ສອງຜົວເມຍລຸງ ຫງວຽນວັນຮ່ວາ ດ້ວຍເນື້ອທີ່ເຮືອນຢູ່ຊັ້ນ 2 ທີ່ຄັບແຄບ, ແຕ່ມີໜ້າກາກຖືກວາງເຕັມເຮືອນ. ບ່ອນເຮັດໜ້າກາກຂອງ ສອງຜົວເມຍລຸງ ຫງວຽນວັນຮ່ວາພຽງແຕ່ແມ່ນລະບຽງນ້ອຍ. 

ສອງຜົວເມຍລຸງຮ່ວາດຸໝັ້ນເຮັດໜ້າກາກນັບແຕ່ເຊົ້າຮອດແລງ. ບັນດາຂັ້ນຕອນເຮັດໜ້າກາກ ກໍລ້ວນແຕ່ຖືກປະຕິບັດຢ່າງຄ່ອງແຄ້ວ.

ລຸງ ຮ່ວາ ໃຫ້ຮູ້ວ່າ ອາຊີບນີ້ ຕ້ອງເຮັດແຕ່ລະຂັ້ນຕອນຢ່າງລະອຽດລະອໍຈຶ່ງຈະງາມໄດ້. ໜ້າກາກຕ້ອງຕາກໃຫ້ແຫ້ງ, ແລ້ວຈຶ່ງແຕ້ມ, ບໍ່ຕ້ອງຟ້າວຟັ່ງ ເພາະວ່າ ຖ້າຫາກແຕ້ມບໍ່ລະອຽດ ແມ່ນຈະບໍ່ງາມ.

ສອງຜົວເມຍລຸງ ຫງວຽນວັນຮ່ວາ ເຮັດໜ້າກາກຕະຫຼອດປີ ໂດຍຍາດເວລາໃນມື້ມີແດດ ຈະເຮັດຫຼາຍກວ່າ ເພາະໜ້າກາກຕ້ອງຕາກແດດໃຫ້ແຫ້ງ. ເພື່ອເຮັດໜ້າກາກໃບໜຶ່ງໃຫ້ສຳເລັດນັ້ນ ກໍຕ້ອງໃຊ້ເວລາໜຶ່ງຊົ່ວໂມງ.

ເພື່ອເຮັດໜ້າກາກໃບໜຶ່ງໃຫ້ສຳເລັດນັ້ນ ກໍຕ້ອງຜ່ານຫຼາຍຂັ້ນຕອນ, ຈາກການເລືອກເອົາແປ້ງມັນເພື່ອຕົ້ມ ຕະຫຼອດຮອດການເລືອກເອົາເຈ້ຍໜັງສືພິມເກົ່າ. ເຈ້ຍໜັງສືພິມເກົ່າ ຕ້ອງຈີກເປັນສ່ວນນ້ອຍ, ແລ້ວວາງໃສ່ຂອບເປັນ 5-6 ຊັ້ນເພື່ອສ້າງຮູບໜ້າກາກ, ຖ້າຮອດເວລາແຂງແລ້ວ, ຈຶ່ງນຳໄປຕາກແດດໃຫ້ແຫ້ງ, ແລ້ວຈຶ່ງແຕ້ມສີໃສ່. 

ໜ້າກາກເຈ້ຍ ແມ່ນຜະລິດຕະພັນທີ່ເປັນມິດກັບສິ່ງແວດລ້ອມໃນປະຈຸບັນ, ສອງຜົວເມຍລຸງ ຮ່ວາ ໄດ້ຜະລິດບັນດາໜ້າກາກດ້ວຍຮູບຮ່າງບັນດາຕົວລະຄອນທີ່ງາມຕາ ແລະ ມີວິນຍານສະເພາະຂອງມັນ.

ການເຮັດໜ້າກາກ ບໍ່ພຽງແຕ່ຕ້ອງເຮັດດ້ວຍມືເທົ່ານັ້ນ, ຫາກຍັງຕ້ອງມີຄວາມຮັກອາຊີບຈຶ່ງຈະມີບັນດາຜະລິດຕະພັນທີ່ງາມຕາ. ເພາະສະນັ້ນ, ສອງຜົວເມຍລຸງຮ່ວາ ຈຶ່ງຍັງຄົງສາມາດຮັກສາອາຊີບເຮັດໜ້າກາກດ້ວຍເຈ້ຍນີ້ໄວ້ໄດ້ຮອດປະຈຸບັນ.