(vovworld) - ແຂວງ ແຄງຮ່ວາ ແມ່ນສະຖານທີ່ລືຊື່ໃນດ້ານການທ່ອງທ່ຽວທະເລ ແລະ ໝູ່ເກາະ, ແຕ່ໃນຊຸມປີມໍ່ໆມານີ້ ນັກທ່ອງທ່ຽວນິຍົມລາຍການທ່ອງທ່ຽວປ່າຊາຍເລນຢູ່ແຄມທະເລ ຍາຈາງ. ຮູບແບບນຳປ່າຊາຍເລນ ເຂົ້າໃນລາຍການທ່ອງທ່ຽວຢູ່ ແຄງຮ່ວາ ບໍ່ພຽງແຕ່ເຮັດໃຫ້ນັກທ່ອງທ່ຽວມີໂອກາດເຊື່ອມຕົວເຂົ້າກັບທຳມະຊາດເທົ່ານັ້ນ ຫາກຍັງເປັນການສົ່ງເສີມປະຊາຊົນສືບຕໍ່ຟື້ນຟູ ເຂດປ່າຊາຍເລນ ອີກດ້ວຍ.
ປ່າຊາຍເລນ ຢູ່ ແຂວງ ແຄງຮ່ວາ
ພາບ:internet
|
ເຂດປ່າຊາຍເລນ ຢູ່ບ້ານ ເຕີນດ໋າວ ຕາແສງ ນີງອີກ ເມືອງ ນີງຮ່ວາ ແຂວງ ແຄງຮ່ວາ ຕັ້ງຢູ່ໃກ້ກັບເສັ້ນທາງຫລວງເລກ 1 A. ຢູ່ທີ່ນີ້ ມີ 20 ຄອບຄົວດຳລົງຊີວິດຢູ່ຮ່ວມກັນດ້ວຍອາຊີບລ້ຽງປູກສິນໃນນ້ຳ. ກ່ອນນີ້ ເຂດດິນແດນແຫ່ງນີ້ແມ່ນເຂດທີ່ມີເນື້ອທີ່ ປ່າຊາຍເລນໃນປາດົ່ງດີບຫລາຍນັບຮອ້ຍໆເຮັກຕາ. ແຕ່ມາຮອດປີ 1995, ເມື່ອຂະບວນການລ້ຽງກຸ້ງອຸດສາຫະກຳພັດທະນາ, ປະຊາຊົນຢູ່ແຫ່ງນີ້ທຳລາຍ ປ່າຊາຍເລນເພື່ອລ້ຽງກຸ້ງອັນໄດ້ເຮັດໃຫ້ສິ່ງແວດລ້ອມຢູ່ທີ່ນີ້ຖືກຊຸດໂຊມຢ່າງຮ້າຍແຮງ. ກ່ອນນີ້ 4 ປີ, ຕາແສງ ນີງອີກໄດ້ຮັບການອຸປະຖຳຈາກອົງການ ໂຕກຽວ Marine & Nichido Fire Insurace ຂອງຍີ່ປຸ່ນ ສົມທົບກັບມະຫາວິທະຍາໄລສ້າງຄູ ຮ່າໂນ້ຍ ເພື່ອປູກຕົ້ນໄມ້ເປັນປ່າໃນເນື້ອທີ່ 5 ເຮັກຕາ. ຕາແສງນີງອີກ ຍັງຂົນຂວາຍປະຊາຊົນປູກປ່າຊາຍເລນດ້ວຍຕົນເອງໄດ້ 10 ເຮັກຕາຕື່ມອີກ, ປະກອບສ່ວນຂະຫຍາຍເນື້ອທ່ີ ປ່າຊາຍເລນ ຂຶ້ນເຖິງ 40 ເຮັກຕາ. ສິ່ງທີ່ເປັນຫນ້າຊື່ນຊົມນັ້ນແມ່ນ ໃນ 3 ປີມານີ້ ປ່າຊາຍເລນ ກາຍເປັນສະຖານທີ່ອາໄສຂອງນົກຍາງນັບ 10 