(ພາບ: Getty)

   ໃນຈຸດເວລາທີ່ຍັງເຫຼືອພຽງ 2,3 ວັນກ່ອນການປ່ອນບັດທາງການ, ທັງທ່ານນາງ Kamala Harris ແລະ ທ່ານ Donald Trump ລ້ວນແຕ່ໄດ້ສຸມຫຼາຍຄວາມມານະພະຍາຍາມ ຂົນຂວາຍຢູ່ບັນດາລັດສຳຄັນທີ່ສຸດ ຊື່ງຖືກຖືວ່າແມ່ນແຫ່ງທີ່ຈະກຳນົດໄຊຊະນະ, ພິເສດແມ່ນຢູ່ລັດ Pennsylvania, Wisconsin ແລະ Nevada.

ການແຂ່ງຂັນສຸດທ້າຍທີ່ກໍ່ການໂຕ້ຖຽງກັນ

   ໄລຍະຫາສຽງເລືອກຕັ້ງສຸດທ້າຍຂອງການເລືອກຕັ້ງປະທານາທິບໍດີ ອາເມລິກາ ປີນີ້ ພົນເດັ່ນຂຶ້ນດ້ວຍບັນດາເຫດການທີ່ກໍ່ການໂຕ້ຖຽງກັນ. ຝ່າຍທ່ານ Donald Trump,  ບັນດາຄຳເຫັນຖືກຖືວ່າ ຈຳແນກເຊື້ອຊາດຜີວພັນຂອງບັນດານັກປະຖະກາຖາຖືກເຊີນຈຳນວນໜຶ່ງ ແນໃສ່ບັນດາຜູ້ມີສິດເລືອກຕັ້ງ Puerto Rico ແລະ ມີເຊື້ອຊາດ ອາເມລິກາລາຕິນ ໃນງານມິດຕິງຂົນຂວາຍຫາສຽງເລືອກຕັ້ງເມື່ອວັນທີ 27 ຕຸລາຢູ່ ນິວຢອກ ພວມກໍ່ຄວາມວິຕົກກັງວົນອັນໃຫ່ຍຫຼວງໃຫ້ແກ່ພັກສາທາລະນະ. ໃນຂະນະນັ້ນ, ຝ່າຍພັກປະຊາທິປະໄຕ ກໍ່ຕ້ອງແກ້ໄຂວິກິດການທາງສື່ມວນຊົນ ກ່ຽວຂ້ອງເຖິງເລື່ອງທ່ານ Joe Bidenໃຊ້ບັນດາຄຳສັບທີ່ຖືກຖືວ່າ ແຕະຕ້ອງເຖິງບັນດາຜູ້ມິສິດເລືອກຕັ້ງສະໜັບສະໜູນທ່ານ Donald Trump.

(ພາບ: Reuters)

     ທ່ານ Darrell West, ຜູ້ຊ່ຽວຊານຄົ້ນຄ້ວາລັດຖະບານ, ຂຶ້ນກັບສະຖາບັນ Brookings ຢູ່ນະຄອນຫຼວງ Washington, ໃຫ້ຂໍ້ສັງເກດວ່າ, ການສູ້ຢັນລະຫວ່າງທ່ານ Donald Trump ແລະ ທ່ານນາງ Kamala Harris ໃນເວລາເກືອບ 5 ເດືອນຜ່ານມາ ສ່ວນໜຶ່ງກໍ່ສະແດງໃຫ້ເຫັນແຈ້ງທ່າໄດ້ປຽບທີ່ດີຂອງແຕ່ລະຝ່າຍ:

  ໜຶ່ງໃນບັນດາຫົວເລື່ອງຕົ້ນຕໍໃນການເລືອກຕັ້ງນີ້ ຊື່ງພັກສາທາລະນະມີທ່າດີ ແມ່ນນະໂຍບາຍການເຂົ້າເມືອງ. ປຊຊ ອາເມລິກາ ເປັນຫ່ວງກ່ຽວກັບຊາຍແດນ, ເຂົາເຈົ້າຄິດວ່າມີຫຼາຍຄົນທີ່ບໍ່ມີໜັງສືຫຍັງ ກໍ່ໄດ້ຜ່ານຊາຍແດນ, ຍາດແຍ່ງວຽກເຮັດງານທຳ, ເຂົາບໍ່ມັກຄືແນວນັ້ນ ແລະ ນີ້ແມ່ນຄະແນນບວກໃຫ້ແກ່ທ່ານ Trump. ສ່ວນພັກປະຊາທິປະໄຕມີທ່າໄດ້ປຽບກ່ຽວກັບຫົວເລື່ອງການເອົາລູກອອກ, ຫຼຸລູກ ແລະ ສິດໃນການປະສູດ ເວົ້າລວມ ຂະນະທີ່ ປຊຊ ອາເມລິກາສ່ວນຫຼາຍ ສະໜັບສະໜູນທ່ານນາງ Kamala Harris ໃນບັນຫານີ້.

