ້ວ, ເຮືອນຂອງອ້າຍ Nguyen Huu Long ຕັ້ງຢູ່ຮ່ອມບ້ານນ້ອຍໆບົນຖະໜົນ Phan Dinh Giot, ເມືອງ Hoang Mai, ໄດ້ກາຍເປັນແຫ່ງນັດພົບຂອງຜູ້ນິຍົມນ້ຳສຽງເດີມ. ເຮືອນຂອງອ້າຍປຽບເໝືອນຫໍພິພິດທະພັນນ້ອຍກ່ຽວກັບ ຫົວຊີດີ, ລຳໂພງຫຼາຍປະເພດທີ່ມີມາກ່ອນຊຸມປີ 1980. ອ້າຍ Nguyen Tuan Ngoc ພ້ອມກັບເພື່ອນມິດບາງຄົນພວມວິຈານອຸປະກອນບາງປະເພດໃນເຮືອນຂອງອ້າຍ Long ວ່າ.
”ພວກຂ້າພະເຈົ້າມາແຫ່ງນີ້ເພື່ອຊົມອຸປະກອນ ແລະ ຮັບຟັງນ້ຳສຽງເດີມເປັນຕົ້ນ, ຫາກບໍ່ແມ່ນມາເພື່ອຊື້. ຢູ່ທີ່ນີ້ອຸປະກອນອຸດົມສົມບູນດ້ວຍຫຼາຍປະເພດ ເພື່ອໃຫ້ຜູ້ມີຄວາມນິຍົມດຽວກັນສະສົມ, ຮັບຟັງນ້ຳສຽງເດີມ”
ອ້າຍ Long ມີຄວາມນິຍົມສະສົມອຸປະກອນການສຽງເດີມນັບແຕ່ເວລາຍັງນ້ອຍ. ປະຈຸບັນມັນແມ່ນຄວາມນິຍົມຊົມຊອບ, ແມ່ນພາກສ່ວນໜຶ່ງທີ່ຂາດບໍ່ໄດ້ໃນຊີວິດຂອງລາວ
”ນັບແຕ່ເວລາຍັງນ້ອຍຂ້າພະເຈົ້າໄດ້ເມົາມົວກັບນ້ຳສຽງແລ້ວ. ໃນຊຸມປີ 97, 98 ຄອບຄົວຂ້າພະເຈົ້າໄດ້ມີ ສາຍເທບ (ແບບເກົ່າ). ເຊິ່ງແມ່ນເຄື່ອງຫາຍາກທີ່ສຸດໃນເວລານັ້ນ, ແຕ່ຂ້າພະເຈົ້າໂຊກດີທີ່ໄດ້ນຳໃຊ້ອຸປະກອນດັ່ງກ່າວ ແລະ ຕາມການເວລາ, ຄວາມເມົາມົວນັ້ນນັບມື້ນັບເພີ່ມຂຶ້ນຈົນເຖິງປະຈຸບັນ”.
(ພາບປະກອບ google.com.vn)
ກາງເວັນໄປເຮັດວຽກ, ຕອນແລງຈຶ່ງແມ່ນຈຸດເວລາເພື່ອໃຫ້ອ້າຍ Long ພ້ອມກັບໝູ່ເພື່ອນແລກປ່ຽນບັນດາອຸປະກອນທີ່ຫາກໍ່ສະສົມໄດ້. ອ້າຍ Nguyen Quoc Khanh, ເພື່ອນຂອງອ້າຍ Long, ຜູ້ນິຍົມນ້ຳສຽງເດີມມາໄດ້ຫຼາຍປີ ແບ່ງປັນວ່າ :
”ຂ້າພະເຈົ້າຮູ້ອ້າຍ Long ນັບແຕ່ເວລາຫາກໍ່ເປີດຮ້ານຂາຍເຄື່ອງ. ລາວຫຼິ້ນນ້ຳສຽງເດີມມາແຕ່ດົນແລ້ວ ດັ່ງນັ້ນຈຶ່ງມີບົດຮຽນຫຼາຍໃນການ ກວດ, ແກ້ນ້ຳສຽງ”
ອ້າຍ Long ເວົ້າວ່າການຫຼິ້ນອຸປະກອນການສຽງເດີມໄດ້ເຮັດໃຫ້ທຸກຄົນໄກ້ສິດຕິດພັນນຳກັນ. ທັງນັ່ງກິນນ້ຳຊາ, ທັງຮັບຟັງດົນຕີຜ່ານອຸປະກອນອັດ ແລະ ກະຈາຍສຽງທີ່ມີມາກ່ອນນີ້ຫຼາຍສິບປີ.
ອ້າຍ Long ເວົ້າວ່າເມື່ອແຜ່ນ CD, DVD ປະກົດຂຶ້ນ, ແຜ່ນສຽງ, ສາຍເທບເກົ່າ, ລຳໂພງ, ຈັກອັດສຽງ, , ຊຸດແອັມ ກ່ອນນີ້ນັບເຄິ່ງສະຕະວັດ ເກືອບຄືວ່າຖືກຫຼົງລືມໄປ. ແຕ່ຫວ່າງແລ້ວນີ້. ເມື່ອເຂົາເຈົ້າຮັບຮູ້ໄດ້ວ່າ ແຜ່ນສຽງ, ສາຍເທບເກົ່າດ້ວຍນ້ຳສຽງ analogue ໄກ້ສິດກັບນ້ຳສຽງທຳມະຊາດ, ອຸປະກອນເຫຼົ່ານັ້ນກໍ່ຄ່ອຍໆປະກົດຄືນໃໝ່ໃນຊີວິດ.
