ປະຈຸບັນ, ວຽກງານປິ່ນປົວພະຍາດຕາບອດຍ້ອນພະຍາດຕ່າງໆທີ່ກ່ຽວຂ້ອງເຖິງ ແກ້ວຕາຫຼືຍ້ອນພະຍາດຕາສານຢູ່ຫວຽດນາມແມ່ນມີການຫັນປ່ຽນທີ່ຕັ້ງໜ້າຫຼາຍຢ່າງ. ແຕ່ອັດຕາຜູ້ຖືກຕາບອດໃນເກັ່ນອາຍຸ 50 ປີຂຶ້ນໄປ ແມ່ນຍັງສູງພໍສົມຄວນ, ກວມເອົາ 1,8% ຈຳນວນປະຊາກອນ. ຍ້ອນຄວາມມານະພະຍາຍາມຂອງຂະແໜງຈັກຂຸທະສາດນັ້ນ, ນັບແຕ່ປີ 2007-2015, ອັດຕາຜູ້ຖືກຕາບອດໄດ້ຫຼຸດລົງຫຼາຍພໍສົມຄວນຈາກ 370.000 ຄົນລົງເຫຼືອພຽງ 329.000 ຄົນເທົ່ານັ້ນ.
ວຽກງານປິ່ນປົວພະຍາດຕາບອດຍ້ອນພະຍາດຕ່າງໆມີການຫັນປ່ຽນທີ່ຕັ້ງໜ້າຫຼາຍຢ່າງ |
ຕາມບັນດານັກວິຊາການແພດແລ້ວ, ຈຳນວນຜູ້ຕິດພະຍາດແກ່ນຕາຂຸ້ນ ແມ່ນສູງກ່ວາໝູ່, ກວມເອົາ 74% ຍອດຈຳນວນຄົນເຈັບຕິດພະຍາດຕາຕ່າງໆ; ຖັດມາແມ່ນພະຍາດຕ່າງໆຢູ່ທາງຫຼັງຂອງໜ່ວຍຕາ, ອາກາດຫັນເປັນລາຍໃໝ່ພາຍຫຼັງການຜ່າຕັດແກ່ນຕາຂຸ້ນ, ກວມເອົາເກືອບ 5% ທີ່ຍັງເຫຼືອແມ່ນພະຍາດຍ້ອນແປ້ວແກ້ວຕາ ແລະ ພະຍາດ glocom. ທ່ານໝໍ ຫງວຽນຊວນຫຽບ ຜູ້ອຳນວຍການໂຮງໝໍຕາສູນກາງໃຫ້ຮູ້ວ່າ : ໄລຍະທີ່ຜ່ານມາ, ຂະແໜງຈັກຂຸທະສາດໄດ້ມີບັນດາບາດກ້າວຫັນປ່ຽນຢ່າງຕັ້ງໜ້າ, ຈຸດໝາຍລວມຂອງຂະແໜງແມ່ນຫຼຸດອັດຕາຄົນຕາບອດຢູ່ໃນເກັ່ນອາຍຸແຕ່ 50 ປີຂຶ້ນໄປ ຈາກ 1,8%ໃນປີ 2016 ລົງເຫຼືອພຽງ 1,6% ໃນປີ 2020. ທ່ານໝໍ ຫງວຽນຊວນຫຽບ ເວົ້າວ່າ :
“ ພວກເຮົາຄວນປົວແປງການຊົມໃຊ້ການບໍລິການເບິ່ງແຍງປິ່ນປົວຕາຮອບດ້ານ, ປະສານເຂົ້າກັບລະບົບສາທາລະນະສຸກທັນສະໄໝໃນທົ່ວປະເທດ. ເພາະສະນັ້ນ, ຖ້າຫາກພວກເຮົາ, ພະນັກງານຂະແໜງຕາເຄື່ອນໄຫວສະເພາະໃນຂອບເຂດຂະແໜງຕົນ, ແນ່ນອນວ່າຈະນຳມາເຊິ່ງປະສິດທິຜົນຕ່ຳ. ທີ່ 2 ແມ່ນຄວນປັບປຸງ ແລະ ຮັກສາປະສິດທິຜົນການເຄື່ອນໄຫວຂອງຄະນະຊີ້ນຳການປ້ອງກັນ ແລະ ຕ້ານພະຍາດຕາບອດຢູ່ຂັ້ນສູນກາງ ແລະ ທ້ອງຖິ່ນຕ່າງໆ”
ປີ 2017, ໂຮງໝໍຕາສູນກາງ ແລະ ຂະແໜງຕາສືບຕໍ່ສົມທົບກັບກະຊວງສາທາລະນະສຸກຍື່ນສະເໜີລັດຖະບານອະນຸມັດຜ່ານຍຸດທະສາດແຫ່ງຊາດກ່ຽວກັບການປ້ອງກັນ ແລະ ຕ້ານພະຍາດຕາບອດ. ບໍ່ພຽງແຕ່ຮັບປະກັນວຽກງານວິຊາສະເພາະທີ່ສຳຄັນຊຶ່ງແມ່ນໂຮງໝໍສູນກາງຂອງປະເທດຊາດເທົ່ານັ້ນ, ໂຮງໝໍຕາສູນກາງຍັງສວມບົດບາດກຳນົດທິດ, ຫນູນຊ່ວຍ ແລະ ຊຸກຍູ້ວຽກງານປ້ອງກັນ ແລະ ຕ້ານພະຍາດຕາບອດໃນລະບົບປິ່ນປົວຕາໃນທົ່ວປະເທດ. ເພີ່ມທະວີການຮ່ວມມືສາກົນ, ເພື່ອຍາດແຍ່ງການໜູນຊ່ວຍທາງດ້ານການເງິນ, ເຕັກນິກຂອງບັນດາອົງການສາກົນ, ບັນດາຜູ້ໃຈບຸນໃຈກຸສົນ, ບັນດາອົງການທີ່ບໍ່ຂຶ້ນກັບລັດຖະບານໃນການກວດ ແລະ ປິ່ນປົວບັນດາພະຍາດຕາຢ່າງເປັນທັນການ. ທ່ານ ຝ້າມກ໋ວກແອງ, ຫົວໜ້າຜູ້ຕາງໜ້າຫ້ອງການກອງທຶນ Fred Hollows ປະຈຳຫວຽດນາມໃຫ້ຮູ້ວ່າ ໃນປີ 2016, ບັນດາອົງການທີ່ບໍ່ຂຶ້ນກັບລັດຖະບານໄດ້ໜູນຊ່ວຍການບຳລຸງສ້າງໃຫ້ທ່ານໝໍຂະແໜງຕາ 113 ຄົນ; ມີປະລິນຍາຕີຂະແໜງຕາບາງຄົນທີ່ຮຽນຈົບຈາກບັນດາໂຮງຮຽນສາກົນໄດ້ມາເຮັດວຽກຢູ່ບັນດາໂຮງໝໍຕາຢູ່ຫວຽດນາມ ແລະ ກວ່າ 37 ແຂວງ, ນະຄອນໃນທົ່ວປະເທດແມ່ນໄດ້ຮັບການຊ່ວຍຍົກສູງການເພີີ່ມທະວີຄວາມສາມາດໃນວຽງການກວດ ແລະ ປິ່ນປົວຕາ. ພ້ອມກັນນັ້ນ, ໃນປີທີ່ຜ່ານມາ, ບັນດາອົງການທີ່ບໍ່ຂຶ້ນກັບລັດຖະບານກໍໄດ້ໜູນຊ່ວຍໃນການພັດທະນາ, ໂຄງການຍຸດທະສາດແຫ່ງຊາດກ່ຽວກັບການປ້ອງກັນ ແລະ ຕ້ານພະຍາດຕາຍອດໄລຍະ 2016-2020 ແລະ ວິໄສທັດເຖິງປີ 2030. ທ່ານ ຝ້າມກ໋ວກແອງ, ຫົວໜ້າຜູ້ຕາງໜ້າຫ້ອງການກອງທຶນ Fred Hollows ປະຈຳຫວຽດນາມ ກ່າວວ່າ :
“ ພວກຂ້າພະເຈົ້າມີຄວາມຫວັງຢາກໄດ້ຮັບການສະໜັບສະຫນູນຈາກບັນດາອົງການທີ່ມີໜ້າທີ່ຮັບຜິດຊອບ, ແນໃສ່ສືບຕໍ່ຍາດໄດ້ຜົນງານໃນວຽກງານປິ່ນປົວຕາ ແລະ ຕ້ານພະຍາດຕາບອດ ກໍຄືທະວີຄູນບັນດາຮູບແບບປະສົບຜົນສຳເລັດໃນທົ່ວປະເທດ, ປະກອບສ່ວນເຂົ້າໃນຜົນສຳເລັດຂອງໂຄງການຈັກຂຸທະສາດເຖິງປີ 2020 ຊຶ່ງຫວຽດນາມໄດ້ໝັ້ນໝາຍ”
ໄລຍະທີ່ຜ່ານມາ, ຂະແໜງສາທາລະນະສຸກຫວຽດນາມສືບຕໍ່ເພີ່ມທະວີການຄວບຄຸມບັນດາສາຍເຫດແຖວໜ້າທີ່ພາໄປເຖິງຕາບອດ; ຖືເປັນສຳຄັນການຄວບຄຸມພະຍາດແກ່ນຕາຂຸ້ນທີ່ພາໃຫ້ຕາບອດ, ຕັ້ງໜ້າລະດົມທຸກແຫຼ່ງກຳລັງ ແລະ ສູ້ຊົນບັນລຸຄາດໝາຍຜ່າຕັດໃຫ້ຜູ້ຖືກແກ່ນຕາຂຸ້ນ 2500 ຄົນ/ 1 ລ້ານຄົນໃຫ້ຊຸມປີທີ່ຈະມາເຖິງ ພ້ອມກັບເລື່ອງຕັ້ງໜ້າຊອກຫາແຫຼ່ງເງິນໃຊ້ຈ່າຍ, ບຳລຸງສ້າງແພດໝໍຜ່າຕັດຕາໃຫ້ມີລະດັບວິຊາສະເພາະສູງ ເພື່ອສາມາດລົບລ້າງພະຍາດຕາສານໃນປີ 2017. ພ້ອມກັນນັ້ນ, ຫວຽດນາມຍັງຈະເພີ່ມທະວີການບຳລຸງສ້າງພະນັກງານແພດໝໍຂະແໜງຕາ, ຕັ້ງໜ້າມອບໂອນວິທະຍາສາດ ເຕັກນິກໃຫ້ແກ່ໂຮງໝໍຂັ້ນລຸ່ມ; ຖືເປັນສຳຄັນ ແລະ ສະຫງວນຄ່າໃຊ້ຈ່າຍເພື່ອປະຕິບັດວຽກງານໂຄສະນາກ່ຽວກັບພະຍາດຕາ; ຍົກສູງລະດັບຄວາມຮູ້ໃນການຮັກສາຕາໃນວົງຄະນະຍາດຊຸມຊົນ.