ໄລຍະຫ່າງທີ່ປະຊິດ

   ບັນດາການຢັ່ງຫາງສຽງຄັ້ງຫຼ້າສຸດຢູ່ ອາເມລິກາ ລ້ວນແຕ່ໃຫ້ເຫັນວ່າ ທ່ານ Donald Trump ແລະ ທ່ານນາງ Kamala Harris ພວມແຂ່ງຂັນກັນຢ່າງຂ້ຽວຂາດໃນທົ່ວປະເທດ ແລະ ຢູ່ບັນດາລັດສະໜາມຮົບ. ຕາມໝາກຜົນການຢ່າງຫາງສຽງ ໂດຍສຳນັກຂ່າວສານ AP ແລະ ສູນຄົ້ນຄ້ວາຄຳເຫັນຫາງສຽງແຫ່ງຊາດ (NORC) ຂຶ້ນກັບມະຫາວິທະຍາໄລ Chicago ດຳເນີນ ແລະ ປະກາດເມື່ອວັນທີ 30 ຕຸລານັ້ນ, ໃນຈຳນວນ 1.200 ຜູ້ຖືກສອບຖາມຢູ່ ອາເມລິກາ, ມີພຽງ 30% ໃຫ້ຮູ້ວ່າ: ມີຄວາມສົນໃຈຕໍ່ການຊ່ວງເສັງລະຫວ່າງ ທ່ານ Donald Trump ແລະ ທ່ານນາງ Kamala Harris ເຂົ້າທຳນຽບຂາວເທົ່ານັ້ນ.

   ຕາມທ່ານ Kirby Goidel, ສາດສະດາຈານວິທະຍາສາດການເມືອງ ຢູ່ໂຮງຮຽນບໍລິຫານ ແລະ ການປົກຄອງລັດ Bush, ຂຶ້ນກັບມະຫາວິທະຍາໄລ A&M Texas, ແລ້ວ, ສິ່ງນີ້ກໍ່ສາມາດເຂົ້າໃຈໄດ້ ໃນສະພາບການທີ່ມີການຜັນແປຫຼາຍຢ່າງຂອງພື້ນຖານການເມືອງ ອາເມລິກາ ໃນຊຸມປີມໍ່ໆມານີ້:

   ທຸກຄົນຕ້ອງວິຕົກກັງວົນຕໍ່ການເລືອກຕັ້ງຄັ້ງນີ້ຫຼືບໍ່? ແນ່ນອນວ່າກໍ່ມີຢູ່. ນີ້ແມ່ນການເລືອກຕັ້ງທີ່ເຕັມໄປດ້ວຍການແກ່ງແຍ້ງທີ່ສຸດ. ການເລືອກຕັ້ງເມື່ອປີ 2016 ແລະ 2020 ໄດ້ຕັດສິນຍ້ອນໄລຍະຫ່າງຕ່ຳກ່ວາ 100.000 ບັດເທົ່ານັ້ນ. ການເລືອກຕັ້ງປີນີ້ອາດຈະມີຄວາມປະຊິດກ່ວາອີກ ກໍ່ແມ່ນແລ້ວທີ່ຈະມີຄວາມວິຕົກກັງວົນຕໍ່ການເລືອກຕັ້ງຄັ້ງນີ້.

    ບັນດາສະມາຊິກຂອງສອງພັກສາທາລະນະ ແລະ ປະຊາທິປະໄຕ ກໍ່ມີຄວາມວິຕົກກັງວົນກ່ວາອີກ. ປະມານ 80% ຈະນວນສະມາຊິກຂອງພັກປະຊາທິປະໄຕຖືກສອບຖາມ ໄດ້ສະແດງຄວາມວິຕົກກັງວົນ, ເພິ່ມຂຶ້ນຫນ້ອຍໜຶ່ງໃນອັດຕາສ່ວນປະມານ 75% ໃນການເລືອກຕັ້ງຄັ້ງກ່ອນ, ໃນຂະນະທີ່ 65% ຈຳນວນສະມາຊິກພັກສາທາລະນະກໍ່ມີຄວາມຮູ້ສຶກນີ້, ເພີ່ມ 5% ເມື່ອທຽບກັບການເລືອກຕັ້ງປີ 2020. ບັນດາຄວາມວິຕົກກັງວົນນີ້ ສ່ວນຫຼາຍແມ່ນກ່ຽວກັບການໂຕ້ຖຽງກັນທີ່ອາດຈະເກີດຂຶ້ນ ກ່ຽວຂ້ອງເຖິງໝາກຜົນການເລືອກຕັ້ງ ກໍ່ຄືສະພາບການແບ່ງແຍກໃນ ແລະ ຫຼັງການເລືອກຕັ້ງ./.