ຝູງ, ນີ້ແມ່ນສັນຍານສະແດງໃຫ້ເຫັນລະບົບຊີວະພາບຢູ່ທີ່ນີ້ໄດ້ຮັບການຟື້ນຟູແລ້ວ. ປ່າຊາຍເລນໄດ້ຮັບການຟື້ນຟູ, ລະບົບນິເວດກັບຄືນສູ່ຄວາມເປັນປົກກະຕິ ເປັນການເປີດຊ່ອງທາງໃຫ້ແກ່ການທຳມາຫາກິນໃຫມ່, ເປັນຕົ້ນແມ່ນລະດົມວົງຄະນາຍາດພັດທະນາການທ່ອງທ່ຽວຊີວະພາບ. ກ່ອນນີ້ 2 ປີ ທ່ານ ຫງວຽນວັນຮືງ , ຢູ່ຕາແສງ ຫວີ້ງທາຍ ນະຄອນ ຍາຈາງ ແມ່ນຜູ້ທຳອິດມີແນວຄວາມຄິດກໍ່ສ້າງສະຖານທີ່ທ່ອງທ່ຽວຢູ່ປ່າຊາຍເລນ. ທ່ານ ຮືງ ໃຫ້ຮູ້ວ່າ:
“ຂ້າພະເຈົ້າຄິດວ່າ, ການກໍ່ສ້າງສະຖານທີ່ທ່ອງທ່ຽວຢູ່ເຂດປ່າຊາຍເລນ ແມ່ນວຽກງານທີ່ສາມາດຮັກສາປ່າຊາຍເລນໄດ້. ທີສອງ ແມ່ນ ພັດທະນາການທ່ອງທ່ຽວ ກໍເປັນການປະກອບສ່ວນເຮັດໃຫ້ສິ່ງແວດລ້ອມມີຄວາມອຸດົມສົມບູນກວ່າເກົ່າ.”
ປະຈຸບັນ ປ່າຊາຍເລນ ຢູ່ ບ້ານເຕີນດ໋າວໄດ້ກາຍເປັນສ່ວນຫນຶ່ງທີ່ສຳຄັນຕິດພັນກັບເສດຖະກິດຂອງຊາວທ້ອງຖິ່ນ. ປ່າຊາຍເລນ ຍັງແມ່ນກຳແພງຂຽວເພື່ອປ້ອງກັນຜົນກະທົບຈາກລົມພະຍຸ, ຕ້ານການທຳລາຍຢູ່ແຄມທະເລ. ສິ່ງທີ່ມີຄວາມໝາຍທີ່ສຸດເມື່ອນັກທ່ອງທ່ຽວມາຢ້ຽມຢາມແຫ່ງນີ້ນັ້ນແມ່ນ ເຂົາເຈົ້າໄດ້ຮັບຮູ້ບົດຮຽນຈາກພຶດຕິກຳຕົວຈິງ ເຫັນໄດ້ເຖິງຄວາມຈຳເປັນຕ້ອງຮັກສາປ່າຊາຍເລນ. ແຕ່ເຖິງຢ່າງໃດກໍຕາມ, ໃນທ້ອງຖິ່ນທີ່ພັດທະນາການທ່ອງທ່ຽວຢ່າງແຂງແຮງຄືແຂວງ ແຄງຮ່ວາ ກໍຍັງບໍ່ທັນມີສະຖານທີ່ທ່ອງທ່ຽວຢູ່ປ່າຊາຍເລນຫລາຍພໍເທົ່າໃດ. ທ່ານ ມາຍວັນທັງ, ຮອງຫົວຫນ້າພະແນກຊັບພະຍາກອນ ແລະ ສິ່ງແວດລ້ອມແຂວງ ແຄງຮວ່າ ໃຫ້ຮູ້ວ່າ:
“ເລື່ອງນຳໃຊ້ປ່າຊາຍເລນໃຫ້ແກ່ຂົງເຂດທ່ອງທ່ຽວຍັງຈຳກັດຢູ່ ເພາະວ່າປະຊາຊົນ ບໍ່ທັນເຫັນໄດ້ບົດບາດສຳຄັນຂອງປ່າຊາຍເລນ ພຽງແຕ່ເຫັນໄດ້ເຖິງທິວທັດທຳມະຊາດຂອງທະເລ ແລະ ໝູ່ເກາະແມ່ນສວຍງາມເທົ່ານັ້ນ.”
