ຄັດສະເໜີບາງຄຳເຫັນ ແລະ ຕອບຈົດໝາຍ, ອີແມວເຊິ່ງທ່ານຜູ້ຟັງ ໄດ້ຝາກມາລາຍການ
Minh Duc -
(vovworld) – ໃນອາທິດຜ່ານມາ, ພາກພາສາລາວ ວິທະຍຸກະຈາຍສຽງ ຫວຽດນາມ ໄດ້ຮັບຈົດໝາຍ, ອີແມວ, ໂທລະສັບຈາກທ່ານຜູ້ຟັງລາວ ຫຼາຍທ່ານ. ໃນລາຍການໂອ້ລົມກັບເພື່ອນລາວພາກນີ້, ພວກຂ້າພະເຈົ້າຂໍຄັດສະເໜີບາງຄຳເຫັນ ແລະ ຕອບຈົດໝາຍ, ອີແມວເຊິ່ງທ່ານຜູ້ຟັງໄດ້ຝາກມາລາຍການ.
ເພື່ອນ ປົວລີ ແສງຄຳ, ແຂວງ ຫົວພັນ, ໄດ້ສົ່ງອີແມວມາຍັງລາຍການໂດຍໃຫ້ຮູ້ວ່າ: ຂ້າພະເຂົ້າມັກລາຍການວີດີໂອ ທີ່ແປເປັນພາສາລາວ ໃນແວບໄຊ, ຜ່ານວີດີໂອ ຂ້າພະເຈົ້າ ໄດ້ເຫັນປະຈັກຕາການດຳລົງຊີວິດຂອງຊາວຫວຽດນາມ. ຫວັງວ່າ, ໃນໄລຍະຈະມາເຖິງ, ຂ້າພະເຈົ້າຈະໄດ້ເບິ່ງວີດີໂອ ທີ່ແວບໄຊດ້ວຍພາສາລາວຫຼາຍກວ່າອີກ.
ເພື່ອນ ດາລາວັນ, ແຂວງ ຫົວພັນ ສົ່ງອີແມວມາຍັງລາຍການໂດຍແບ່ງປັນວ່າ: ຂ້າພະເຂົ້າມັກລາຍການເພງກ່ຽວກັບລະດູໃບໄມ້ຫຼົ່ນ ຮ່າໂນ້ຍ. ຂ້າພະເຈົ້າເຄີຍມາຫວຽດນາມ ໃນລະດູໃບໄມ້ຫຼົ່ນແລ້ວ ແລະ ເຫັນວ່າລະດູໃບໄມ້ຫຼົ່ນ ຢູ່ຮ່າໂນ້ຍແມ່ນງາມຫຼາຍ, ມີຄວາມສະຫງົບງຽບ, ປອດໂປ່ງ. ຫວັງວ່າ, ໃນບັນດາລາຍການເພງຕໍ່ໄປ, ຂ້າພະເຈົ້າ ແລະ ຜູ້ຟັງຈະໄດ້ຮັບຟັງບັນດາບົດເພງກ່ຽວກັບລະດູ ໃບໄມ້ຫຼົ່ນກວ່າອີກ.
ເຂດປູຊະນີເວທີບູຊາຟ້າ - ດິນ
(ພາບ: zing.vn)
ເພື່ອນບູນທະວີ ອິນທະວົງ, ຢູ່ນະຄອນຫຼວງວຽງຈັນ ສົ່ງອີແມວມາຍັງລາຍການໂດຍຖາມວ່າ: ຂ້າພະເຈົ້າໄດ້ຮູ້ວ່າ, ເມື່ອກໍ່ສ້າງສຳນັກສະພາແຫ່ງຊາດຫຼັງໃໝ່, ຫວຽດນາມ ໄດ້ພົບເຫັນເວທີບູຊາ. ຂ້າພະເຈົ້າຫວັງວ່າທາງວິທະຍຸຈະແນະນຳໂດຍຫຍໍ້ກ່ຽວກັບເຂດປູຊະນີຍະສະຖານແຫ່ງໃໝ່ນີ້?
