ປັດຈຸບັນແຂວງບ່າເຣ້ຍ - ຫວຸ້ງເຕົ່າກວມເອົາເກືອບ 10%ຍອດເງິນລົງທຶນຈາກຕ່າງປະເທດ (FDI) ຂອງທົ່ວປະເທດແລະພວມຢືນອັນດັບທີ 4/63 ນະຄອນ, ແຂວງກ່ຽວກັບການດຶງດູດ FDI. ການລົງທຶນ FDI ຢູ່ບ່າເຣ້ຍ - ຫວຸ້ງເຕົ່າມີຂອບຂະໜາດສູງພໍສົມຄວນ, ໄລ່ສະເລ່ຍບັນລຸໄດ້ 86,7 ລ້ານ USD/ໂຄງການ, ສ່ວນຫຼາຍບັນດາໂຄງການນີ້ມາຈາກບັນດາກຸ່ມບໍລິສັດໃຫຍ່ຄື: ຍີ່ປຸ່ນ, ສ.ເກົາຫຼີ, ອາເມລິກາ, ການາດາ, ໄທ, ສິງກະໂປ…ເຄື່ອນໄຫວຫຼາຍຂະແໜງຄື: ທ່າກ່ຳປັ່ນ, ການຂົນສົ່ງ, ເອເລັກໂຕນິກ...ນຳ

ພ້ອມກັບເລື່ອງຍູ້ແຮງການສົ່ງເສີມ, ດຶງດູດບັນດານັກລົງທຶນທີ່ມີຄວາມສາມາດບົ່ມຊ້ອນເຂົ້າບັນດາຂົງເຂດ, ໃນໄລຍະທີ່ຜ່ານມາ, ແຂວງບ່າເຣ້ຍ - ຫວຸ້ງເຕົ່າເດັດດ່ຽວຖອນຄືນບັນດາໂຄງການທີ່ມີການຜັນຂະຫຍາຍຢ່າງຊັກຊ້າເພື່ອສ້າງເນື້ອທີ່ດິນໃຫ້ແກ່ບັນດານັກລົງທຶນທີ່ມີກຳລັງຄວາມສາມາດ. ນັບແຕ່ເວລາສ້າງວິທີການແກ້ໄຂບັນດາໂຄງການຜັນຂະຫຍາຍຢ່າງຊັກຊ້າໃນປີ 2014ມາຮອດປັດຈຸບັນ, ບ່າເຣ້ຍ - ຫວຸ້ງເຕົ່າໄດ້ຢຸດຕິການເຄື່ອນໄຫວຂອງ 142 ໂຄງການ (ໂຄງການໃນເຂດອຸດສາຫະກຳ 38 ໂຄງການ, ໂຄງການເຮືອນຢູ່, ເຂດຕົວເມືອງ 53 ໂຄງການແລະໂຄງການນອນຢູ່ນອກເຂດອຸດສາຫະກຳ 51 ໂຄງການ). ຕາມທ່ານຫງວຽນແທັ່ງລອງ, ຮອງປະທານຄະນະກຳມະການແຂວງບ່າເຣ້ຍ - ຫວຸ້ງເຕົ່າແລ້ວ, ວິວັດການຖອນຄືນບັນໂຄງການທີ່ມີການຜັນຂະຫຍາຍຢ່າງຊັກຊ້າໄດ້ຮັບການປະຕິບັດຢ່າງລະມັດລະວັງ, ຖືກຕາມການກຳນົດຂອງກົດໝາຍ. ບັນດາອົງການທີ່ມີໜ້າທີ່ຮັບຜິດຊອບຂອງແຂວງໄດ້ເຮັດວຽກກັບເຈົ້າຂອງການລົງທຶນຂອງແຕ່ລະໂຄງການທີ່ຜັນຂະຫຍາຍຢ່າງຊັກຊ້າເພື່ອຢັ້ງຢຶນໄດ້ເຫດຜົນ ແລະສະເໜີວິທີການແກ້ໄຂສຳລັບແຕ່ລະກໍລະນີ:

ພາຍຫຼັງສ້າງຂໍ້ຕົກລົງ, ທາງແຂວງໄດ້ປະກາດໃຊ້ຂໍ້ກຳນົດກົດລະບຽບກ່ຽວກັບການແກ້ໄຂບັນດາໂຄງການທີ່ຜັນຂະຫຍາຍຢ່າງຊັກຊ້າ. ການບໍລິຫານໂຄງການທີ່ມີການຜັນຂະຫຍາຍຢ່າງຊັກຊ້າໄດ້ປະຕິບັດຕາມຂໍ້ກຳນົດ, ມີແບບມີແຜນ, ໂປ່ງໃສແລະເປີດເຜີຍ. ທຸກໆຂໍ້ມູນຂ່າວສານລ້ວນແຕ່ໄດ້ເອົາລົງບັນດາເວັບໄຊຂໍ້ມູນຂ່າວສານເອເລັກໂຕນິກ.