ນັກທ່ອງທ່ຽວຢ້ຽມຊົມປ່າຊາຍເລນ
ພາບ: internet
|
ນັບແຕ່ປີ 1995 ມາຮອດປະຈຸບັນ, ເນື້ອທີ່ປ່າຊາຍເລນ ຢູ່ ຫວຽດນາມ ຖືກຫລຸດລົງ 184.000 ເຮັກຕາ. ສະເພາະ ຢູ່ ແຂວງແຄງຮ່ວາ ຈາກເນື້ອທີ່ປ່າຊາຍເລນ 3000 ເຮັກຕາໃນຊຸມປີ 1980 ປະຈຸບັນຍັງເຫລືອພຽງ 100 ເຮັກຕາເທົ່ານັ້ນ. ໃນສະພາບຄືແນວນັ້ນ, ເລື່ອງລະດົມວົງຄະນາຍາດຟື້ນຟູປ່ຊາຍເລນຄືນໃຫມ່ເພື່ອພັດທະນາການທ່ອງທ່ຽວຊີວະພາບ ແລະ ລາຍຮັບຈາກການທ່ອງທ່ຽວນັ້ນກໍນຳເອົາມາລົງທຶນໃຫ້ແກ່ປ່າຊາຍເລນນັ້ນໄດ້ ແລະ ພວມໄດ້ຮັບການຢືນຢັນວ່າແມ່ນທິດທາງທີ່ຖືກຕ້ອງ. ທ່ານ ມາຍວັນທັງ, ຮອງຫົວຫນ້າພະແນກຊັບພະຍາກອນ ແລະ ສິ່ງແວດລ້ອມແຂວງ ແຄງຮ່ວາ ໃຫ້ຮູ້ວ່າ:
“ພວກຂ້າພະເຈົ້າປາດຖະຫນາວ່າ ໃນອະນາຄົດ, ບັນດານັກລົງທຶນໃນຂົງເຂດທ່ອງທ່ຽວເຫັນໄດ້ເຖິງຄວາມໝາຍຂອງເຂດປ່າຊາຍເລນ ເພື່ອລົງທຶນດຳເນີນທຸລະກິດການທ່ອງທ່ຽວເຂົ້າເຂດດິນແດນນີ້.”
ບໍ່ແມ່ນວ່າເຂດດິນນ້ຳຖ້ວມແຫ່ງໃດ, ເຂດປ່າຊາຍເລນແຫ່ງໃດກໍນຳຈະສາມາດເຂົ້າຂຸດຄົ້ນເພື່ອຮັບໃຊ້ໃຫ້ແກ່ການທ່ອງທ່ຽວໄດ້. ເລື່ອງເຮັດບໍລິການທ່ອງທ່ຽວຢູ່ເຂດດິນນ້ຳຖ້ວມ ໄດ້ສ້າງທິດກ້າວເດີນທີ່ມີລັກສະນະເປັນໄປໄດ້ໃຫ້ແກ່ຂະແຫນງທ່ອງທ່ຽວ ຫວຽດນາມ ຊຶ່ງແມ່ນປະເທດມີເນື້ອທີ່ດິນນ້ຳຖ້ວມກວ່າ 10 ລ້ານເຮັກຕາ. ດ້ວຍຄວາມຮຽກຮ້ອງຕ້ອງການໃຫມ່ໃນການພັດທະນາການທ່ອງທ່ຽວປະຈຸບັນ, ແນ່ນອນວ່າ ປ່າຊາຍເລນ ຄວນໄດ້ຮັບຖືວ່າແມ່ນຊັບພະຍາກອນທ່ອງທ່ຽວ ເພາະວ່າ ມັນບໍ່ພຽງແຕ່ສ້າງສະຖານທີ່ທ່ອງທ່ຽວທີ່ດູດດື່ມແຫ່ງໃຫມ່ເທົ່ານັ້ນ ຫາກຍັງສາມາດສົ່ງສານເຖິງວົງຄະນາຍາດຈົ່ງພ້ອມກັນປົກປັກຮັກສາປ່າຊາຍເລນຕໍ່ຫນ້າການປ່ຽນແປງຂອງດິນຟ້າອາກາດທີ່ນັບມື້ນັບຮ້າຍແຮງ.
ນັກຂ່າວ To Tuan
(vovworld) - ແຂວງ ແຄງຮ່ວາ ແມ່ນສະຖານທີ່ລືຊື່ໃນດ້ານການທ່ອງທ່ຽວທະເລ ແລະ ໝູ່ເກາະ, ແຕ່ໃນຊຸມປີມໍ່ໆມານີ້ ນັກທ່ອງທ່ຽວນິຍົມລາຍການທ່ອງທ່ຽວປ່າຊາຍເລນຢູ່ແຄມທະເລ ຍາຈາງ. ຮູບແບບນຳປ່າຊາຍເລນ ເຂົ້າໃນລາຍການທ່ອງທ່ຽວຢູ່ ແຄງຮ່ວາ ບໍ່ພຽງແຕ່ເຮັດໃຫ້ນັກທ່ອງທ່ຽວມີໂອກາດເຊື່ອມຕົວເຂົ້າກັບທຳມະຊາດເທົ່ານັ້ນ ຫາກຍັງເປັນການສົ່ງເສີມປະຊາຊົນສືບຕໍ່ຟື້ນຟູ ເຂດປ່າຊາຍເລນ ອີກດ້ວຍ.
ເຂດປ່າຊາຍເລນ ຢູ່ບ້ານ ເຕີນດ໋າວ ຕາແສງ ນີງອີກ ເມືອງ ນີງຮ່ວາ ແຂວງ ແຄງຮ່ວາ ຕັ້ງຢູ່ໃກ້ກັບເສັ້ນທາງຫລວງເລກ 1 A. ຢູ່ທີ່ນີ້ ມີ 20 ຄອບຄົວດຳລົງຊີວິດຢູ່ຮ່ວມກັນດ້ວຍອາຊີບລ້ຽງປູກສິນໃນນ້ຳ. ກ່ອນນີ້ ເຂດດິນແດນແຫ່ງນີ້ແມ່ນເຂດທີ່ມີເນື້ອທີ່ ປ່າຊາຍເລນໃນປາດົ່ງດີບຫລາຍນັບຮອ້ຍໆເຮັກຕາ. ແຕ່ມາຮອດປີ 1995, ເມື່ອຂະບວນການລ້ຽງກຸ້ງອຸດສາຫະກຳພັດທະນາ, ປະຊາຊົນຢູ່ແຫ່ງນີ້ທຳລາຍ ປ່າຊາຍເລນເພື່ອລ້ຽງກຸ້ງອັນໄດ້ເຮັດໃຫ້ສິ່ງແວດລ້ອມຢູ່ທີ່ນີ້ຖືກຊຸດໂຊມຢ່າງຮ້າຍແຮງ. ກ່ອນນີ້ 4 ປີ, ຕາແສງ ນີງອີກໄດ້ຮັບການອຸປະຖຳຈາກອົງການ ໂຕກຽວ Marine & Nichido Fire Insurace ຂອງຍີ່ປຸ່ນ ສົມທົບກັບມະຫາວິທະຍາໄລສ້າງຄູ ຮ່າໂນ້ຍ ເພື່ອປູກຕົ້ນໄມ້ເປັນປ່າໃນເນື້ອທີ່ 5 ເຮັກຕາ. ຕາແສງນີງອີກ ຍັງຂົນຂວາຍປະຊາຊົນປູກປ່າຊາຍເລນດ້ວຍຕົນເອງໄດ້ 10 ເຮັກຕາຕື່ມອີກ, ປະກອບສ່ວນຂະຫຍາຍເນື້ອທ່ີ ປ່າຊາຍເລນ ຂຶ້ນເຖິງ 40 ເຮັກຕາ. ສິ່ງທີ່ເປັນຫນ້າຊື່ນຊົມນັ້ນແມ່ນ ໃນ 3 ປີມານີ້ ປ່າຊາຍເລນ ກາຍເປັນສະຖານທີ່ອາໄສຂອງນົກຍາງນັບ 10 