(ພາບປະກອບ google.com.vn) ”ຄວາມຈິງແລ້ວ, ໃນ 5 ປີ ມານີ້, ບັນດາຜູ້ນິຍົມນ້ຳສຽງເດີມໄດ້ຊອກຫາ, ສະສົມອຸປະກອນການສຽງເກົ່າ. ພິເສດແມ່ນບັນດາຜູ້ທີ່ເຄີຍນຳໃຊ້ອຸປະກອນນີ້ໃນເມື່ອກ່ອນ. ຂ້າພະເຈົ້ານິຍົມກັບອຸປະກອນການສຽງເດີມນີ້ຫຼາຍ. ມາຮອດປະຈຸບັນ, ເຕັກນິກການສຽງ analogue ຍັງຄົງມີນ້ຳສຽງມ່ວນທີ່ສຸດ”.
ໃນຊຸດອຸປະກອນການສຽງສະສົມຂອງອ້າຍ Long ມີບັນດາໜ່ວຍ Radio ເກົ່າແກ່. ອ້າຍ Long ເວົ້າວ່າ ບັນດາຜູ້ນິຍົມນ້ຳສຽງເດີມລ້ວນແຕ່ສະສົມອຸປະກອນການສຽງເກົ່າ. ເຖິງວ່າພຽງແຕ່ສະສົມເພື່ອວາງສະແດງເທົ່ານັ້ນ, ແຕ່ຜູ້ນິຍົມກໍ່ຕ້ອງໃຊ້ເຫື່ອແຮງຫຼາຍຈຶ່ງມີບັນດາ ໜ່ວຍ Radio ທີ່ເກົ່າແກ່ຄືແນວນັ້ນໄດ້.
”ມີອຸປະກອນຈຳນວນໜຶ່ງຊື້ມາພຽງແຕ່ເພື່ອຮັກສາເທົ່ານັ້ນ ເພາະວ່າມັນໄດ້ຮັບການອອກແບບງາມທີ່ສຸດ. ຕົວຢ່າງຄືບັນດາໜ່ວຍ Radio ເກົ່າໃນຊຸມປີ 30, 40. ຮູບນອກຂອງມັນແມ່ນເຮັດດ້ວຍໄມ້, ຈູມເຮັດດ້ວຍທອງ, ໄມ້... ພິເສດເຂົາເຈົ້າໄດ້ໃຊ້ຜ້າງາມທີ່ສຸດເພື່ອກັ້ງລຳໂພງ ”.
”ໜ່ວຍຕັ້ງຢູ່ບ່ອນສູງສຸດໂດຍອາເມລິກາຜະລິດ, ໜ່ວຍທີສອງໂດຍເຢຍລະມັນຜະລິດ, ສ່ວນໜ່ວຍທີສາມແມ່ນປະກອບໂມງຕື່ມອີກ”
ເຖິງວ່າບໍ່ແມ່ນຜູ້ມັກຫຼິ້ນອຸປະກອນການສຽງເດີມກໍ່ຕາມ ແຕ່ທ່ານ Nguyen Van The, ນັກຂ່າວພາບຂອງໜັງສືພິມ Quan doi nhan dan ສຽງຂອງກອງທັບປະຊາຊົນຫວຽດນາມ ພັດຢາກຖ່າຍຮູບ Radio ເກົ່າແກ່. ສຳຫຼັບທ່ານແລ້ວ, ວິທະຍຸກະຈາຍສຽງຫວຽດນາມແມ່ນເພື່ອນຜູ້ສະໜິດສະໜົມ, ດັ່ງນັ້ນທ່ານຈຶ່ງນິຍົມຕໍ່ອຸປະກອນສະສົມຂອງອ້າຍ Long ຫຼາຍ.
”ຂ້າພະເຈົ້ານິຍົມຕໍ່ອຸປະກອນການສຽງຂອງອ້າຍ Long ຫຼາຍ. ຂ້າພະເຈົ້າເຕີບໃຫຍ່ກໍ່ຍ້ອນມີວິທະຍຸກະຈາຍສຽງຫວຽດນາມ. Radioແມ່ນຂົວເຊື່ອມຕໍ່ນ້ຳສຽງ, ດົນຕີ ກັບຜູ້ຟັງ. ອ້າຍ Long ແມ່ນຜູ້ຮູ້ສະສົມ ແລະ ຮູ້ແບ່ງປະເພດອຸປະກອນການສຽງ. ຂ້າພະເຈົ້ານິຍົມບັນດາ Radio ທີ່ເກົ່າແກ່ຂອງລາວຫຼາຍ. ເມື່ອມາຢ້ຽມຢາມເຮືອນຂອງລາວ ຂ້າພະເຈົ້າຮູ້ສຶກຄືພວມດຳລົງຊີວິດໃນສະໄໝກ່ອນແທ້ໆ”.
ຍິ່ງຟັງຍິ່ງນິຍົມ, ຍິ່ງນິຍົມຫຼິ້ນຍິ່ງເມົາມົວ. ສຳຫຼັບອ້າຍ Long ແລ້ວ, ນ້ຳສຽງເດີມໄດ້ຊືມເຂົ້າເລືອດເນື້ອປຽບເໝືອນການກິນດື່ມ ແລະ ນຸ່ງຖືໃນປະຈຳວັນ. ການນິຍົມຫຼິນອຸປະກອນການສຽງໄດ້ນຳມາເຊິ່ງຄວາມສະບາຍໃຈໃຫ້ແກ່ອ້າຍ ແລະ ສິ່ງສຳຄັນກວ່ານັ້ນແມ່ນມັນໄດ້ເຮັດໃຫ້ອ້າຍພ້ອມກັບໝູ່ເພື່ອນມີຄວາມເມົາມົວຮ່ວມກັນ