ທ່າກ່ຳປັ່ນ ກ໊າຍແມ໊ບຮ້າ (ພາບ: nhandan.com.vn)

ທ່ານ Choi Young Gyo, ປະທານກຸ່ມບໍລິສັດHyong Chemical ຂອງສ.ເກົາຫຼີໃຫ້ຮູ້ວ່າ, ໄດ້ລົງທຶນຈຳນວນ 1,2 ຕື້ USD ເພື່ອສ້າງໂຮງງານຜະລິດ Polypropylene ແລະສາງໃຕ້ດິນບັນຈຸນ້ຳມັນເເຫຼວຢູ່ບ່າເຣ້ຍ - ຫວຸ້ງເຕົ່າ, ຍ້ອນວ່າອຳນາດການປົກຄອງໄດ້ສ້າງເງື່ອນໄຂສະດວກເພື່ອໃຫ້ກຸ່ມບໍລິສັດປະຕິບັດລະບຽບການໂດຍໄວ, ມີການແນະນຳຢ່າງຈະແຈ້ງ, ໂປ່ງໃສຊ່ວຍໃຫ້ວິສາຫະກິດມີຄວາມພໍໃຈກ່ວາເມື່ອຊອກຫາໂອກາດລົງທຶນ:

ເມື່ອໄດ້ຮັບໜັງສືອະນຸຍາດການລົງທຶນ, ພວກຂ້າພະເຈົ້າດີໃຈຫຼາຍ, ພວກຂ້າພະເຈົ້າໄດ້ເຂົ້າຮ່ວມລົງທຶນຢູ່ຫວຽດນາມເປັນເວລາ 10 ປີແລ້ວ, ສຳລັບໂຄງການ Polypropylene, ພວກຂ້າພະເຈົ້າໄດ້ກະກຽມມາເປັນເວລາ 4 ປີແລ້ວ.ໃນວິວັດການກະກຽມພວກຂ້າພະເຈົ້າໄດ້ຮັບການໜູນຊ່ວຍຈາກອຳນາດການປົກຄອງບ່າເຣ້ຍ - ຫວຸ້ງເຕົ່າ.

ຕາມທ່ານຫງວຽນຮົ່ງລິງເລຂາຄະນະພັກແຂວງບ່າເຣ້ຍ - ຫວຸ້ງເຕົ່າແລ້ວ, ດ້ວຍການກໍ່ສ້າງຊຸດມາດຖານດຶງດູດການລົງທຶນຂອງທ້ອງຖິ່ນ, ບ່າເຣ້ຍ - ຫວຸ້ງເຕົ່າ ພວມຄ່ອຍໆເປັນເຈົ້າການໃນການດຶງດູດກັບບັນດານັກລົງທຶນໃຫຍ່, ອິດທິພົນຊື່ສຽງກ່ວາອີກ. ສິ່ງທີ່ເປັນໜ້າຈັບໃຈແມ່ນດ້ວຍ 3,6 ຕື້ USD ເງິນລົງທຶນຈາກຕ່າງປະເທດ (FDI) ໃນປີ 2018ລ້ວນແຕ່ສຸມໃສ່ເຂົ້າບັນດາຂົງເຂດທີ່ເປັນທ່າແຮງແລະຕອບສະໜອງໄດ້ບັນດາມາດຖານດຶງດູດການລົງທຶນຂອງທ້ອງຖິ່ນແລະກາຍເປັນກຳຫຼັງໜູນເພື່ອໃຫ້ແຂວງບ່າເຣ້ຍ - ຫວຸ້ງເຕົ່າໝັ້ນໃຈເພື່ອໃຫ້ມີບາດກ້າວບຸກທະລຸໃນໄລຍະຈະມາເຖິງ:

ບ່າເຣ້ຍ - ຫວຸ້ງເຕົ່າພັດທະນາແບບມີການຄັດເລືອກຕາມທິດດຶງດູດບັນດາຂະແໜງ, ຂົງເຂດອຸດສາຫະກຳທີ່ບໍ່ກໍ່ມົນລະພິດສິ່ງແວດລ້ອມ, ເພື່ອຕອບສະໜອງໄດ້ຄວາມຮຽກຮ້ອງຂອງການພັດທະນາໃນອະນາຄົດ. ພິເສດທາງແຂວງໄດ້ຄວບຄຸມການດຶງດູດລົງທຶນ, ເພື່ອ ຕອບສະໜອງໄດ້ຄວາມຕ້ອງການໃນການພັດທະນາແບບຍືນຍົງຂອງແຂວງ, ພັດທະນາອຸດສາຫະກຳແຕ່ບໍ່ກໍ່ຜົນສະທ້ອນເຖິງສິ່ງແວດລ້ອມ.

ໃນໄລຍະຈາມາເຖິງ, ທາງແຂວງຈະສືບຕໍ່ເຊື້ອເຊີນບັນດານັກລົງທຶນທີ່ມີກຳລັງຄວາມສາມາດ, ເຂົ້າຮ່ວມການຄົ້ນຄ້ວາ, ຜັນຂະຫຍາຍບັນດາໂຄງການຄື: ພູຢິງ, Safari, ສູນ Logistic ກ໊າຍແມ໊ບຮ້າ, ສືບຕໍ່ປະຕິບັດບັນດາວິທີການແກ້ໄຂ, ໜູນຊ່ວຍ, ຊຸກຍູ້ບັນດາໂຄງການລົງທຶນຄື: ເຂດຕົວເມືອງເບົ່າຈຸງ, ເຂດທ່ອງທ່ຽວແຫຼມງິງຟອງ, ເຂດທ່ອງທ່ຽວ Marina City - ຕວນເຈົາ…

ການສ້າງຍຸດທະສາດດຶງດູດການລົງທຶນທີ່ມີການຄັດເລືອກ, ໜູນຊ່ວຍນັກລົງທຶນດ້ວຍບັນດາການກະທຳຢ່າງລະອຽດ, ຫຼຸດເວລາແກ້ໄຂລະບຽບການບໍລິການ, ສຳເນົາເອກະສານການລົງທຶນ, ບ່າເຣ້ຍ - ຫວຸ້ງເຕົ່າພວມສ້າງພາບພົດກ່ຽວເກບເຂດດິນແດນທີ່ເຕັມໄປດ້ວຍຄວາມສາມາດບົ່ມຊ້ອນແລະ ຈະນຳມາເຊິ່ງຜົນປະໂຫຍດໃຫ້ແກ່ບັນດານັກລົງທຶນພາຍໃນແລະຕ່າງປະເທດ./.