ປະທານສະພາແຫ່ງຊາດ ຫງວຽນທິກິມເງິນ ເຂົ້າຮ່ວມລາຍການ“ ລະດູບານໃໝ່-ຄອບຄົວ-ເຂດໝູ່ເກາະທະເລ ”
ລາຍການພົບປະແລກປ່ຽນສະແດງສິລະປະດ້ວຍຫົວຂໍ້ : “ ລະດູບານໃໝ່-ຄອບຄົວ-ເຂດໝູ່ເກາະທະເລ ” |
(vovworld)- ຕອນຄ່ຳວັນທີ 9/4, ຢູ່ຮ່າໂນ້ຍ, ກະຊວງວັດທະນະທຳ, ກິລາ ແລະ ທ່ອງທ່ຽວຫວຽດນາມໄດ້ຈັດລາຍການພົບປະແລກປ່ຽນສະແດງສິລະປະດ້ວຍຫົວຂໍ້ : “ ລະດູບານໃໝ່-ຄອບຄົວ-ເຂດໝູ່ເກາະທະເລ ” ໂດຍມີການເຂົ້າຮ່ວມຂອງທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ. ລາຍການລວມມີບັນດາລາຍການຟ້ອນລຳທຳເພງທີ່ເປັນເອກະລັກສະເພາະກ່ຽວກັບ ເຂດໝູ່ເກາະທະເລຂອງປະເທດຊາດ, ຍ້ອງຍໍສັນລະເສີນຄວາມຮັກຕໍ່ປະເທດຊາດ ແນໃສ່ປະກອບສ່ວນຍົກສູງລະດັບຄວາມຮັບຮູ້ກ່ຽວກັບບົດບາດ, ທີ່ຕັ້ງຍຸດທະສາດ ແລະ ຄວາມສາມາດບົ່ມຊ້ອນອັນໃຫຍ່ຫຼວງຂອງ ເຂດໝູ່ເກາະທະເລຫວຽດນາມ. ທີ່ລາຍການ, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ແລະ ລັດຖະມົນຕີວ່າການ ກະຊວງວັດທະນະທຳ, ກິລາ ແລະ ທ່ອງທ່ຽວຫວຽດນາມ ຫງວຽນງອກຖ້ຽນ ໄດ້ມອບປຶ້ມເງິນຟາກປະຢັດ 20 ຫົວ ແຕ່ລະຫົວມີມູນຄ່າ 10 ລ້ານດົງ ໃຫ້ແກ່ບັນກາພະນັກງານ, ນົກຮົບສັງກັດກອງບັນຊາການທະຫານປ້ອງກັນຊາຍແດນ, ກອງບັນຊາການທະຫານເຮືອ, ກອງບັນຊາການຕຳຫຼວດທະເລທີ່ປະສົບກັບຄວາມຫຍຸ້ງຍາກ.