(vovworld) -ໃນຂອບເຂດປີພົວພັນແລກປ່ຽນວັດທະນະທຳອາຊຽນ-ຈີນ 2014, ຕອນບ່າຍວັນທີ 8/4 ຢູ່ ນະຄອນຫລວງ ປັກກີ່ງ ປະເທດຈີນ ໄດ້ດຳເນີນລາຍການສະແດງ ເດີນແບບແລະ ວາງສະແດງອາພອນສະໄຫມ ອາຊຽນ - ຈີນ. ມີຊຸດອາພອນນັບຮ້ອຍຊຸດ ທີ່ເຂັ້ມ ຂົ້ນໄປດ້ວຍສີສັນຂອງ 10 ປະເທດ ອາຊຽນ ແລະ ຈີນ ໄດ້ຮັບການສະແດງ ເດີນແບບແລະ ວາງສະແດງໃນບໍລິເວນຂອງຫໍພິພິດທະພັນແມ່ຍິງ ເດັກນ້ອຍ ຈີນ ຢູ່ ປັກກີ່ງ. ນັກອອກແບບ ລານເຮືອງ, ຕາງຫນ້າໃຫ້ຫວຽດນາມ ເຂົ້າຮ່ວມງານວາງສະແດງຄັ້ງນີ້ ໃຫ້ຮູ້ວ່າ:
“ເມື່ອໄດ້ຮັບຄຳເຊີນເຂົ້າຮ່ວມງານວາງສະແດງຊຸດອາພອນພື້ນເມືອງພ້ອມກັບ 10 ປະເທດ ອາຊຽນ ແລະ ຈີນ, ຂ້າພະເຈົ້າໄດ້ກະກຽມຢ່າງລອບຄອບຖິ່ຖ້ວນ. ຂ້າພະເຈົ້າໄດ້ນຳເອົາບັນດາຊຸດເຊື້ອຍາວພື້ນເມືອງຂອງຫວຽດນາມ ຊື່ງໄດ້ຮັບການຜະລິດຈາກແພໄຫມຂອງໝູ່ບ້ານ ຫວ້ານຟຸກ, ຮ່າດົງ ແລະ ບັນດາຜະລິດຕະພັນປັ ກແສ່ວ ດ້ວຍມືຂອງບັນດານັກສິລະປະການໃນໝູ່ບ້ານ ຄວັດດົ້ງ, ເທືອງຕີນ ເພື່ອແນະນຳກັບໝູ່ເພື່ອນໃນພາກພື້ນກໍຄືໃນໂລກ”.