(vovworld)- ໂດຍຕັ້ງຢູ່ພາກເຫນືອຂອງລາວ, ຫລວງພະບາງແມ່ນສະຖານທີ່ທ່ອງທ່ຽວທີ່ຂາດບໍ່ໄດ້ໃນລາຍການທ່ອງທ່ຽວຂອງນັກທ່ອງທ່ຽວທຸກຄົນເມື່ອມາຢ້ຽມຢາມປະເທດລາວ. ບໍ່ພຽງແຕ່ດຶງດູດນັກທ່ອງທ່ຽວ ຍອ້ນອາກາດປອດໂປ່ງ ດ້ວຍທັດສະນີຍະພາບລືຊື່ຫລາຍແຫ່ງເທົ່ານັ້ນ ຫາກ ຄວາມງາມເກົ່າແກ່ຂອງບັນດາກິດຈະກຳສະຖາປັດຕະຍະກຳ ແມ່ນສິ່ງທີ່ດຶງດູດນັກທ່ອງທ່ຽວມາຢ້ຽມຢາມນະຄອນຫລວງພະບາງ ນັບມື້ນັບຫລາຍ. ພາຍຫລັງ ເກືອບ 20 ປີໄດ້ຮັບການຮັບຮອງຈາກ UNESCO ວ່າແມ່ນມໍລະດົກຂອງໂລກ, ອຳນາດການປົກຄອງ ແລະ ປະຊາຊົນນະຄອນຫລວງພະບາງ ໄດ້ ແລະ ພວມປະຕິບັດວຽກງານອະນຸລັກຮັກສາ ແລະ ປະຕິສັງຂອນເປັນຢ່າງດີເພື່ອໃຫ້ບັນດາກິດຈະກຳສະຖາປັດຕະຍະກຳຂອງນະຄອນບໍ່ຖືກສູນຫາຍຕໍ່ຫນ້າການປ່ຽນແປງຂອງຊີວິດທັນສະໄຫມປະຈຸບັນ.
(1).jpg)
ພາບ:vov
|
ເຮືອນຂອງຄອບຄົວ ແມ່ຕູ້ ມານີໄລ ສະຫວ່າງ ຢູ່ ຫລວງພະບາງ ໄດ້ຮັບການກໍ່ສ້າງກ່ອນນີ້ກວ່າ 1 ສັດຕະວັດ. ເຮືອນຫລັງນີ້ມີຊັ້ນດຽວ ຫລັງຄາເຮືອນມຸ້ງດ້ວຍດິນຂໍ, ຝາເຮືອນຖືກກໍ່ສ້າງດ້ວຍດິນຈີ່ ແລະ ປະຕູ, ປ່ອງຢ້ຽມເຮັດດ້ວຍໄມ້. ແມ່ຕູ້ ມານີໄລ ໃຫ້ຮູ້ວ່າ: ປີນີ້ ແມ່ຕູ້ ອາຍຸ 75 ປີແລ້ວ ແລະ ນີ້ເປັນຄັ້ງທຳອິດຄອບຄົວຂອງແມ່ ບູລະນະປະຕິສັງຂອນ ເຮືອນຫລັງນີ້ຄືນໃຫມ່. ໂດຍແມ່ນຫນຶ່ງໃນບັນດາຫລັງເຮືອນບູຮານນອນໃນເຂດມໍລະດົກຂອງໂລກ, ຄອບຄົວແມ່ຕູ້ ມານີໄລ ໄດ້ຂໍອະນຸຍາດຈາກຄະນະຄຸ້ມຄອງປູຊະນີຍະສະຖານເມືອງຫລວງ ເພື່ອບູລະນະປະຕິສັງຂອນ. ນອກຈາກການຫນູນຊ່ວຍວັດຖຸອຸປະກອນທີ່ໄດ້ຮັບການຜະລິດຕາມຮູບແບບທີ່ໄດ້ນຳໃຊ້ເມື່ອກໍ່ສ້າງເຮືອນຫລັງນີ້ແລ້ວ, ແຕ່ລະວັນ ລ້ວນແຕ່ມີພະນັກງານຂອງຄະນະຄຸ້ມຄອງປູຊະນີຍະສະຖານລົງຕິດຕາມກວດກາບັນດາມາດຖານດ້ານເຕັກນິກ ຕາມຂໍ້ກຳນົດລວມຂອງນະຄອນ ແລະ UNESCO. ແມ່ຕູ້ ມານີໄລ ສະຫວ່າງ ແບ່ງປັນວ່າ:
ສຽງແມ່ຕູ້ ມານີໄລ
.jpg)
ພາບ:vov
|
ໂດຍສະຫນິດຕິດພັນກັບວຽກງານອະນຸລັກຮັກສາບັນດາກິດຈະກຳມໍລະດົກສາທາລະນະ ແຕ່ປີ 1995, ທ່ານ ຫນໍ່ແສງ ສາຍວົງເດືອນ, ຮອງຫົວຫນ້າພະແນກຖະແຫລງຂ່າວ ວັດທະນະທຳ ແລະ ທ່ອງທ່ຽວ ຫລວງພະບາງ ໃຫ້ຮູ້ວ່າ: ກິດຈະກຳທຸກແຫ່ງຢູ່ ຫລວງພະບາງ ເມື່ອໄດ້ຮັບການບູລະນະປະຕິສັງຂອນ ລ້ວນແຕ່ມີການເຂົ້າຮ່ວມ, ຕິດຕາມກວດກາຂອງບັນດາຫົວຫນ່ວຍກ່ຽວຂ້ອງ. ກໍເຊັນດຽວກັນກັບການບູລະນະປະຕິສັງຂອນເຮືອນບູຮານ, ການບູລະນະປະຕິສັງຂອນບັນດາກິດຈະກຳສາທາລະນະຄື: ວັດວາອາຮາມ, ພະລາຊະວັງ, ສຸສານ ໃນກຸ່ມມໍລະດົກຫລວງພະບາງ ຕ້ອງເຄົາລົບບັນດາຂໍ້ກຳນົດຢ່າງເຄັ່ງຄັດ.