ເພື່ອນບູນທະວີ ອິນທະວົງ ທີ່ຮັກແພງ, ເມື່ອຕົ້ນປີ 2014, ໃນຂະນະທີ່ຂຸດຄົ້ນບູຮານຄະດີຢູ່ຫ້ອງໃຕ້ດິນ ແລະ ທາງໃຕ້ດິນຈາກກະຊວງການຕ່າງປະເທດໄປຜ່ານທາງ ບັ໋ກເຊີນ ໄປຍັງສຳນັກສະພາແຫ່ງຊາດ. ສະຖາບັນຄົ້ນຄ້ວາບູຮານຄະດີ ໄດ້ພົບເຫັນເຂດປູຊະນີທີ່ມີຮູບແປກປະຫຼາດເຊິ່ງເຮັດດ້ວຍໄມ້ແລະ ຫີນ. ເຂດດັ່ງກ່າວມີມາແຕ່ສະໄໝລາຊະວົງ ລິ໋, ທາງທິດຕາເວັນອອກ, ຕາເວັນຕົກ ກ້ວາງ 19,5 ມ. ຢູ່ເຂດໃຈກາງມີ 2 ວົງມົນ: ວົງມົນທາງໃນມີເສັ້ນຜ່າສູນກາງ 9,34 ມ, ວົງມົນພາຍນອກ ແມ່ນ 14,5 ມ. ພາຍຫຼັງພິຈາລະນາກ່ຽວກັບທີ່ຕັ້ງ, ສະຖາປັດຕະຍາກຳ, ວັດຖຸພັນ, ນະໂຍບາຍສຳລັບບັນດາປູຊະນີຍະສະຖານທີ່ໄດ້ຮັບການຄົ້ນຄວ້າຢູ່ເຂດ ທັງລອງ - ຮ່າໂນ້ຍ ຄື: ເວທີບູຊາ ນາມຢາວ, ເວທີບູຊາ ສ້າຕັ໋ກ ຢູ່ຫວຽດນາມ ແລະ ບັນດາປະເທດອື່ນ, ໃນເບື້ອງຕົ້ນບັນດານັກວິທະຍາສາດໄດ້ເປັນເອກະພາບຕັ້ງຊື່ໃຫ້ເຂດນີ້ແມ່ນ ເຂດປູຊະນີເວທີບູຊາຟ້າ - ດິນ ຂອງເຈົ້າຊີວິດຕົ້ນສະໄໝລາດຊະວົງ ລິ໋. ສະຖາປັດຕະຍາກຳດັ່ງກ່າວມີຄຸນຄ່າສຳຄັນພິເສດໃນກຸ່ມບັນດາຮ່ອງຮອຍສະຖາປັດຕະຍະກຳສະໄໝລາດຊະວົງລີ໊ທີ່ໄດ້ຮັບການຄົ້ນພົບຢູ່ທັງລອງ. ເຂດດັ່ງກ່າວມີມາແຕ່ປີ 1010 – 1048 ແລະ ຫຼັງຈາກນັ້ນສືບຕໍ່ໄດ້ຮັບການນຳໃຊ້ຮອດກາງທົດສະວັດທີ 12.
ງານວາງສະແດງ "ການສຶກສາຫວຽດນາມ
ໄລຍະ 1802 – 1945 ຜ່ານເອກະສານທີ່ໄດ້ສະສົມ"
(ພາບ: dantri.com.vn)
ເພື່ອນແກ້ວຕາ, ນັກສຶກສາລາວ ພວມຮ່ຳຮຽນຢູ່ມະຫາວິທະຍາໄລວັດທະນະທຳຮ່າໂນ້ຍ ສົ່ງອີແມວມາຍັງລາຍການໂດຍຖາມວ່າ: ຂ້າພະເຈົ້າໄດ້ຟັງຂ່າວທາງວິທະຍຸໂທລະພາບວ່າ ຢູ່ຮ່າໂນ້ຍ ພວມຈັດຕັ້ງງານວາງສະແດງກ່ຽວກັບການສຶກສາຂອງຫວຽດນາມ ສະໄໝກ່ອນ. ຍ້ອນຂ້າງຄາກັບການຮ່ຳຮຽນ, ສະນັ້ນບໍ່ໄດ້ຕິດຕາມຂ່າວໃຫ້ໝົດ. ຂ້າພະເຈົ້າຢາກໃຫ້ທາງລາຍການ ແນະນຳທີ່ຢູ່ກໍ່ຄືເວລາຈັດຕັ້ງໄດ້ບໍ່ ເພື່ອໃຫ້ຂ້າພະເຈົ້າມາຢ້ຽມຊົມແລະ ຊ່ວຍໃຫ້ຂ້າພະເຈົ້າໃນການຮ່ຳຮຽນ.