ຝູງ, ນີ້ແມ່ນສັນຍານສະແດງໃຫ້ເຫັນລະບົບຊີວະພາບຢູ່ທີ່ນີ້ໄດ້ຮັບການຟື້ນຟູແລ້ວ. ປ່າຊາຍເລນໄດ້ຮັບການຟື້ນຟູ, ລະບົບນິເວດກັບຄືນສູ່ຄວາມເປັນປົກກະຕິ ເປັນການເປີດຊ່ອງທາງໃຫ້ແກ່ການທຳມາຫາກິນໃຫມ່, ເປັນຕົ້ນແມ່ນລະດົມວົງຄະນາຍາດພັດທະນາການທ່ອງທ່ຽວຊີວະພາບ. ກ່ອນນີ້ 2 ປີ ທ່ານ ຫງວຽນວັນຮືງ , ຢູ່ຕາແສງ ຫວີ້ງທາຍ ນະຄອນ ຍາຈາງ ແມ່ນຜູ້ທຳອິດມີແນວຄວາມຄິດກໍ່ສ້າງສະຖານທີ່ທ່ອງທ່ຽວຢູ່ປ່າຊາຍເລນ. ທ່ານ ຮືງ ໃຫ້ຮູ້ວ່າ:
“ຂ້າພະເຈົ້າຄິດວ່າ, ການກໍ່ສ້າງສະຖານທີ່ທ່ອງທ່ຽວຢູ່ເຂດປ່າຊາຍເລນ ແມ່ນວຽກງານທີ່ສາມາດຮັກສາປ່າຊາຍເລນໄດ້. ທີສອງ ແມ່ນ ພັດທະນາການທ່ອງທ່ຽວ ກໍເປັນການປະກອບສ່ວນເຮັດໃຫ້ສິ່ງແວດລ້ອມມີຄວາມອຸດົມສົມບູນກວ່າເກົ່າ.”
ປະຈຸບັນ ປ່າຊາຍເລນ ຢູ່ ບ້ານເຕີນດ໋າວໄດ້ກາຍເປັນສ່ວນຫນຶ່ງທີ່ສຳຄັນຕິດພັນກັບເສດຖະກິດຂອງຊາວທ້ອງຖິ່ນ. ປ່າຊາຍເລນ ຍັງແມ່ນກຳແພງຂຽວເພື່ອປ້ອງກັນຜົນກະທົບຈາກລົມພະຍຸ, ຕ້ານການທຳລາຍຢູ່ແຄມທະເລ. ສິ່ງທີ່ມີຄວາມໝາຍທີ່ສຸດເມື່ອນັກທ່ອງທ່ຽວມາຢ້ຽມຢາມແຫ່ງນີ້ນັ້ນແມ່ນ ເຂົາເຈົ້າໄດ້ຮັບຮູ້ບົດຮຽນຈາກພຶດຕິກຳຕົວຈິງ ເຫັນໄດ້ເຖິງຄວາມຈຳເປັນຕ້ອງຮັກສາປ່າຊາຍເລນ. ແຕ່ເຖິງຢ່າງໃດກໍຕາມ, ໃນທ້ອງຖິ່ນທີ່ພັດທະນາການທ່ອງທ່ຽວຢ່າງແຂງແຮງຄືແຂວງ ແຄງຮ່ວາ ກໍຍັງບໍ່ທັນມີສະຖານທີ່ທ່ອງທ່ຽວຢູ່ປ່າຊາຍເລນຫລາຍພໍເທົ່າໃດ. ທ່ານ ມາຍວັນທັງ, ຮອງຫົວຫນ້າພະແນກຊັບພະຍາກອນ ແລະ ສິ່ງແວດລ້ອມແຂວງ ແຄງຮວ່າ ໃຫ້ຮູ້ວ່າ:
“ເລື່ອງນຳໃຊ້ປ່າຊາຍເລນໃຫ້ແກ່ຂົງເຂດທ່ອງທ່ຽວຍັງຈຳກັດຢູ່ ເພາະວ່າະຊາຊົນ ບໍ່ທັນເຫັນໄດ້ບົດບາດສຳຄັນຂອງປ່າຊາຍເລນ ພຽງແຕ່ເຫັນໄດ້ເຖິງທິວທັດທຳມະຊາດຂອງທະເລ ແລະ ໝູ່ເກາະແມ່ນສວຍງາມເທົ່ານັ້ນ.”
