ປະຊາຄົມຊາວຫວຽດນາມຢູ່ເອີລົບສົ່ງຈົດໝາຍເຖິງEPກ່ຽວກັບສະພາບການທະເລຕາເວັນອອກ
ທ່ານນາງ Barbara Lochbihler ໄດ້ຮັບຈົດໝາຍ
(ພາບ: vietnam+)
(vovworld) - ວັນທີ 14/03, ສາດສະດາຈານ - ປະລິນຍາເອກ ຫງວຽນວັນທ້ວາຍ, ປະທານສະຫະສະມາຄົມຊາວ ຫວຽນດາມ ທົ່ວສະຫະພັນ ເຢຍລະມັນ, ພ້ອມກັບຜູ້ຕາງໜ້າບັນດາອົງການອື່ນໆຂອງຊາວ ຫວຽນດາມ ຢູ່ສາທາລະນະລັດສະຫະພັນ ເຢຍລະມັນ, ຝະລັ່ງ, ແບນຊິກ ແລະ ອັງກິດ ໄດ້ມອບຈົດໝາຍໃຫ້ທ່ານນາງ Barbara Lochbihler ສະມາຊິກລັດຖະສະພາຂຶ້ນກັບກຸ່ມບັນດາສະມາຊິກລັດຖະສະພາການຕ່າງປະເທດຮັບຜິດ ຊອບພາກພື້ນອາຊີຕາເວັນອອກສ່ຽງໃຕ້ຂຶ້ນກັບລັດຖະສະພາ ເອີລົບ (EP) ກ່ຽວກັບບັນດາການກະທຳພຽງລຳພັງຝ່າຍດຽວຂອງ ຈີນ ທີ່ກໍ່ຄວາມເຄັ່ງຕຶງຂຶ້ນຕື່ມຢູ່ທະເລຕາເວັນອອກໃນໄລຍະຜ່ານມາ. ສາດສະດາຈານ - ປະລິນຍາເອກ ຫງວຽນວັນທ້ວາຍ ເນັ້ນໜັກວ່າ: ເຖິງວ່າເປັນປະເທດນ້ອຍແຕ່ ຫວຽດນາມ ຍັງແມ່ນປະເທດຮັກຫອມສັນຕິພາບ. ພ້ອມກັບພໍ່ແມ່ປະຊາຊົນພາຍໃນປະເທດ, ປະຊາຄົມຊາວ ຫວຽດນາມ ຢູ່ຕ່າງປະເທດປາດຖະໜາຢາກມີກຳລັງແຮງແຫ່ງຄວາມສາມັກຄີສາກົນ ເພື່ອສະກັດກັ້ນບັນດາການກະທຳທີ່ລະເມີດກົດໝາຍສາກົນຂອງ ຈີນ ບົນທະເລຕາເວັນອອກ. ໂດຍຜ່ານຈົດໝາຍສະບັບນີ້, ປະຊາຄົມຊາວ ຫວຽດນາມ ຢູ່ຕ່າງປະເທດປາດຖະໜາວ່າ: ບັນດາສະມາຊິກລັດຖະສະພາ ເອີລົບ ອອກສຽງສະໜັບສະໜູນຄວາມມຸ່ງມາດປາດຖະໜາອັນຊອບທຳຂອງປະຊາຊົນ ຫວຽດນາມ ແລະ ຮຽກຮ້ອງ ຈີນ ຕ້ອງເຄົາລົບສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍການເດີນທະເລ (UNCLOS) ປີ 1982.
ສ່ວນທ່ານນາງ Lochbihler ໃຫ້ຮູ້ວ່າ: ບັນຫາທະເລຕາເວັນອອກເຄີຍເຕື້ອງເຖິງໃນບັນດາການເຮັດວຽກ, ການພົບປະລວມຂອງຄະນະກຳມະການ ເອີລົບ (EC) ກັບບັນດາປະເທດອາຊີຕາເວັນອອກສ່ຽງໃຕ້ເປັນປະຈຳ. ທ່ານນາງ Lochbihler ສະແດງຄວາມຫວັງວ່າ: ທຸກການຂັດແຍ້ງກັນບົນທະເລຕາເວັນອອກຕ້ອງໄດ້ຮັບການແກ້ໄຂດ້ວຍສັນຕິວິທີ.