(vovworld) – ສິລະປະຄວັດແກະສະຫຼັກ, ປະດິດຮູບຂອງຊາວເຜົ່າເອເດ ມີລັກສະນະເປັນເອກະພາບ, ນັບແຕ່ຫົວຂໍ້ ຕະຫຼອດຮອດໂຄງຮ່າງ, ທາດວັດຖຸ, ລວດລາຍ ແລະ ສະແດງອອກຢ່າງຈະແຈ້ງ, ໃນກິດຈະກຳເຮືອນຢູ່, ສຸສານ, ເສົາ Klao. ບັນດາລວດລາຍໃນສະຖາປັດຕະຍະກຳຂອງຊາວເຜົ່າເອເດ ລ້ວນແຕ່ແມ່ນບັນດາຮູບພາບທີ່ຊິນເຄີຍໃນຊີວິດຄືຮູບດວງຕາເວັນ, ດອກໄມ້, ໃບໄມ້, ສັດປະເພດຕ່າງໆ.
ຊາວເຜົ່າເອເດ ຄວັດສະຫຼັກຮູບຈາກໄມ້
(ພາບ: ອິນເຕີແນດ)
ສິລະປະຄວັດແກະສະຫຼັກທີ່ເປັນເອກະລັກສະເພາະຂອງຊາວເອເດ ສະແດງໃຫ້ເຫັນຢ່າງຈະແຈ້ງໃນເຮືອນຍາວ. ບັນດາລວດລາຍຄວັດ ແກະສະຫຼັກຢູ່ລະບຽງປະຕູຕົ້ນຕໍ່, ຂັ້ນໄດ, ເສົາເຮືອນ, ຕັ່ງ...ແມ່ນສິ່ງທີ່ສ້າງຄວາມປະທັບໃຈໃຫ້ແກ່ເຮືອນຍາວ. ປະລິຍາເອກ ລືວຮຸ່ງ (Luu Hung), ຮອງຜູ້ອຳນວຍການຫໍພິພິດທະພັນຊົນເຜົ່າວິທະຍາ, ໃຫ້ຮູ້ວ່າ:
“ເມື່ອທຽບໃສ່ຊົນເຜົ່າອື່ນໆຢູ່ໄຕງວຽນ, ສິລະປະຄວັດ ແກະສະຫຼັກຂອງຊົນເຜົ່າເອເດ ແມ່ນພົ້ນເດັ່ນ ແລະ ພັດທະນາທີ່ສຸດຕາມມູນເຊື້ອແຫ່ງການປະດັບລວມຂອງຊາວເຜົ່າໄຕງວຽນນັ້ນແມ່ນບໍ່ວາດພາບລາຍລະອຽດ, ຫາກທຳມະດາສາມັນ, ນັ້ນແມ່ນສິລະປະທີ່ເປັນເອກະລັກສະເພາະ“.
ໃນບັນດາເສົາຕັ້ງ, ຂາງຂອງເຮືອນຍາວ, ບັນດານັກສິລະປະການຊາວເຜົ່າເອເດ ເຄີຍຄວັດແກະສະຫຼັກບັນດາລວດລາຍສ່ອງແສງໃຫ້ເຫັນໂລກທຳມະຊາດ, ມີຊີວິດຊີວາ, ກໍ່ຄືການພົວພັນລະຫວ່າງດິນຟ້າກັບສັດສາວາສິ່ງຄື: ຮູບໝໍ້ທອງ, ຄົກຕຳເຂົ້າ, ໂຕເຕົ່າ, ນົກ, ຮູບເດືອນແຮມ, ທ່ານ ລືວຮຸ່ງ, ໃຫ້ຮູ້ຕື່ມອີກວ່າ:
“ການປະດັບປະດາໃນເຮືອນຍາວຂອງຊົນເຜົ່າເອເດ ມີຄວາມດູດດື່ມທີ່ສຸດ, ເຊິ່ງເຕົ້າໂຮມຢູ່ບາງເສົາກໍ່ຄືຂາງເຮືອນ. ນອກຈາກຮູບນົມແມ່, ຮູບເດືອນແຮມ... ເຊິ່ງແມ່ນສັນຍາລັກຂອງລະບອບມານດາສິດທິລາດ, ຫຼືໝໍ້ທອງ, ທີ່ເປັນສັນຍາລັກຂອງຊັບສົມບັດ ແລະ ຄວາມຮັ່ງມີແລ້ວ, ຍັງມີຮູບໂຕແລນ, ປູ, ປາ...ອີກດ້ວຍ“
ຮູບຄວັດສະຫຼັກໃນເສົາເຮືອນຍາວ
(ພາບ: ອິນເຕີແນດ)
ບັນດາລວດລາຍທີ່ປະດັບໃນເຮືອນຍາວ ແມ່ນສ່ອງແສງກ່ຽວກັບລະບອບມານດາສິດທິລາດຢ່າງຈະແຈ້ງ. ຮູບພາບນົມແມ່ທີ່ຄວັດເທິງ 4 ເສົາຂອງຫ້ອງຕົ້ນຕໍ່ໃນເຮືອນ ສະແດງໃຫ້ເຫັນການຍືນຍົງຄົງຕົວ, ຂະຫຍາຍຜາຍຜັນ, ຄວາມຈະເລີນໝ້ນຄົງຂອງເຈົ້າເຮືອນ. ພິເສດ, ໃນບັນດາຂາງເຮືອນຂອງບັນດາຄອບຄົວຮັ່ງມີ, ຍັງມີຮູບຄວັດສັດຫຼາຍປະເພດຄື: ໂຕເຕົ່າ, ມັງກອນ, ໂຕແລນ, ປູ, ປາ... ລວດລາຍເຫຼົ່ານີ້ສະແດງໃຫ້ເຫັນຄວາມຮັ່ງມີ, ທີ່ຕັ້ງໃນສັງຄົມຂອງເຈົ້າຄອບຄົວ. ເອື້ອຍ ດ່າມທິເຮີບ, ພະນັກງານຫໍພິພິດທະພັນຊົນເຜົ່າວິທະຍາແນະນຳກ່ຽວກັບບັນດາລວດລາຍທີ່ປະດັບໃນເຮືອນຍາວວ່າ:
“ບັນດານັກສິລະປະການ ຄວັດ ແກະສະຫຼັກໂຕແລນໃນຂາງເຮືອນ ດ້ວຍຄວາມປາຖະໜາ ຈະນຳເອົາຄວາມໂຊກດີມາໃຫ້ຄອບຄົວ ແລະ ສະກັດກັ້ນ, ນຳເອົາຄວາມສ່ຽງອອກໄປ, ພິເສດແມ່ນຮູບມັງກອນມີຄີຮູບໂຕປາ, ໜວດ, ເຂົາໂປໂລຂຶ້ນ. ນີ້ແມ່ນລວດລາຍເທີ່ເປັນເອກະລັກສະເພາະຂອງຊາວເຜົ່າເອເດ, ທີ່ຕ່າງກັບຊົນເຜົ່າອື່ນໆ“.
