ໝູ່ບ້ານເຄື່ອງປັ້ນດິນເຜົາຢູ່ ບິ່ງເຢືອງ ເຮັດ “ຄວາຍຄຳ” ຍາມບຸນເຕັດ Thiên Lý / VOV TPHCM - ວັນພະຫັດ ທີ 21 ມັງກອນ ຄ.ສ. 2021 | 15:27:51 (VOVWORLD) - ເພື່ອກະກຽມຕ້ອນຮັບບຸນເຕັດປີສະຫຼູ 2021, ປະຊາຊົນຢູ່ໝູ່ບ້ານເຄື່ອງປັ້ນດິນເຜົາຢູ່ ລ໊າຍທຽວ (ນະຄອນ ທ້ວນອານ, ແຂວງ ບິ່ງເຢືອງ) ພວມຫ້າງຫາກະກຽມຜະລິດຮູບປັ້ນ “ຄວາຍຄຳ” ເພື່ອຮັບໃຊ້ຜູ້ອຸປະໂພກບໍລິໂພກ. ໜຶ່ງໃນບັນດາຜະລິດຕະພັນຂອງອາຊີບປັ້ນດິນເຜົາທີ່ເປັນມູນເຊື້ອຂອງເຂດດິນແດນ ລ໊າຍທຽວ ແມ່ນຜະລິດກະປຸກອອມສິນຮູບໂຕໝູ. ໃນຊຸມປີມໍ່ໆມານີ້, ເພື່ອແນໃສ່ຕອບສະໜອງຄວາມຕ້ອງການຂອງຜູ້ອຸປະໂພກບໍລິໂພກ, ຫຼາຍຄອບຄົວໄດ້ຜະລິດຮູບປັ້ນສັດໄປຕາມແຕ່ລະປີ. ຍ້ອນການຫັນເປັນຕົວເມືອງ, ສະນັ້ນບັນດາເຕົາເຜົາຢູ່ ລ໊າຍທຽວ ໄດ້ຍ້າຍໄປເຄື່ອນໄຫວຢູ່ເທດສະບານ ເຕິນອຽນ, ແຂວງ ບິ່ງເຢືອງ. ປີນີ້, ເຂດປັ້ນດິນເຜົາ ເຕິນອຽນ ໄດ້ຜະລິດຮູບປັ້ນ “ຄວາຍຄຳ.” ດ້ວຍປະສົບການໃນການປັ້ນດິນເຜົາມາເປັນເວລາກວ່າ 30 ປີ, ທ່ານ ຫງວຽນວັນຍ່ານ ໃຫ້ຮູ້ວ່າ, ປີນີ້ຄອບຄົວຂອງທ່ານໄດ້ຜະລິດຮູບປັ້ນຄວາຍກວ່າ 10.000 ໂຕ ຕາມໃບສັ່ງຊື້ຂອງພໍ່ຄ້າຊາວຂາຍ. ພາຍຫຼັງຕາກແດດເປັນເວລາ 3 ຊົ່ວໂມງຢູ່ໃນແບບ, ຕອນນີ້ບັນດານາຍຊ່າງຈະແກະຮູບປັ້ນຄວາຍອອກຈາກແບບ. ບັນດາຮູບປັ້ນຄວາຍຈະສືບຕໍ່ນຳໄປຕາກແດດເປັນເວລາແຕ່ 6 – 8 ຊົ່ວໂມງຕື່ມອີກ ກ່ອນທີ່ຈະເອົາເຂົ້າເຕົາເຜົາ. ທ່ານ ຟານວັນຮຽບ, ຢູ່ເທດສະບານ ເຕິນອຽນ, ພວມກະກຽມຮູບປັ້ນຄວາຍ. ທ່ານ ຮຽບ ຖືວ່າ, ແຕ່ລະເຕົາເຜົາສາມາດເຜົາໄດ້ 3.000 – 4.000 ໂຕ. ຕ້ອງເຜົາໃຫ້ໄດ້ 7 ຊົ່ວໂມງ. ພາຍຫຼັງທີ່ຮູບປັ້ນຄວາຍໄດ້ເຜົາແລ້ວຈະຂາຍໃຫ້ບັນດາຮາກຖານຢູ່ນະຄອນ ທູເຢົາ 1 ແລະ ນະຄອນ ທ້ວນອານ ເພື່ອທາສີ ແລະ ຂາຍອອກ. ຕາມເຈົ້າຂອງຮາກຖານຜະລິດກະປຸກອອມສິນຮູບໂຕໝູ ຮີນເລິມ, ນະຄອນ ທູເຢົາ 1 ແລ້ວ, ສີທີ່ທາໃສ່ກະປຸກອອມສິນທີ່ໄດ້ຮັບຄວາມນິຍົມທີ່ສຸດນັ້ນແມ່ນເຫຼືອງ. ລາຄາຂອງຮູບປັ້ນ “ຄວາຍຄຳ” ນີ້ແມ່ນແຕ່ 10.000 ຫາ 80.000 ດົ່ງ/ໂຕ ຕາມແຕ່ລະຂະໜາດໂຕໃຫຍ່, ນ້ອຍ. ເຈົ້າຂອງບັນດາຮານຖານຜະລິດໃຫ້ຮູ້ວ່າ, ບໍ່ພຽງແຕ່ຂາຍຮູບປັ້ນ “ຄວາຍຄຳ” ຢູ່ພາຍໃນປະເທດເທົ່ານັ້ນ, ບິ່ງເຢືອງ ຍັງສົ່ງອອກໄປຍັງລາວ ແລະ ກຳປູເຈຍ ອີກດ້ວຍ. Thiên Lý / VOV TPHCM ຕອບກັບ ສົ່ງ ຂ່າວ/ບົດອື່ນ ການເດີນທາງພິຊິດຈອມພູ ກີກວານຊານ - ແບັກມົກເລືອງຕື ປະທັບໃຈຕໍ່ຄວາມງາມຂອງລະດູໃບໄມ້ຫຼົ່ນ ຮ່າໂນ້ຍ ລ້ອນອ່ຽນ ຖຸຍເລີ້ຍ - ເຍື່ອງອາຫານທີ່ຊາວ ຮ່າໂນ້ຍ ນິຍົມ ບ້ານເກົ່າ ກື້ດ່າ - ບ່ອນເກັບຮັກສາບັນດາຈຸດວັດທະນະທຳເປັນເອກະລັກສະເພາະຂອງເຂດທົ່ງພຽງທາງພາກເໜືອ ຫວຽດນາມ
ສະແດງຄວາມຮູ້ບຸນຄຸນຕໍ່ຄຸນງາມຄວາມດີອັນໃຫຍ່ຫຼວງຂອງທະຫານອາສາສະໝັກ ແລະ ນັກຊ່ຽວຊານ ຫວຽດນາມ ຊ່ວຍເຫຼືອ ລາວ
ສື່ມວນຊົນ ລາວ ຍ້ອງຍໍສັນລະເສີນ ຄຸນງາມຄວາມດີຂອງທະຫານອາສາສະໝັກ ຫວຽດນາມ ແລະ ຜູ້ຊ່ຽວຊານ ຫວຽດນາມ
ພົນເອກ ຈັນສະໝອນ ຈັນຍະລາດ: ການເສຍສະຫຼະອັນຍິ່ງໃຫຍ່ຂອງກອງທັບ ແລະ ປະຊາຊົນ ຫວຽດນາມ ອ້າຍນ້ອງຍາມໃດກໍຝັງເລິກໃນດວງໃຈປະຊາຊົນ ລາວ
ສະມາຄົມອາຊີບຫາປາ ຫວຽດນາມ ຄັດຄ້ານຕໍ່ເລື່ອງ ຈີນ ຫ້າມຫາປາຢູ່ທະເລຕາເວັນອອກປີ 2022 ຕາມລຳພັງໃຈ
ງານວາງສະແດງຫົວຂໍ້ “ຮ່ວາງຊາ, ເຈື່ອງຊາ ແມ່ນຂອງ ຫວຽດນາມ - ບັນດາພະຍານຫຼັກຖານປະຫວັດສາດ ແລະ ນິຕິທຳ” ຢູ່ແຂວງ ບັກຢາງ