ເພື່ອນແກ້ວຕາ ທີ່ຮັກແພງ, ວັນທີ 28/10, ຢູ່ຮ່າໂນ້ຍ ໄດ້ໄຂງານວາງສະແດງ "ການສຶກສາຫວຽດນາມໄລຍະ 1802 – 1945 ຜ່ານເອກະສານທີ່ໄດ້ສະສົມ" ຢູ່ ວັນມຽວ - ກ໋ວກຕືຢ໋າມ. ນີ້ແມ່ນການເຄື່ອນໄຫວໂດຍສູນສຳເນົາແຫ່ງຊາດ 1 ສົມທົບກັບສູນເຄື່ອນໄຫວວັດທະນະທຳ ວັນມຽວ - ກ໋ວກຕືຢ໋າມ ຈັດຕັ້ງ,ເພື່ອມຸ່ງໄປເຖິງສະເຫຼີມສະຫຼອງວັນມໍະດົກວັດທະນະທຳຫວຽດນາມ (23/11/2014). ງານວາງສະແດງໄດ້ແນະນຳເອກະສານ, ພາບຖ່າຍ, ຮູບແຕ້ມເຕັກນິກທີ່ໄດ້ຄັດເລືອກແຕ່ສະໄໝລາຊະວົງຫງວຽນ, ບັນດາເອກະສານດ້ວຍພາສາຝລັ່ງ ພວມໄດ້ຮັບການຮັກສາຢູ່ສູນສຳເນົາແຫ່ງຊາດ 1 ແລະ ບາງວັດຖຸພັນທີ່ໄດ້ຮັກສາເປັນສຳເນົາຢູ່ສູນເຄື່ອນໄຫວວັດທະນະທຳ ວັນມຽວ - ກ໋ວກຕືຢ໋າມ ຮ່າໂນ້ຍລວມ 120 ຢ່າງ. ງານວາງສະແດງໄດ້ຈັດແບ່ງເປັນ 2 ເນື້ອໃນຕາມຫົວຂໍ້, ດ້ວຍ Pano ອະທິບາຍ 22 ແຜ່ນທີ່ແນະນຳກ່ຽວກັບການສຶກສາ ແລະ ການເສັງ; ພື້ນຖານວັດທະນະທຳຝ່າຍຕາເວັນຕົກ ຢູ່ຫວຽດນາມ. ບັນດາເອກະສານ ແລະ ວັດຖຸພັນມີຄຸນຄ່າອັນໃຫຍ່ຫຼວງ, ນຳມາໃຫ້ຜູ້ຊົມບັນດາຂໍ້ມູນທີ່ແທດຈິງກ່ຽວກັບພື້ນຖານການສຶກສາຂອງຫວຽດນາມ ໄລຍະປະຫວັດສາດແຕ່ປີ 1802 – 1945. ຈາກນັ້ນ, ໄດ້ປະກອບສ່ວນເຮັດແຈ້ງຈຸດພິເສດສະເພາະຂອງການສຶກສາ, ການເສັງໃນສະໄໝລາດຊະວົງຫງວຽນ ແລະ ການສຶກສາຈາກຝ່າຍຕາເວັນຕົກ ໃນສະໄໝລ່າເມືອງຂຶ້ນຝລັ່ງ ທ້າຍສະຕະວັດທີ 19 ແລະ ຕົ້ນສະຕະວັດທີ 20.
ດັ່ງທີ່ກ່າວມາຂ້າງເທິງແມ່ນເນື້ອໃນຄຳເຫັນ ແລະ ຄຳຖາມຂອງຜູ້ຟັງບາງທ່ານທີ່ຝາກມາລາຍການໃນອາທິດຜ່ານມາ. ຖ້າມີຄວາມສົນໃຈເຖິງບັນຫາໃດໜຶ່ງ, ພວກເພື່ອນສາມາດຝາກຈົດໝາຍມາຍັງລາຍການໂດຍຈ່າໜ້າຊອງວ່າ: ພາກພາສາລາວ, ວິທະຍຸກະຈາຍສຽງຫວຽດນາມ, ເຮືອນເລກທີ 45 ຖະໜົນ ບ່າຈ້ຽວ, ຮ່າໂນ້ຍ. ຫຼືໂທລະສັບໂດຍກົງກໍ່ໄດ້ຕາມເບີໂທ 0084.43.8256631 ຫຼື ອີແມວlaovov@yahoo.com, laovov5@gmail.com.
Minh Duc