ນັບແຕ່ປີ 1995 ມາຮອດປະຈຸບັນ, ເນື້ອທີ່ປ່າຊາຍເລນ ຢູ່ ຫວຽດນາມ ຖືກຫລຸດລົງ 184.000 ເຮັກຕາ. ສະເພາະ ຢູ່ ແຂວງແຄງຮ່ວາ ຈາກເນື້ອທີ່ປ່າຊາຍເລນ 3000 ເຮັກຕາໃນຊຸມປີ 1980 ປະຈຸບັນຍັງເຫລືອພຽງ 100 ເຮັກຕາເທົ່ານັ້ນ. ໃນສະພາບຄືແນວນັ້ນ, ເລື່ອງລະດົມວົງຄະນາຍາດຟື້ນຟູປ່ຊາຍເລນຄືນໃຫມ່ເພື່ອພັດທະນາການທ່ອງທ່ຽວຊີວະພາບ ແລະ ລາຍຮັບຈາກການທ່ອງທ່ຽວນັ້ນກໍນຳເອົາມາລົງທຶນໃຫ້ແກ່ປ່າຊາຍເລນນັ້ນໄດ້ ແລະ ພວມໄດ້ຮັບການຢືນຢັນວ່າແມ່ນທິດທາງທີ່ຖືກຕ້ອງ. ທ່ານ ມາຍວັນທັງ, ຮອງຫົວຫນ້າພະແນກຊັບພະຍາກອນ ແລະ ສິ່ງແວດລ້ອມແຂວງ ແຄງຮ່ວາ ໃຫ້ຮູ້ວ່າ:
“ພວກຂ້າພະເຈົ້າປາດຖະຫນາວ່າ ໃນອະນາຄົດ, ບັນດານັກລົງທຶນໃນຂົງເຂດທ່ອງທ່ຽວເຫັນໄດ້ເຖິງຄວາມໝາຍຂອງເຂດປ່າຊາຍເລນ ເພື່ອລົງທຶນດຳເນີນທຸລະກິດການທ່ອງທ່ຽວເຂົ້າເຂດດິນແດນນີ້.”
ບໍ່ແມ່ນວ່າເຂດດິນນ້ຳຖ້ວມແຫ່ງໃດ, ເຂດປ່າຊາຍເລນແຫ່ງໃດກໍນຳຈະສາມາດເຂົ້າຂຸດຄົ້ນເພື່ອຮັບໃຊ້ໃຫ້ແກ່ການທ່ອງທ່ຽວໄດ້. ເລື່ອງເຮັດບໍລິການທ່ອງທ່ຽວຢູ່ເຂດດິນນ້ຳຖ້ວມ ໄດ້ສ້າງທິດກ້າວເດີນທີ່ມີລັກສະນະເປັນໄປໄດ້ໃຫ້ແກ່ຂະແຫນງທ່ອງທ່ຽວ ຫວຽດນາມ ຊຶ່ງແມ່ນປະເທດມີເນື້ອທີ່ດິນນ້ຳຖ້ວມກວ່າ 10 ລ້ານເຮັກຕາ. ດ້ວຍຄວາມຮຽກຮ້ອງຕ້ອງການໃຫມ່ໃນການພັດທະນາການທ່ອງທ່ຽວປະຈຸບັນ, ແນ່ນອນວ່າ ປ່າຊາຍເລນ ຄວນໄດ້ຮັບຖືວ່າແມ່ນຊັບພະຍາກອນທ່ອງທ່ຽວ ເພາະວ່າ ມັນບໍ່ພຽງແຕ່ສ້າງສະຖານທີ່ທ່ອງທ່ຽວທີ່ດູດດື່ມແຫ່ງໃຫມ່ເທົ່ານັ້ນ ຫາກຍັງສາມາດສົ່ງສານເຖິງວົງຄະນາຍາດຈົ່ງພ້ອມກັນປົກປັກຮັກສາປ່າຊາຍເລນຕໍ່ຫນ້າການປ່ຽນແປງຂອງດິນຟ້າອາກາດທີ່ນັບມື້ນັບຮ້າຍແຮງ.
ນັກຂ່າວ To Tuan