ສຽງ ທ່ານຫນໍ່ແສງ
ດ້ວຍກິດຈະກຳສະຖາປັດຕະຍະກຳລາຊະວົງ ກວ່າ 30 ແຫ່ງ ສ່ວນຫລາຍແມ່ນໄດ້ຮັບການກໍ່ສ້າງແຕ່ສັດຕະວັດທີ 14, ມີວັດບູຮານປະມານ 40 ຫລັງ ໄດ້ຮັບການກໍ່ສ້າງໃນບັນດາສະໄຫມລາຊະວົງແຕກຕ່າງກັນ ພ້ອມກັບເຮືອນຫລາຍຫລັງເຮັດດ້ວຍໄມ້ທີ່ເປັນມູນເມື້ອຂອງລາວ ປະສົມກັບສະຖາປັດຕະຍະກຳຂອງເອີລົບ, ຫລວງພະບາງ ໄດ້ຮັບການຮັບຮອງຈາກ UNESCO ແມ່ນມໍລະດົກວັດທະນະທຳຂອງມວນມະນຸດໃນປີ 1995. ດ້ວຍການຫນູນຊ່ວຍຈາກ UNESCO ແລະ ປະເທດຈຳນວນຫນຶ່ງ, ແຂວງ ຫລວງພະບາງ ໄດ້ປະກາດປື້ມແນະນຳບັນດາວຽກຕ້ອງເຮັດ ເມື່ອບູລະນະປະຕິສັງຂອນເຮືອບູຮານຫລືບັນດາກິດຈະກຳອື່ນໆໃນເຂດມໍລະດົກ. ກິດຈະກຳທຸກໆແຫ່ງເມື່ອບູລະນະປະຕິສັງຂອນ ຕ້ອງໄດ້ຮັບການຮັບຮອງເອົາຈາກຄະນະຄຸ້ມຄອງມໍລະດົກ ແລະ ບັນດາເຈົ້າຂອງການລົງທຶນຫລືຄອບຄົວລ້ວນແຕ່ຕ້ອງເຄົາລົບຕາມການຊີ້ນຳໃນປື້ມ 2 ຫົວດັ່ງກ່າວ ຈາກການເລືອກນ້ຳສີຕະຫລອດຮອດລວດລາຍປະດັບ, ດິນຂໍ.. ທ່ານ ໄຊຊະໝອນ ຄົມທະວົງ, ຮອງປະທານຄະນະກຳມະການປະຊາຊົນແຂວງ ຫລວງພະບາງ ໄດ້ຢືນຢັນວ່າ: ເຖິງວ່າ ມີກິດຈະກຳເຮືອນຊານຫລາຍແຫ່ງ ໄດ້ຮັບການບູລະນະປະຕິສັງຂອນ, ສ້ອມແປງກໍຕາມ ແຕ່ຫລວງພະບາງ ຍັງຄົງຮັກສາສະຖາປັດຕະຍະກຳເກົ່າແກ່ໄວ້ໄດ້.
ສຽງທ່ານ ໄຊຊະໝອນ
ຍ້ອນປະຕິບັດບັນດາຂໍ້ກຳນົດໃນວຽກງານອະນຸລັກຮັກສາຢ່າງເຂັ້ມງວດກໍຄືການເຂົ້າຮ່ວມຢ່າງຕັ້ງຫນ້າຂອງອຳນາດການປົກຄອງ ແລະ ປະຊາຊົນທ້ອງຖິ່ນ ສະນັ້ນ ມີກິດຈະກຳສະຖາປັດຕະຍະກຳຫລາຍແຫ່ງ ຢູ່ ຫລວງພະບາງ ເຖິງວ່າໄດ້ຮັບການບູລະນະປະຕິສັງຂອນຄືນໃຫມ່ ແຕ່ຍັງຄົງຮັກສາຈຸດດັ້ງເດີມຄືໄລຍະຕົ້ນ. ສິ່ງດັ່ງກ່າວໄດ້ເຮັດໃຫ້ຫລວງພະບາງກາຍເປັນສະຖານທີ່ດຶງດູດນັກທ່ອງທ່ຽວພາຍໃນ ແລະຕ່າງປະເທດ ມາຢ້ຽມຢາມຫລວງພະບາງນັບມື້ນັບຫລາຍ.