(vovworld) - ມາຮອດປະຈຸບັນ, ຫວຽດນາມ ໄດ້ມີສິນຄ້າສ່ົງອອກບາງປະເພດຖືກຈັດເຂົ້າໝວດສິນຄ້າສົ່ງອອກອັນດັບຫນຶ່ງຂອງໂລກ, ແຕ່ຍັງມີເຄື່ອງໝາຍການຄ້າຂອງສິນຄ້າສົ່ງອອກຂອງຫວຽດນາມ ຫລາຍປະເພດຍັງບໍ່ທັນໄດ້ຮັບການລົງທຶນ ແລະ ພັດທະນາ ສົມກັບລະດັບສາກົນ. ເຮັດແນວໃດເພື່ອໃຫ້ເຄື່ອງໝາຍການຄ້າມີລະດັບສາກົນ ເພື່ອເປັນການຍົກສູງມູນຄ່າການສົ່ງອອກ ແລະ ຊ່ວຍບັນດາວິສາຫະກິດຄົງຕົວຢ່າງໝັ້ນຄົງໃນຕະຫລາດແກ້ງແຍ້ງຂອງໂລກໄດ້. ນີ້ແມ່ນເນື້ອໃນຕົ້ນຕໍຂອງໂຄງການສ້າງເຄື່ອງໝາຍການຄ້າແຫ່ງຊາດທີ່ໄດ້ຮັບການເຕື້ອງເຖິງໃນຍຸດທະສາດພັດທະນາການສົ່ງອອກຂອງລັດຖະບານ ຫວຽດນາມ ໄລຍະ 2011 - 2020.
ອັດຕາສ່ວນເຄື່ອງຕ່ຳແຜ່ນຕັດຫຍິບທີ່ມີເຄື່ອງໝາຍການຄ້າຂອງ ຫວຽດນາມ ໄດ້ກວມກວ່າ 30%
ພາບ:saigon.com.vn
|
ດ້ວຍຍອດວົງເງິນສົ່ງອອກໃນປີ 2011 ບັນລຸ 96 ຕື້ USD ແລະ ຄາດວ່າ ໃນປີ 2012 ນີ້ ຫວຽດນາມ ຈະສາມາດບັນລຸວົງເງິນສົ່ງອອກ 110 ຕື້ USD, ປະຈຸບັນ ຫວຽດນາມ ແມ່ນຫນຶ່ງໃນບັນດາປະເທດສົ່ງອອກສິນຄ້າຢ່າງແຂງແຮງໃນພາກພື້ນອາຊີ ຕາເວັນອອກສຽງໃຕ້. ໃນຊຸມປີມໍ່ໆມານີ້, ມີສິນຄ້າສົ່ງອອກຕົ້ນຕໍຂອງຫວຽດນາມ ຫລາຍປະເພດ, ໃນນັ້ນ ມີຜະລິດຕະພັນກະເສດ, ສິນໃນນ້ຳບາງປະເພດຖືກຈັດອັນດັບຫນຶ່ງໃນໂລກ. ປະຈຸບັນ ຫວຽດນາມ ແມ່ນປະເທດສົ່ງອອກເຂົ້າສານອັບດັບຫນຶ່ງຂອງໂລກ, ດ້ວຍປະລິມານການສົ່ງອອກ 6 -7 ລ້ານໂຕນ/ປີ, ແຕ່ກໍບໍ່ທັນມີເຄື່ອງໝາຍການຄ້າໃດທີ່ມີກຳລັງແຮງຢ່າງພຽງພໍເພື່ອສາມາດແກ້ງແຍ້ງ ແລະ ຄອງຕະຫລາດໄດ້. ສ່ວນ ປາຈາຂອງ ຫວຽດນາມ ກໍໄດ້ສົ່ງໄປຂາຍຢູ່ 125 ຕະຫລາດໃນໂລກ,ແຕ່ຜູ້ອຸປະໂພກບໍລິໂພກພຽງແຕ່ຮູ້ຈັກເຖິງຊື່ບັນດາບໍລິສັດນຳເຂົ້າເທົ່ານັ້ນ. ໃນເດືອນ 8/ 2012 ຜ່ານມາ, ຫວຽດນາມໄດ້ ລື່ນກາຍ ບຣາຊີນ ເພື່ອກາຍເປັນປະເທດສົ່ງອອກກາເຟຫລາຍກວ່າໝູ່ຢູ່ໃນໂລກ. ເຖິງຢ່າງໃດກໍຕາມ, ໄປຄຽງຄູ່ກັບຄວາມກ້າວຫນ້າດ້ານປະລິມານ, ຄຸນນະພາບ, ສິນຄ້າ ສົ່ງອອກຫລາຍປະເພດຂອງ ຫວຽດນາມຍັງບໍ່ທັນສ້າງເຄື່ອງໝາຍການຄ້າທີ່ດີຢູ່ໃນໂລກໄດ້. ສາຍເຫດ ດ້ານຫນຶ່ງແມ່ນຍ້ອນກ່ອນນີ້ມີວິສາຫະກິດຫລາຍແຫ່ງບໍ່ທັນເອົາໃຈໃສ່ເຖິງການສ້າງເຄື່ອງໝາຍການຄ້າຖືກກັບລະດັບ, ດ້ານອື່ນ ບັນດາວິສາຫະກິດ ຫວຽດນາມ ສ່ວນຫລາຍແມ່ນວິສາຫະກິດຂະຫນາດກາງແລະ ນ້ອຍ, ແຫລ່ງທຶນຍັງຈຳກັດ, ສະນັ້ນ ຈຶ່ງປະສົບກັບຄວາມຫຍຸ້ງຍາກໃນການສ້າງເຄື່ອງໝາຍການຄ້າ. ນອກນັ້ນ ບາງວິສາຫະກິດຍັງຂາດຂໍ້ມູນຂ່າວສານກ່ຽວກັບຕະຫລາດ, ກອບກົດໝາຍເພື່ອປົກປ້ອງເຄື່ອງໝາຍສິນຄ້າສົ່ງອອກໃນເງື່ອນໄຂເຊື່ອມໂຍງເຂົ້າກັບເສດຖະກິດໂລກ. ທ່ານນາງ ມາຍທິຢວຽນ, ຜູ້ຊ່ຽວຊານກ່ຽວກັບການສົ່ງອອກສິນຄ້າໄດ້ໃຫ້ຂໍ້ສັງເກດວ່າ:
“ຍາມໃດວິສາຫະກິດ ກໍມີທັດສະນະບຸລິມະສິດແກ່ບັນຫາສ້າງເຄື່ອງໝາຍການຄ້າແມ່ນປັດໄຈຕົ້ນຕໍ. ເລື່ອງສ້າງເຄື່ອງໝາຍການຄ້າແມ່ນກ່ຽວຂ້ອງເຖິງຫລາຍບັນຫາອື່ນ ຫາກບໍ່ພຽງແຕ່ເປັນການສ້າງຮູບພາບ ຫລື ໂລໂກ ຂອງວິສາຫະກິດເທົ່ານັ້ນ, ພາຍຫລັງທີ່ມີເຄື່ອງໝາຍແລ້ວ ແມ່ນຕ້ອງຮັບປະກັນຄຸນນະພາບ, ຂັ້ນຕອນການຜະລິດແມ່ນອິດທິພົນຊື່ສຽງຂອງວິສາຫະກິດ ແລະ ມີຫລາຍບັນຫາອື່ນໆອີກ.”
ປະຈຸບັນ ເລື່ອງສ້າງເຄື່ອງໝາຍສິນຄ້າສົ່ງອອກແມ່ນຄວາມຈຳເປັນຢ່າງແທ້ຈິງ, ເພາະ ລາຄາຖືກບໍ່ແມ່ນທ່າໄດ້ປຽບເພື່ອໃຫ້ວິສາຫະກິດ ຫວຽດນາມ ແກ້ງ ແຍ້ງຢູ່ຕະຫລາດ. ຍິ່ງກວ່ານັ້ນ, ເມື່ອເຊື່ອມໂຍງຢ່າງເລິກເຊິ່ງ, ເຄື່ອງໝາຍການຄ້າ ຫວຽດນາມ ຈະປະສົບກັບຄວາມຫຍຸ້ງຍາກຈາກເຄື່ອງໝາຍການຄ້າໃຫຍ່ໃນໂລກ ແລະ ສິ່ງນັ້ນໝາຍຄວາມວ່າ ມູນຄ່າຜະລິດຕະພັນສິນຄ້າ ຫວຽດນາມບໍ່ສູງປານໃດ. ທ່ານໂດ໋ຮວ່າຍນາມ, ປະທານສະຫະສະມາຄົມໝາກມ່ວງຫິມະພານ ຫວຽດນາມ ຖືວ່າ:
“ວິສາຫະກິດທັງໝົດທີ່ເຂົ້າຮ່ວມການສົ່ງອອກສິນຄ້າໃນໂລກ ລ້ວນແຕ່ຢາກສ້າງເຄື່ອງໝາຍ
ການຄ້າໃຫ້ແກ່ຕົນເອງຢູ່ໃນຕະຫລາດໂລກ, ເພາະວ່າ ເມື່ອມີເຄື່ອງໝາຍການຄ້າເປັນຢ່າງດີແລ້ວ ລາຄາຂາຍສິນຄ້າຈະບັນລຸລະດັບສູງກວ່າ, ບາງເທື່ອແມ່ນຂຶ້ນທົບສອງເທົ່າ.”
