ຕາມ booking.com , 10 ສະຖານທີ່ຮັບຊົມດອກໄມ້ໃນໂລກໄດ້ຮັບການຕີລາຄາສູງຈາກແຂກທ່ອງທ່ຽວລວມມີ:  Amsterdam (ໂຮນລັງ), Funchal (ປອກຕຸຍການ), ດ່າລາດ (ຫວຽດນາມ), Gramado (ບຣາຊິນ), ສິງກະໂປ, Cameron (ມາເລເຊຍ), Cordoba (ແອັດສະປາຍ), Victoria (ການາດາ), Toowoomba (ອົດສະຕາລີ) ແລະ Istanbul (ຕວັກກີ).

booking.com ໄດ້ພັນລະນາວ່າ ດ່າລາດຂອງ ຫວຽດນາມ ຖືກຂະໜາມນາມວ່າ ແມ່ນນະຄອນມວນມາລາ, ດ່າລາດມີ ສວນສາທາລະນະ, ຟາມຫຼາຍແຫ່ງ ແລະ ງານບຸນດອກໄມ້ທີ່ແຕກຕ່າງກັນ ທັງໝົດເຫຼົ່ານັ້ນກໍ່ລ້ວນແຕ່ສ້າງຄວາມງາມໃຫ້ດິນແດນແຫ່ງນີ້ດ້ວຍມວນມາລາຫຼາກຫຼາຍສີສັນແລະ ທິວທັດທຳມະຊາດສວຍສົດງົດງາມ. ພວກເຮົາຂໍແນະນຳດອກໄມ້ 10 ຊະນິດທີ່ພົ້ນເດັ່ນຢູ່ດ່າລາດດັ່ງ ລຸ່ມນີ້ 

ຫ່າງຈາກໃຈກາງນະຄອນປະມານ 25 ກີໂລແມັດ, ສວນດອກໄມ້ບົວດອງມີລວງຍາວ 50 ແມັດຢູ່ຕາແສງ ດາຣົນ, ເມືອງເດີນເຢືອງ ແມ່ນສະຖານທີ່ຮັບຊົມດອກໄມ້ທີ່ງົດງາມດຶງດູດແຂກທ່ອງທ່ຽວມາຖ່າຍຮູບຢ້ຽມຊົມໃນຍາມເດືອນ ຕຸລາ ຫາເດືອນພະຈິກ.

ຄວາມປະທັບໃຈຂອງດອກ ໄຮເດີເຣນເຈຍ ຢູ່ດ່າລາດແມ່ນບານສະຟັງຕະຫຼອດປີ ໃນນັ້ນດອກໄມ້ບານຫຼາຍ ແລະ ງາມທີ່ສຸດ ແມ່ນເດືອນພຶດສະພາ ຫາເດືອນທັນວາ

ຊ່ວງເວລາດອກຕາເວັນບານສະພັງຢູ່ດ່າລາດ ມີ 2 ລະດູ.ນັ້ນແມ່ນໃນເດືອນພຶດສະພາຫາເດືອນມິຖຸຸນາ ແລະ ເດືອນພະຈິກ ຫາເດືອນທັນວາ. ຖ້າຫາກວ່າບັນດາທ່ານຢາກແວ່ຢ້ຽມຊົມສວນດອກຕາເວັນນັ້ນກໍ່ຄວນໄປຢ້ຽມຊົມໃນເວລາແຕ່ 8 – 10ໂມງເຊົ້າຫຼື ແຕ່ 3 ໂມງ - 5 ໂມງຕອນບ່າຍ, ຊ່ວງເວລານີ້ດອກໄມ້ສວຍງາມທີ່ສຸດ.

ດອກກູລາບດ່າລາດຖືກປູກ ແລະ ບານສະພັ່ງຕະຫຼອດປີ ອັນໄດ້ສ້າງເງື່ອນໄຂສະດວກໃຫ້ແກ່ແຂກທ່ອງທ່ຽວມາຢ້ຽມຊົມ ແລະ ຊື້ດອກໄມ້ໃນທຸກໆເວລາ

ດອກລາແວນເດີ ແມ່ນດອກໄມ້ດ່າລາດທີ່ມີຊື່ສຽງທີ່ສຸດ ແລະ ດອກບານສະພັງງາມທີ່ສຸດໃນຊ່ວງເວລາເດືອນກໍລະກົດແຕ່ລະປີ. ສິ່ງທີ່ພາໃຫ້ດອກໄມ້ຊະນິດນີ້ ມີຄວາມງາມພິເສດແມ່ນຢູ່ບ່ອນວ່າ ພຽງແຕ່ຢູ່ດ່າລາດຈຶ່ງສາມາດປູກດອກໄມ້ຊະນິດນີ້ໄດ້.

ດອກບັກວິດດ່າລາດຖືກປູກຫຼາຍທີ່ສຸດຢູ່ນິຄົມກະເສດດ້ວຍຈຸດປະສົງແມ່ນໃຊ້ເປັນຫົວ ອາຫານສັດ, ເພາະສະນັ້ນຄຸນນະພາບຂອງຕົ້ນດອກໄມ້ນີ້ໄດ້ຮັບການບົວລະບັດເປັນຢ່າງດີ. ແຂກທ່ອງທ່ຽວຈະມີໂອກາດແວ່ຢ້ຽມຊົມບັນດາທົ່ງດອກບັກວິດທີ່ສວຍສົດງົດງາມໃນຍາມເດືອນກັນຍາ ຫາເດືອນພະຈິກ.

ດອກບານຂາວດ່າລາດ ເລີ່ມບານສະພັງນັບແຕ່ເດືອນທັນວາ ຫາເດືອນມັງກອນ ປີຕໍ່ໄປ. ໃນນັ້ນເດືອນທັນວາ ແມ່ນຊ່ວງເວລາ ດອກໄມ້ບານຫຼາຍທີ່ສຸດ ແລະ ສວຍງາມທີ່ສຸດ.

ດອກຝາງມ່ວງດ່າລາດ ແມ່ນສິນພິເສດໃນຍາມເດືອນມີນາແຕ່ລະປີຍ້ອນວ່ານີ້ແມ່ນຊ່ວງເວລາທີ່ດອກໄມ້ບານຫຼາຍແລະສວຍງາມທີ່ສຸດ.

ດອກມີໂມຊາ ແມ່ນໜຶ່ງໃນບັນດາຊະນິດດອກໄມ້ທີ່ເປັນເອກະລັກສະເພາະຍ້ອນວ່າພຽງແຕ່ສາມາດປູກແລະ ແທດເໝາະກັບເງື່ອນໄຂດິນຟ້າອາກາດຢູ່ນະຄອນດ່າລາດ ມວນມາລາ ເທົ່ານັ້ນ.

ຊ່ວງເວລາດອກສະກຸຣະ ບານສະພັ່ງ ແມ່ນເລີ່ມແຕ່ເດືອນມັງກອນຫາເດືອນກຸມພາ, ປັດຈຸບັນນະຄອນມີຕົ້ນສະກຸຣະ ປະມານ 3000 ຕົ້ນຢູ່ກະແຈກກະຈາຍຕາມເສັ້ນທາງອ້ອມແອ້ມໜອງຊວັນເຮືອງ (ຖະໜົມເຈິ່ນຮຶງດ້າວ), ໜອງຕວຽນເລິມ ຫຼື ທາງດ້າກຸ໊ຍ.