(vovworld)- ງານວາງສະແດງສາກົນກ່ຽວກັບຂະແຫນງການຢາ ແລະ ອຸປະກອນການແພດ ຈະດຳເນີນໄປແຕ່ວັນທີ 10-12/7 ຢູ່ ມຽນມາ. ນີ້ແມ່ນໂອກາດເພື່ອໃຫ້ ມຽນມາ ແນະນຳ ກ່ຽວກັບຂະແຫນງການແພດການຢາຂອງຕົນ, ພ້ອມທັງ ດຶງດູດບັນດານັກລົງທຶນຕ່າງປະເທດ ມາລົງທຶນຢູ່ປະເທດນີ້. ຢູ່ນອກກອງປະຊຸມສຳມະນາ ແນະນຳກ່ຽວກັບເຫດການນີ້ ຊ່ືງຫາກໍ່ໄດ້ຈັດຕັ້ງຂຶ້ນຢູ່ ຮ່າໂນ້ຍ, ນັກຂ່າວວິທະຍຸກະຈາຍສຽງຫວຽດນາມ ໄດ້ສຳພາດ ດຣ Than Than Sein, ປະທານສະຫະສະມາຄົມການແພດການຢາ ມຽນມາ ກ່ຽວກັບບັນດາຄວາມສາມາດບົ່ມຊ້ອນແຫ່ງການລົງທຶນເຂົ້າຕະຫລາດການຢາ ແລະ ອຸປະກອນການແພດ ຂອງມຽນມາ.
ພາບປະກອບ:internet
|
ນັກຂ່າວ! ຂໍຮຽນທ່ານນາງ, ຂໍໃຫ້ທ່ານແນະນຳບາງຈຸດກ່ຽວກັບຂະແຫນງການຢາການແພດຂອງມຽນມາ
“ປະຈຸບັນ ມີໂຮງງານຜະລິດການຢາ 3 ແຫ່ງຂຶ້ນກັບກຳມະສິດຂອງລັດ. ສຳລັບຢາຫລວງ, ກ່ອນນີ້ ຊາວມຽນມາ ເຄີຍນຳໃຊ້ຢາຜະລິດພາຍໃນປະເທດ ຍ້ອນຄຸນນະພາບດີ. ແຕ່ມາຮອດປະຈຸບັນ, ບັນດາການຫນູນຊ່ວຍຊອງລັດຖະບານ ກ່ຽວກັບແຫລ່ງວັດຖຸດິບເພື່ອຜະລິດຢາບໍ່ຕອບສະຫນອງຄວາມຕ້ອງການໄດ້. ສະນັ້ນ,ພວກຂ້າພະເຈົ້າ ຮຽກຮ້ອງການເຂົ້າຮ່ວມຂອງບັນດາວິສາຫະກິດພາກເອກຊົນເຂົ້າຮ່ວມໃນຂົງເຂດນີ້.”
ຂໍຮຽນທ່ານນາງ, ຂໍໃຫ້ທ່ານນາງໃຫ້ຮູ້ບັນດາການຫນູນຊ່ວຍຂອງລັດຖະບານ ມຽນມາ ສຳລັບຂະແຫນງການຢາ ແລະ ອຸປະກອນການແພດ?
“ລັດຖະບານ ມຽນມາ ພະຍາມຍາມຄຸ້ມຄອງຄຸນນະພາບ. ສິ່ງດັ່ງກ່າວໄດ້ຮັບການປະຕິບັດເປັນຢ່າງດີ. ເຖິງຢ່າງໃດກໍຕາມ, ປະຈຸບັນ ບັນດາການເຄື່ອນໄຫວຂອງບັນດາໂຮງງານຜະລິດຢາ ແລະ ອຸປະກອນການແພດ ບໍ່ທັນດີປານໃດ. ໃນຂະນະນັ້ນ, ຄວາມຕ້ອງການກ່ຽວກັບການຢາ ແລະ ອຸປະກອນການແພດຂອງ ມຽນມາ ແມ່ນເພີ່ມຂຶ້ນ. ສະນັ້ນ, ມຽນມາ ຕ້ອງນຳເຂົ້າຢາຫລວງຈາກປະເທດຈຳນວນຫນຶ່ງຄື: ອິນເດຍ, ໄທ. ສະນັ້ນ ນີ້ແມ່ນກາລະໂອກາດເພື່ອໃຫ້ບັນດາວິສາຫະກິດຫວຽດນາມ ເປີດກວ້າງຕະຫລາດການຢາຢູ່ ມຽນມາ.”
ນັກຂ່າວ: ຂໍຮຽນທ່ານ, ຕາມທ່ານນາງແລ້ວ, ບັນດາວິສາຫະກິດຫວຽດນາມ ຈະໄດ້ຮັບຄວາມສະດວກຫຍັງແດ່ເມື່ອລົງທຶນຢູ່ ມຽນມາ?
“ປະຈຸບັນ, ມຽນມາ ພວມມານະພະຍາຍາມກະກຽມໃຫ້ແກ່ປີ 2015, ເມື່ອປະຊາຄົມ ອາຊຽນ ໄດ້ຮັບການສ້າງຕັ້ງຂຶ້ນ. ແລະ ຫວຽດນາມ ກໍຄື ມຽນມາ ແມ່ນສະມາຊິກຂອງປະຊາຄົມອາຊຽນ. ນີ້ແມ່ນສິ່ງທີ່ສະດວກສຳລັບຫວຽດນາມ. ນອກນັ້ນ ຕາມຂ້າພະເຈົ້າແລ້ວ, ບັນດາເຍື່ອງອາຫານຂອງຫວຽດນາມສ່ວນຫລາຍແມ່ນບຳລຸງສຸຂະພາບ. ຢາສະໝູນໄພຂອງຫວຽດນາມ ແມ່ນດີທີ່ສຸດສຳລັບສຸຂະພາບ. ສະນັ້ນ ຫວຽດນາມ ສາມາດສຸມໃສ່ພັດທະນາຕະຫລາດໂພຊະນາການ ແລະ ຜະລິດຕະພັນຈາກທຳມະຊາດ. ຜ່ານບັນດາຫລັກສູດ ແລະ ລະບົບການສຶກສາຂອງມຽນມາ, ຫວຽດນາມ ສາມາດໂຄສະນາໃຫ້ແກ່ປະຊາຊົນ ມຽນມາ ບັນດາຜົນປະໂຫຍດຂອງບັນດາຜະລິດຕະພັນນີ້. ຂ້າພະເຈົ້າເຊື່ອໝັ້ນວ່າ, ບັນດາວິສາຫະກິດຫວຽດນາມ ຈະສຳເລັດຜົນເມື່ອລົງທຶນເຂົ້າຕະຫລາດການຢາ ແລະ ອຸປະກອນການແພດ ຂອງມຽນມາ.”
ຂໍຂອບໃຈທ່ານນາງ.