ຫວຽດນາມໄດ້ ລື່ນກາຍ ບຣາຊີນ ເພື່ອກາຍເປັນປະເທດສົ່ງອອກກາເຟຫລາຍກວ່າໝູ່ຢູ່ໃນໂລກ
ພາບ: internet
|
ຕໍ່ຫນ້າຄວາມຈິງນັ້ນ, ລັດຖະບານ ໄດ້ວາງແຜນກຳນົດພັດທະນາເຄື່ອງໝາຍສິນຄ້າສົ່ງອອກດ້ວຍຍຸດທະສາດສັງລວມ, ເປັນລະບົບ, ສ້າງການຮ່ວມສຳພັນລະຫວ່າງວິສາຫະກິດເພື່ອເຮັດໃຫ້ບັນດາຜະລິດຕະພັນມີເຄື່ອງໝາຍການຄ້າແຫ່ງຊາດ. ທ່ານນາງ ຫງວຽນມີນເຮືອງ, ຫົວຫນ້າຫ້ອງການທະນາຍຄວາມ A Hoang ທີ່ປຶກສາດ້ານເຄື່ອງໝາຍສິນຄ້າສົ່ງອອກໃຫ້ຮູ້ວ່າ:
“ປະຈຸບັນ ລັດຖະບານໄດ້ມີໂຄງການຫນູນຊ່ວຍການສ້າງ, ປົກປ້ອງເຄື່ອງໝາຍການຄ້າ ຫວຽດນາມ, ພິເສດ ແມ່ນຫນູນຊ່ວຍ, ສົ່ງເສີມວິສາຫະກິດນຳໃຊ້ຊັບສິນທາງປັນຍາຂອງເຂົາເຈົ້າເພື່ອເຮັດໃຫ້ມູນຄ່າເພີ່ມຂອງຜະລິດຕະພັນເພີ່ມຂຶ້ນ. ບັນດາໂຄງການດັ່ງກ່າວແມ່ນສະແດງໃຫ້ເຫັນຜ່ານການສ້າງເຄື່ອງໝາຍການຄ້າແຫ່ງຊາດໂດຍກະຊວງອຸດສາຫະກຳ ແລະ ການຄ້າ ຫວຽດນາມ ປຸກລະດົມ, ບັນດາໂຄງການປະສານສົມທົບກັບກົມຊັບສິນທາງປັນຍາ ຕາງຫນ້າໃຫ້ແກ່ກະຊວງວິທະຍາສາດ ເຕັກໂນໂລຊີ ຫນູນຊ່ວຍປົກປ້ອງຊັບສິນທາງປັນຍາໃຫ້ແກ່ບັນດາວິສາຫະກິດ, ສົ່ງເສີມວິສາຫະກິດສົ່ງອອກ ແລະ ເອົາໃຈໃສ່ເຖິງການອາລັກຂາເຄື່ອງໝາຍການຄ້າ.”
ໃນໄລຍະຜ່ານມາ, ມີກຸ່ມບໍລິສັດ, ວິສາຫະກິດສົ່ງອອກຂອງຫວຽດນາມ ຫລາຍແຫ່ງ ໄດ້ເປັນເຈົ້າການສ້າງເຄື່ອງໝາຍການຄ້າໃຫ້ເປັນລະບົບ. ບັນດາບາດກ້າວເດີນຂອງຂະແຫນງຕຳແຜ່ນຕັດຫຍິບໄດ້ພິສູດໃຫ້ເຫັນບັນຫາດັ່ງກ່າວ. ຈາກວິສາຫະກິດຜະລິດສິນຄ້າປະກອບເພື່ອສ່ົງອອກ, ມາຮອດປະຈຸບັນ ອັດຕາສ່ວນເຄື່ອງຕ່ຳແຜ່ນຕັດຫຍິບທີ່ມີເຄື່ອງໝາຍການຄ້າຂອງ ຫວຽດນາມ ໄດ້ກວມກວ່າ 30% ແລະ ອັດຕາສ່ວນນີ້ຖືກຍົກສູງຂຶ້ນ 50% ໃນປີ 2014. ນີ້ແມ່ນຫນຶ່ງໃນບັນດາຜົນປະໂຫຍດແທດຈິງໃນການສ້າງເຄື່ອງໝາຍການຄ້າລວມໝູ່. ໃນໄລຍະເຊື່ອມໂຍງເຂົ້າກັບເສດຖະກິດໂລກປະຈຸບັນ, ມີວິສາຫະກິດຫລາຍແຫ່ງປາດຖະຫນາຢາກສ້າງເຄື່ອງໝາຍການຄ້າຢ່າງແຮງ ມີລະດັບຊາດ ແລະ ສາກົນ ສິ່ງດັ່ງກ່າວບໍ່ພຽງແຕ່ຕອບສະຫນອງຄວາມຮຽກຮ້ອງຕ້ອງການຍົກສູງມູນຄ່າ ແລະ ຄຸນນະພາບການສົ່ງອອກຂອງ ຫວຽດນາມ ເທົ່ານັ້ນ ຫາກຍັງຕອບສະຫນອງການພັດທະນາການສົ່ງອອກແບບຍືນຍົງໃນອະນາຄົດອີກດ້ວຍ.