ຄວັດສະຫຼັກຮູບຄົນ
(ພາບ: ອິນເຕີແນດ) ສິລະປະຄວັດ ເກາະສະຫຼັກຂອງຊາວເຜົ່າເອເດ ຍັງສະແດງອອກຜ່ານຮູບແກະໃນສຸສານ. ດ້ວຍສີມືທີ່ຄ່ອງແຄ້ວ ແລະ ຄວາມສຳນຶກຢ່າງອຸດົມສົມບຸນ, ຊາວເຜົ່າເອເດ ໄດ້ຄວັດ ແກະເປັນຮູບທີ່ມີຄຸນຄ່າ, ຕອບສະໜອງຫຼັກຄວາມງາມໃນຊີວິດຂອງເຂົາເຈົ້າ, ນັ້ນແມ່ນຮູບພາບຜູ້ຊາຍຕີກອງ, ຜູ້ຍິງຕຳເຂົ້າ, ພາຍກະພາ... ບັນດາຮູບຄວັດແກະສະຫຼັກແບບທຳມະດາສາມັນນັ້ນໄດ້ຊ້ອນແຝງຄວາມມຸ້ງມາດປາຖະໜາຂອງນັກສິລະປະການ. ຮູບແກະແຕ່ລະຮູບລ້ວນແຕ່ມີຄວາມໝາຍທີ່ແຕກຕ່າງກັນດ້ານຈິດວີນຍານ. ໃນທັດສະນະຂອງຊາວເຜ່ົາເອເດ, ແກະຮູບໃນສຸສານໃຫ້ຜູ້ທີ່ໄດ້ລ່ວງລັບໄປແລ້ວ ດ້ວຍຄວາມຫວັງຢາກໃຫ້ວີນຍານຂອງເຂົາເຈົ້າ sieu thoat. ສຸສານໃດກໍ່ມີຮູບແກະສະຫຼັກ 4 ຄົນ ຕັ້ງຢູ່ 4 ຂອກ. ນອກຈາກແກະສະຫຼັກຮູບດ້ວຍໄມ້ແລ້ວ, ຊາວເຜົ່າເອເດຍັງແກະສະຫຼັກດ້ວຍງາຊ້າງ, ເຂົາຄວາຍອີກ... ໂດຍອີງໃສ່ທີ່ຕັ້ງ, ອາຍຸ, ການປະກອບສ່ວນຂອງຜູ້ທີ່ໄດ້ລ່ວງລັບໄປ ເພື່ອແກະສະຫຼັກຮູບ ດ້ວຍຫຼາຍຂະໜາດທີ່ແຕກຕ່າງກັນ. ທ່ານ ລືວຮຸ່ງ ໃຫ້ຮູ້ວ່າ:
“ຕາມທັດສະນະທີ່ວ່າ, ຜູ້ຕາຍຢູ່ຊາດນີ້ຈະເລີ່ມມີຊີວິດຢູ່ຊາດອື່ນ, ດັ່ງນັ້ນເຂົາເຈົ້າຈຶ່ງຝາກເຄື່ອງຂອງຫຼາຍຢ່າງ ໃຫ້ຜູ້ຕາຍເອົາໄປນຳ. ບັນດາຮູບຄວັດແກະສະຫຼັກຢູ່ທີ່ນີ້ກໍ່ແມ່ນຮູບການປະດັບປະດາເພື່ອໃຫ້ສຸສານມີຄວາມສວຍງາມກວ່າ“.
ຮູບຄວັດສະຫຼັກຢູ່ເຂດສຸສານຂອງຊາວເຜົ່າເອເດ
(ພາບ: ອິນເຕີແນດ) ບັນດາຮູບຄວັດ ແກະສະຫຼັກຂອງຊາວເຜົ່າເອເດ, ເຖິງວ່າບໍ່ລະອຽດລະອໍ, ຫາກທຳມະດາລຽບງ່າຍ ແຕ່ສະແດງໃຫ້ເຫັນຄວາມຊື່ສັດ. ຜ່ານການເວລາ, ເຖິງວ່າຈະເຊື່ອມໂຍງເຂົ້າກັບພື້ນຖານວັດທະນະທຳຂອງຊາດຫວຽດນາມກໍ່ຕາມ, ແຕ່ຊາວເຜ່ົາເອເດຍັງຄົງຮັກສາວັດທະນະທຳທີ່ເປັນເອກະລັກສະເພາະຂອງຊົນເຜົ່າຕົນໄວ້ໄດ້.